KANUN LABARAI
Dalilai biyar da ya sa mata suka fi son namiji mai gemu
Zulaiha Danjuma
Mata a Kano sun bayyana dalilai biyar da ya sanya suka fi son namiji mai gemu fiye da wanda bashi da shi.
A hirar da Kano Focus ta yi da wasu ‘yan mata sunce nuna mutuntaka, kyawun fuska ra’ayi, sunna da kuma damar yin wasa da gemun na da cikin dalilan da suka sanyasu zabar maza masu gemu.
Nuna mutuntaka
Wata budurwa a nan Kano Farida Abubakar da ke sana’ar sayar da abinci ta ce duk cikin maza ba wanda ke burgeta fiye da mai gemu.
A cewar ta namiji mai gemu komai kankatarsa yana nuna mutuntaka yana kuma kara gyara shi.
A don haka ta ce matukar ita za ta zabi mijinta to shakka babu mai gemu zata zaba.
Ita kuwa Khadija Adamu da ke Jami’ar Bayero ta ce namiji mai gemu ba wanda ya kaishi kamala da cika ido da kuma nuna mutuntaka.
A don haka ita dai zabin ta shi ne namiji mai gemu ko da kuwa mummuna ne.
Kwanciyar rai
Haka zalika matan sunce namiji mai gemu ko ba komai a kwai shiga rai.
Zainab Ka’oji daliba a kwalejin kimiyya da ke nan Kano ta ce ita dai namiji mai gemu ya fi kwanta mata a rai ba tare da l’akari da kalar sa ba.
Ta ce namiji mai gemu yana matukar burgeta musasamn mai mai saje musamman ma idan yana kula da shi.
Ita kuwa Nusaiba Magaji da ke Unguwar Tarauni a nan Kano ta ce baa bin da za a yi da namiji mara gemu ko saje.
Ta ce namiji mai gemu ya fi shiga rai ya kuma fi sanya mace farinciki da zarar ta kalleshi.
A cewar ta mazan da basu da gemu basu da ko dadin kallo.
Ta kara da cewa namijin da bashi da gemo komawa yake kamar mace baya bada sha’awa ko kadan.
Kyawun Fusaka
Haka zalika wasu ba’arin yan matan sunce abin da yasa suka fi zabar namiji mai gemu shi ne sun fi wadanda basu da shi kyau.
Fatima Ibrahim da ke unguwar farm Center a nan Kano ta ce maza masu gemu suna da tsananin kyau fiye da shagirai.
Ita kuwa Farida Abubakar da ke unguwar Hauwasa a nan Kano ta ce ana ganin namiji mai gemuma a zahirin sa kaga kyayyakwa.
A don haka ta ce ita dai ta zabi mai gemu domin ko da yana da muni to gemun na boye munin sa.
Zaka iya wasa dashi
Ba’arin wasu yan matan kuwa cewa suke sun zabi namiji mai gemu ko dan su yi wasa da gemun.
Khadija Adamu dake Unguwar Kabuga ta ce babban abin da ya sanya ta zabi namiji mai gemu shi ne ko dan ta yi wasa da gemu iya son ranta.
A cewar ta idan mace tana da miji mai gemu to ko ya bata mata rai da ta fara wasa da gemunsa sai zuciyar ta ta sakko.
Sunnah
Haka kuma wasu ‘yan matan sun ce sun zabi mai gemu ne domin shi gemu sunna ne.
A cewar Ramatu Shehu ta zabi namiji mai gemu ne saboda cewar mafiya yawan masu ajiye gemu suna dabbaka sunnan ne.
Ko me mazan ke cewa game da ra’ayi matan?
Wasu daga cikin samari a nan Kano da Kano Focus ta zanta da su sun bayyana yadda suka tsinci kan su a hannun yan matan.
Mustapha Fagam dalibi ne a jami’ar Bayero da ke nan Kano ya ce ya ga mata ba adadi da zuciyar su ke kaunar namji mai gemu.
Ya ce mata sun sha gaya masa ra’yin su na son namiji mai gemu ko da kuwa mummuna ne.
Ya ce mata da dama ne suka guje shi sabo da bashi da gemu.
Shi kuwa Mustapha Rabi’u da ke sana’ar sayar da katin waya a unguwar Tudun Yola ya ce ya rabu da mata kusan biyar sabo da shi shagiri ne.
Mata nason gemu
A cewar Bashir Tahir Sulaiman mata da yawa na manne musu saboda gemun da suke dashi.
A cewar sa yadda mata ke masa saboda gemunsa na sa shi ya dan ji girman kai.
Ya ce hakan ta sanya ya tanaji mai da sauran kayan gyara domin ya ci gaba da burge matan
Shima Abdussalam Danjuma da ke zaune a unguwar zoo road ya ce mata na rububin sa saboda kyawun gemunsa.
Ya ce mata basa dauke ido da ga gemusa musamman ma idan ya sanya dogayen kaya da kuma hula.
Ya ce hakan ta sanya shi ya ke sanya mai domin gyaran gemun nasa yadda matan za su so shi sosai.
Said dai duk da wannan batu akwai matan da su kuma gemun bai damesu ba.
Maza masu gemu kazamai ne
Wata budurwa mai suna Khadija Nuhu Umar da ke unguwar hotoro
ta ce ko kadan namiji mai gemu baya burgeta domin maza masu tara gemu kazamai ne.
Ta ce mafiya yawan mata masu gemu haka suke barin sa butsa-tsa ba kyan gani da hakan ke sanya ta shirin yin amai idan taga mai shi.
Wata malamar jinya Asibitin koyar na Aminu Kano Hafsa Inuwa ta ce maza masu gome basa burgenta ko kadan.
A cewar ta masu tara gemu kazamai ne basa iya tsafta ce gemun nasu.
Ko da ya ke ana samun wasu suna wankewa amma duk da haka baya burgeta.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Education Renaissance: Governor Yusuf to Boost Learning and Safety in Kano’s Public Schools
Kano bags National Council on Education award
KSCHMA coverage increased by 37% in 15 months – E.S
EU partners UNICEF to enhance school safety, quality education in Kano
Chartered Institute of Stockbrokers to Leverage Financial Expertise for Economic Growth
Kano State Reforms: Sa’adatu Rimi University Reverts to College of Education Status
My turbulent experience with Air Peace flight P47425: A Night of delays and chaos
Kano College of Health Sciences gets new Provost
Asiwaju Tinubu: The demystifier of entrenched lazy rants and entitlements
