Connect with us

Hausa

Ba za mu janye daga tuhumar Aduljabbar ba- Malaman Kano

Published

on

Malaman Kano

Mukhtar Yahya Usman

Gamayyar Malam Kano da suka hadar da ‘yan Izala da na Tijjaniyya da kuma Kadiriyya sun ce suna nan kan bakansu,  ba za su janye daga tuhumar Abduljabbar Kabara ba.

Kano Focus ta ruwaito gamayyar malaman sun cimma wannan matsaya ne ya yin zaman gaggawa da suka gudanar a masallacin Usman bn Affan da ke kofar Gadon Kaya  da yammacin ranar Asabar.

Malaman da suka gudanar da zaman sun fito ne daga dukkanin bangarorin akida da ke jihar nan, da suka hadar da Izala da Qadiriyya da kuma Tijjaniyya.

Da yake jawabi a madadin malaman Dakta Muslim Ibrahim wanda shi ne shugaban zaman ya ce ko kadan ba za su janye shirinsu na tuhumar Abduljabbar ba.

Ya ce tunda kotu ta dakatar da zaman, kuma gwamnatin Kano ta karba, to za su jira lokacin da kotun za ta bada dama a gudanar da mukabalar.

A cewarsa basu ji dadin matakin da kotun ta daukaba, amma za su yi biyayya ga umarnin kotun har zuwa ranar 22 ga Maris da kotun ta sanya domin ci gaba da sauraron karar.

Ba zan taimakawa Abduljabbar ya yi suna ba -Sarkin Musulmi

Tuhumar Abduljabbar za a yi ba mukabala ba-Sheikh Ibrahim Khali

Masoyana ku janye karar da kuka kai Ganduje-Abduljabbar Kabara

Dakta Muslim ya kuma yi kira ga gwamnan Kano Abdullahi Umar Ganduje da kada ya janye kudirinsa na mukabalar, a cewarsa ta haka ne za a tsamo jama’a daga halaka.

“Muna cikin shirin ko ta kwana na zaman tuhuma.

“Muna jiran kotu ta baiwa gwamnati damar ci gaba da wannan shiri nata

“Muna tabbatarwa da kowa babu komai cikin wannan tuhuma fa ce alkhairi, don warware duk wata shubuha, ya taimakawa mutane fitda daga duhun bata da zandiganci.

“Muna tabbatarwa da gwamnati da duk wani mai fatan alheri ga al’umma cewa mu masu biyayya ne ga duk wani tsari da zai wanzar da zaman lafiya da ci gaban al’ummar Manzon Allah

Ba musan manufar lauyaba

Haka zalika malaman sun nuna bacin ransu ga lauyan da ya shigar da karar ya nemi a dakatar da zaman.

A cewar Dakata Muslim basu san manufar lauyan na shigar da karar ba kuma basu san wa ya dauki nauyinsa ba.

a cewarsu sai da ya dubi ranar juma’a daf da za a yi zaman sannan ya yi karar da ta ruguza komai.

A don hakan ne suka kirashi da ya ji tsoron Allah ya sani zai tsaya gaban Allah ya kuma amsa tambayar abinda ya aikta.

Hausa

‘Yan sanda a Kano sun kama makocin da ya jagoranci yiwa makocinsa fashi

Published

on

Aminu Abdullahi

Rundunar ‘yan sandan jihar Kano ta kama wani matashi Sa’id Abubakar da ya jagoranci mutane uku wajen yiwa makocinsa Nasiru Sulaiman fashi a Unguwar Maidile dake karamar hukumar Kumbotso a nan Kano.

Kano Focus ta ruwaito jami’in hulda da jama’a na rundunar ‘yan sandan Kano Abdullahi Haruna Kiyawa ne ya sanar da hakan ranar Juma’a a nan Kano.

Kiyawa mai mukamin mataimakin sufurtandan ‘yan sanda ya ce tun a ranar 29 ga watan da ya gabata ne suka sami rahoto daga wanda aka yiwa fashin.

Ya ce sun shiga gidansa ne da misalin karfe 1:30 zuwa biyu na dare inda suka yi amfani da bindiga wajen yi masa fashi.

Ganduje ba zai iya biyan cikakken albashin watan Maris ba-Kwamishina

An sace mutane 12 ‘yan Kano a Kaduna

Kotu a Kano ta aike da ‘yan sanda biyu gidan yari

Kiyawa ya ce wadanda aka kama sun hadar da Sulaiman Ja’afar wanda shi ne makocin daya jagoranci yin fashin.

Sai kuma abokan aikin sa da suka hadar da Sai’du Abubakar mazaunin Gaida, da Adamu Ya’u Muhammad dake unguwar Sharada sai Isyaku Mudi dan asalin jihar Kebbi dake zaune a unguwar Hotoro.

Haka zalika Kiyawa ya ce  ‘yan fashin sun kwace masa kudade da agogo da kuma motar sa kirar Ford inda aka samota a Zamfara ana shirin sayar da ita.

