Connect with us

KANUN LABARAI

Hisba ta kama matasa uku a Kano da ta ce sun kulla mata sharri

Published

on

Amniu Abdullahi

Hukumar Hisba ta cafke wasu mutane uku da ta ce sun yi mata kazafin kone shaguna a kasuwar Badume, ya yin da ta kai sumamen hadin gwiwa da hukumar NDLEA a makon jiya.

Kano  Focus ta ruwaito wadanda hukumar ta kama sun hada da Gambo Babangida da Isma’il Ahmad da kuma Abubakar Kanabaro.

Wadanda ake zargin dai sunyi rubutu a shafukan su na Facebook inda suka ce hukumar ta kone musu shaguna ya yin da taje kamen masu aikata badala da ta’amali da miyagun kwayoyi.

Saidai sun lashe aman su bayan da hukumar ta kama su tare da karyata rubutun da sukayi.

Gambo Babangida ya ce tabbas ya janye kalaman sa domin kuwa yasan cewa masu aikin Allah ba za su aikata abinda ya fada ba.

“Nayi kuskure a rayuwa ta da ban taba yi ba, nafi shekara hamsin da bakwai tabbas harshe na ne ya jawomin kuma bazan kara ba,” a cewar sa.

Isma’il Ahmad cewa ya yi maganganun da yaji mutane sunayine ya kaishi ga aikata haka kuma ba tare da yayi bincike ba.

Ya kara da cewa ya yi nadama daga baya don kuwa ba a kone masa shagon sa ba.

Shima Abubakar Kanabaro cewa ya yi jita-jita ce tayi tasiri akan sa har takai ga ya dora a shafin facebook.

“Nima nayi na dama don har ga Allah nagano basu da hannu a cikin abinda ya faru,” a cewar sa.

Ya kara da cewa a shirye suke da a dauke su aikin hukumar Hisbah don kawar da badala da kuma jaddada ayyukan alkairi a tsakanin al’umma.

“Zamu taimakawa Hisbah wajen bincike gurbatattun abubuwan dake faruwa a kasuwar,” a cewar sa.

Da yake nasa jawabin babban kwamandan Hisbah Muhammad Harun Sani Ibn Sina ya ce sun bi diddigin wadanda suka yada labarin na karya ta shafin facebook tare da kamasu.

Ya ce bayan da aka kamasu ne kuma sai suka karya ta kansu.

Ibn Sina ya ce tunda har sun tuba kuma sun amsa laifin su to hukumar za ta yi musu afuwa kamar yadda ta saba.

Click to comment

Leave a Reply

Your email address will not be published. Required fields are marked *

Hausa

Ruwan sama na barazanar raba hanyar Dawakin kudu zuwa Tsakuwa

Published

on

Nasiru Yusuf Ibrahim

 

Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.

Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.

Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.

Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.

A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.

Continue Reading

Hausa

Wani Attajiri ya ba da kyautar makabarta a garin Tsakuwa

Published

on

Nasiru Yusuf Ibrahim

 

Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.

Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.

Ya ce attajirin ya danka amanar makabartar ne karkashin kulawar Tsakuwa Mu Farka.

Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.

Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.

“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.

“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”

Continue Reading

Hausa

Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote

Published

on

Nasiru Yusuf Ibrahim

Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.

Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .

Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.

“Duk abinda ya shafi yan Najeriya ya shafemu”, inji Sanarwar.

Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun  da basu samu damar biya ba a baya.”

Kamfanin na Dangote na sarrafa siminti da takin zamani da kuma tatar man fetur. A  bangaren kayan abinci kuma, Kamfanin na sarrafa sikari,  gishiri da kayan dandanon girki ne kadai.

“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen  ciyar da al’umma.” Dangote.

 

Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.

“Kamfaninmu ya kasance me bin dokokin kasa a koda yaushe tare da  neman sauki ga al’umma da fatan alheri.”

Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada  rade-radi da jita-jita.

Continue Reading

Upcoming Events

There are no upcoming events at this time.

Facebook

Twitter

Trending