KANUN LABARAI
Gwamnatin Kano za ta mayar da ma’aikatan wasu hukumomin ta zuwa makarantu
Mukhtar Yahya Usman
Gwamnatin Kano ta ce za ta zakulo masu shaidar karatu na koyarwa da ke aiki a ma’aikatu daban-daban a jihar nan domin mayar da su aikin koyarwa.
Kano Focus ta ruwaito sakataren gwamnatin jiha Alhaji Usman Alhaji ne ya sanar da hakan a ranar Talata ya yin da ya ke kaddamar da kwamitin da zai lalalubu matsalolin da ke hana shirin Ilimi kyauta kuma dole na gwamnantin Kano ya ci gaba.
Usman Alhaji ya ce bai dace mutum na da shaidar karatu na koyarwa ba kuma ya tafi yana aiki a wasu bangarorin da basu shafi Ilimi ba.
A cewarsa a don hakan ne ma aka dorawa kwamitin alhakin zakulu irin wadannan mutane a kuma mayar da su makarantu domin su ciyar da harkar Ilimi gaba.
Ya ce wadannan mutane za su koyar ne a dukkanin bangarorin makarantu da ake da su da suka hadar da firamare da sakandire har ma da manyan makarantun gaba da sakandire.
Haka kuma kwamitin zai yi aikin nazartar dukkanin ma’aikatu da hukumomin gwamnati domin gano wadanda ayyukan su suka yi iri daya domin hadesu wuri guda.
Ya ce bayan hadesun ragowar ma’aikatan za a mayar da su bangaren koyarwa domin su tallafawa jihar su.
Kwamitin mai mambobi 19 na da tsohon babban sakatare a ma’aikatar ilim ta Jiha Alhaji Danlami Garba a matsayin shugaban.
Sai kuma Abdullahi Balarabe daraktan gudanarwa a ofishin sakataren gwamnati, da kuma Abba A Dungurawa da ga ofishin shugaban ma’aikata na jihar Kano a matsayin sakatare na biyu.
Haka zalika Usman Alhaji ya kaddamar da wani kwamitin da zai duba yadda za a farfado da tattalin arzikin Kano bayan wucewar COVID-19
Ya ce gwamnan Kano Abdullahi Umar Ganduje ya yi hangen irin halin da za a shiga na rayuwa bayan Corona musamman ma matsin tattalin arziki da hakan ya sa ya farga tun da wuri.
Kwamitin da Sakataren gwamnati Usman Alhaji ke shugabanta ya hadar da mambobi da ga dukkanin bagarorin da suka shafi tattalin arziki a jihar nan.
Kimanin marasa lafiya masu rauni 18,000 da ke fama da cututtukan ido daban-daban a jihar Katsina sun amfana da ayyukan kulawar ido da tiyata kyauta da Gidauniyar Mangal ta dauki nauyi tun bayan kafuwarta a shekarar 2016.
Wani mamba na kwamitin amintattu (Board of Trustees) na gidauniyar, Malam Hussaini Kabir, ne ya bayyana hakan a ranar Juma’a yayin kaddamar da aikin tiyatar ido na zangon karshe na shekarar 2025 a Cibiyar Ido ta Katsina.
Kabir ya bayyana cewa kimanin mutane 7,000 ne suka amfana a shekarar 2025 kadai, daga sassan jihar Katsina, jihohin makwabta, har ma da wasu yankuna na Jamhuriyar Nijar.
A cewarsa, gidauniyar ta fara tantance wadanda za su amfana kimanin makonni biyu da suka gabata, inda marasa lafiya da dama suka samu magunguna kyauta da tabarau na likita.
Kabir ya kara da cewa wadanda ke bukatar tiyata an dauki nauyin dukkan zaman asibitinsu gaba daya, yana mai cewa kimanin marasa lafiya 2,000 aka tantance a yayin aikin zangon karshe da ake ci gaba da yi.
Ya sake jaddada kudirin gidauniyar na inganta samun kulawar lafiya, yana bayyana shirin a matsayin wani bangare na nauyin alhakin zamantakewar kamfanoni (corporate social responsibility).
“Manufarmu ita ce tallafa wa kokarin gwamnati tare da rage nauyin kudin kula da lafiya ga mafi rauni, musamman wadanda ke fama da matsalar biyan bukatun rayuwa,” in ji shi.
Wani likitan ido a cibiyar, Dokta Ahmad Hamza, ya bayyana cewa an gano marasa lafiya da dama na fama da cutar idon toka (cataract) da glaucoma, cututtuka da galibi ke bukatar tiyata.
Ya jaddada muhimmancin duba ido akai-akai, yana mai cewa gano cuta da wuri na taimakawa wajen hana asarar gani ta dindindin da cututtukan ido masu zuwa a boye ke haifarwa, kamar glaucoma, cataract da lalacewar macula (macular degeneration).
Daya daga cikin wadanda suka amfana, Malam Yusufa Usman, ya ce ya shafe sama da shekaru biyu yana fama da matsalar gani amma ba shi da ikon biyan kudin tiyata.
“Tsawon shekaru biyu ban iya gani sosai ba, amma yau na yi tiyata kuma ina da fatan ganina zai dawo.
Ina rokon Allah Madaukakin Sarki ya saka wa Gidauniyar Mangal da alheri bisa wannan kyakkyawan aiki.
“Ina fatan sauran masu kudi za su yi koyi da wannan abin a yaba,” in ji Usman.
Wata mai amfana, Aisha Muntari daga kauyen Bakuru, ta bayyana kwarewarta yayin da take jiran a kai ta dakin tiyata.
Muntari ta ce ta kamu da matsalar ido kimanin shekara guda da ta wuce kuma ta kusa yanke tsammani kafin ta samu labarin shigar gidauniyar, tana mai bayyana kwarin gwiwar cewa nan ba da dadewa ba ganinta zai dawo.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
EFCC Trains Anti Corruption Operatives on Financial Crimes in Kano
NDLEA commends court over 15-Year jail term for drug suspect in Kano
Dangote spotlights refinery, vision 2030, others, at Nasarawa trade fair
ACF nominates Dr Goni Faruk Umar, others for endowment fund committee
Dangote, Pope Leo XIV, Trump, Xi Jinping, others named in TIME 100 most influential people for 2026
Kano SUBEB disowns fake teachers’ recruitment results
FG, UN-IGO plan 3,000 housing units, school for displaced persons in Lagos
Kwankwasiyya movement raises concern over judicial rulings, urges NJC intervention
Kano deputy governor resigns, cites governance stability