Ya ce bayan da suka samu rahoton ne kuma suka baza jami’an su inda suka samu nasarar kama su.

Da yake shaida yadda aka yi masa fashin Nasiru Sulaiman ya ce sun balle kofar gidan sa ne bayan da yaki budewa suka kuma tsira shi  da bindiga.

“Sanda suka shigo na shiga tashin hankali sosai.

“Sun nemi dana basu kudi,  suka kuma dauki mota ta da sauran kayayyaki,” a cewar sa.

Shima matashin da ya jagoranci fashin Sulaiman Ja’afar ya ce shi ya jagoranci abokan nasa uku zuwa yin fashin.

“Munje gidan sa da daddare mu biyar da bindiga da wukake.

“Ni ban tabayi ba wannan shi ne karo na farko amma su ragowar dama suna yi,” a cewar sa.

Continue Reading

Hausa

Gwamnatin Kano ta bada umarnin rufe gidajen Abinci da na Biredi

Published

on

Ganduje

Aminu Abdullahi

Hukumar kare hakkin masu siyan kayayyaki ta jihar Kano (CPC) ta ba da umarnin rufe gidajen sayar da abinci da na biredi da na ruwa da ba su da takardar shaidar hukumar lafiya ta jihar Kano.

Kano Focus ta ruwaito mukaddashin shugaban hukumar Bappa Babba Dan Agundi ne ya bada umarnin a cikin wata sanarwa da jami’in hulda da jama’a na hukumar ya fitar  ranar jma’a a nan Kano.

Dan Agundi ya ce  umarnin ya biyo bayan cikar wa’adin makonni biyu da aka basu dan su yi rajistar, inda ya ce umarnin ya fara aiki nan take.

Ya ce kullewar ta zama dole tun bayan da aka gano wasu masu dauke da cutar hanta da kuma wasu cutuka da za a iya dauka a wasu gidajen abinci a cikin birnin Kano.

Ba zamu saurarawa duk wanda zai ciyar da mutanen Kano guba ba-Baffa Babba

Cin zarafi: Kotu ta umarci ‘yan sanda su binciki Baffa Babba Dan Agundi

Zamu ci gaba da tsaftace harkar magani a Kano-Bappa Dan Agundi

Idan za a iya tunawa dai a jiya Alhamis ne hukumar ta kulle wasu gidajen abinci biyu a Kano bayan da aka samu wasu daga cikin ma’aikatan na dauke da cutar hanta.

Gidajen da aka rufe sun hadar da na Down Town da ke kan titin Bompai, sai kuma gidan Abinci na Alkhairi Suya da ke kan titin zuwa Maiduguri.

Dan’agundi ya ce gwamnati ta basu dama su rufe duk wani gidan abinci ko abin sha da hukumar lafiya ba ta gamsu da yadda suke kula da harkokin kiwon lafiyar ma’aikatan su ba.

Yace wannan wani mataki ne na kare lafiyar al’ummar jihar Kano daga kamuwa da wasu cututtuka sakamakon ziyartar irin wadannan wurare.

Continue Reading

Hausa

Ganduje ba zai iya biyan cikakken albashin watan Maris ba-Kwamishina

Published

on

Ganduje

Mukhtar Yahya Usman

Gwamnatin Kano ta ce yanke kudin da gwamnatin tarayya ta yi mata a watan Maris yasa ba za ta iya biyan ma’aikata cikakken albashin watan Maris ba.

Kano Focus ta ruwaito Kwamishin yada labarai na jihar Kano Muhammad Garaba ne ya sanar da hakan cikin wata sanarwa da ya fitar ranar Litinin a nan Kano.

A cewar kwamishinan gwamnatin Kano bata taba gaza biyan ma’aiakata albashinsu dai-daiba tun da aka kafata sai yanzu.

Ya ce la’akari da halin talauci da aka shiga, abu ne da zai yi wuya gwamnati ta iya cikakken albashin wantan Maris ko da dai matsalar ta dan wani lokacice.

Muhammad Garba ya ce gwamnatin Kano ta karbi naira biliyan 12, da miliyan 400 kawai daga asusun gwamnatin tarayya a watan na Maris.

Haka kuma cikin wadannan kudade gwamnatin Kano za ta yi amfani ne da Naira Biliyan 6 da Miliyan 100, kawai, inda kananan hukumomi suka karbi Naira biliyan 6 da Milyan dari uku.

A don hakan ne ma ya ce indai gwamnati za ta biya albashi kamar yadda ya kamata ba tare da gibiba to tana bukatar wasu biliyoyin nairori domin cike gibi.

Haka zalika kwamishinan ya kirayi kungiyar kwadago reshen jihar Kano da ta janye yajin aikin da ta ke shirin yi, a cewarsa lamarin ba mai dorewa ba ne.

Continue Reading

Trending