KANUN LABARAI
Kishiya ta babbaka kishiyar ta a Kano
Aminu Abdullahi
Wata kishiya ta yiwa uwar gidanta da ‘yar ta mai shekaru uku wanka da tafashasshen ruwan zafi a unguwar Sheka Sabuwar Abuja dake karamar hukumar Kumbotso a jihar Kano.
Kano Focus ta ruwaito cewa wacce ake zargin Hauwa’u Auwal mai shekaru 30 ta kwarawa abokiyar zamanta mai suna Sha’awa Muhammad ruwan zafinne bayan da suka samu sabani a ranar juma’ar data gabata.
Sha’awa Muhammad ta ce kishiyarta ta zargi ‘yar ta mai suna Aisha da yi mata fitsari a ruwan wanka data kai ban daki.
“Da ta shiga bandaki sai ta fito tace yarinya ta tayi mata fitsari a cikin ruwan wanka kuma na tambayi ‘yar tawa ta ce min ita bata yi mata komai ba.
“Lokacin da ta ce anyi mata fitsarin ni ban yi mata magana ba mijina na fadawa kuma na ce idan har tace anyi matan to tayi hakuri,” a cewar ta.
Ta kara da cewa tana zaune a kofar daki tare da ‘yarta kawai sai ji tayi ta kwara mata ruwan zafi wanda ya sabule mata jiki tare da yarinyar ta.
“An kwantar da mu a asibiti guda daya nida ‘yar tawa amma daki daban daban.
Da aka kawomin ‘yar tawa saida ta tsorata saboda kasa ganeni da tayi sakamakon konuwar dake fuska ta da jiki na.
“Wallahi bana iya kwanciya, bacci ma baya yiwuwa, ina rokon abi min hakkina akan abinda ta aikatamin, kuma da rana abin ya faru ba da daddare ba” a cewar Sha’awa Idris.
A nata bangaren wacce ake zargi Hauwa’u Auwal dake dauke da juna biyu ta ce an sha zuba mata abubuwa a cikin ruwa idan ta ajiye.
Ta kara da cewa abokiyar zaman nata tana da son fitina hakan tasa take yawan takalarta fada a koda yaushe, amma mijin su baya daukar wani mataki.
Ta kuma ce bada sanin ta takwara musu ruwan zafinba, don kuwa ta dauko ruwan ne zuwa bandaki domin ta wanke kanta a nan ne ya zube daga hannunta inda ya kona su a cewar ta.
“Nan take da abun ya faru ya sakeni saki uku saboda lokacin yana daki su kuma suna Kofar daki.
“Gaskiya nayi nadamar abinda ya faru wallahi da nasan hakane bama zanyi magana akan ruwan ba,” a cewar Hauwa’u.
A nata bangaren rundunar “yan sandan jihar Kano ta tabbatar da faruwar lamarin.
Mai magana da yawun rundunar Abdullahi Haruna Kiyawa ya ce an mika wadanda abin ya shafa zuwa asibiti.
Ya kuma ce wacce ake zargin ta shiga hannun su kuma da zarar an kammala bincike zasu gurfanar da ita a gaban kotu.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Kwankwaso Criticizes Federal Government Over Rice Palliative Distribution in Kano
Dangote set to complete multimillion Naira skills centre, says Nawabuddin
Barau Jibrin Launches Postgraduate Foreign Scholarship Scheme for Kano Students
Kano State Politics Set for a Major Shift as Kwankwaso and Ganduje’s Influence Wanes: What’s Next for the Power Dynamics in 2027?
Fagge, Mai Bushira, Naniya now professors as BUK Promotes 90 Senior Academics
Tinubu appoints Prof Abdullahi Pakistan chairman of Hajj Commission
Emir of Kano, Muhammadu Sanusi II, bags PhD
BUK appoints Haruna Aliyu new Registrar
Doctors hold solidarity walk in Kano, demand release of abducted colleague
