Connect with us

Hausa

Yadda lemon Jolly Jus ya hallaka mutane biyu, da jikkata 19 a Kano

Published

on

Mukhtar Yahya Usman

Akalla mutane biyu ne suka hallaka, kimanin 21 suka kamu da wata cuta da ba a kai ga ganota ba, sakamakon zargin shan lemon Jolly Jus da wa’adin amfani da shi ya kare.

Kano Focus ta ruwaito al’amarin ya farune a unguwannin Warure, Dandago da kuma Sabon Sara a cikin Birnin Kano.

A cewar shaidun gani da ido, shan ruwan lemon ya kwantar da mutane 13 ‘yan gida daya a unguwar Warure Makasa, yayin da ya kwantar da wasu shida a makota.

Ya yin da sauran suka kamu a unguwannin Dandago da Sabon Sara.

Haka zalika sunce shan lemon ya yi sanadiyyar mutuwar mutane biyu, daya a Unguwar Garangamawa, yayin da guda kuma ya mutu a unguwar Sabon Sara.

Siyama Rabi’u ita ce wadda ta hada lemon ta baiwa kowa ya sha a gidan ta ce da farko sun za ci ruwa ne da suka siya daga wurin ‘yan garuwa, sai dai daga baya suka fahinci sun sha lemon jolly Jus ne da wa’adinsa ya kare.

“A ranar Asabar din da ta gabata ne na girka abinci, na kuma hada lemo mukaci muka sha da ‘yan gidamu.

“Jim kadan bayan cin abincinne ni da ‘ya ta da kuma kanina muka fara amai, sai kuma daga baya muka fara fitsarin jini.

“Abu kamar wasa sai duk ‘yan gidanmu suka fara, aka garzaya da mu asibitin Dr. Shamsu da ke unguwar Garangamawa, aka dan yi mana magani muka koma gida.

“Sai dai muna komawa gidanne kuma al’amarin ya kara ta’azzara, sai aka garzaya da mu asibitin Imamu Wali, daga nan kuma aka mayar damu Aminu Kano.

Ba ruwan yan garuwa ne matsalaba.

Siyama Rabi’u ta ce ba ruwan ‘yan garuwa ne ya haifar musu da ciwon ba kamar yadda ta fada tun da fari.

Ta ce a iya tunaninta ruwan da suka sha ne tun da fari, amma daga baya ta tabbatar ba ruwan ba ne.

“Na za ta ruwan da muka sha ne ya bamu wannan matsalar sai da bincike ya nutsa muka gano ashe lemon Jolly Jus da muka sha.

“Mun duba takardar lemon sai muka ga ashe wa’adin amfani da shi ya kare tun Oktoba 2020.

Tuni dai hukumar kare hakkin masu siyan kayayyaki ta Kano Consumer Protection Council ta shiga bincike kan al’amarin.

Haka zalika hukumar ta kama lemukan da dama da wa’adin amfani da su ya kare.

Hukumar ta ce za ta tsananta bincike domin gano lemukan masu matsala.

Click to comment

Leave a Reply

Your email address will not be published. Required fields are marked *

Hausa

‘Yan sanda a Kano sun kama makocin da ya jagoranci yiwa makocinsa fashi

Published

on

Aminu Abdullahi

Rundunar ‘yan sandan jihar Kano ta kama wani matashi Sa’id Abubakar da ya jagoranci mutane uku wajen yiwa makocinsa Nasiru Sulaiman fashi a Unguwar Maidile dake karamar hukumar Kumbotso a nan Kano.

Kano Focus ta ruwaito jami’in hulda da jama’a na rundunar ‘yan sandan Kano Abdullahi Haruna Kiyawa ne ya sanar da hakan ranar Juma’a a nan Kano.

Kiyawa mai mukamin mataimakin sufurtandan ‘yan sanda ya ce tun a ranar 29 ga watan da ya gabata ne suka sami rahoto daga wanda aka yiwa fashin.

Ya ce sun shiga gidansa ne da misalin karfe 1:30 zuwa biyu na dare inda suka yi amfani da bindiga wajen yi masa fashi.

Ganduje ba zai iya biyan cikakken albashin watan Maris ba-Kwamishina

An sace mutane 12 ‘yan Kano a Kaduna

Kotu a Kano ta aike da ‘yan sanda biyu gidan yari

Kiyawa ya ce wadanda aka kama sun hadar da Sulaiman Ja’afar wanda shi ne makocin daya jagoranci yin fashin.

Sai kuma abokan aikin sa da suka hadar da Sai’du Abubakar mazaunin Gaida, da Adamu Ya’u Muhammad dake unguwar Sharada sai Isyaku Mudi dan asalin jihar Kebbi dake zaune a unguwar Hotoro.

Haka zalika Kiyawa ya ce  ‘yan fashin sun kwace masa kudade da agogo da kuma motar sa kirar Ford inda aka samota a Zamfara ana shirin sayar da ita.

Ya ce bayan da suka samu rahoton ne kuma suka baza jami’an su inda suka samu nasarar kama su.

Da yake shaida yadda aka yi masa fashin Nasiru Sulaiman ya ce sun balle kofar gidan sa ne bayan da yaki budewa suka kuma tsira shi  da bindiga.

“Sanda suka shigo na shiga tashin hankali sosai.

“Sun nemi dana basu kudi,  suka kuma dauki mota ta da sauran kayayyaki,” a cewar sa.

Shima matashin da ya jagoranci fashin Sulaiman Ja’afar ya ce shi ya jagoranci abokan nasa uku zuwa yin fashin.

“Munje gidan sa da daddare mu biyar da bindiga da wukake.

“Ni ban tabayi ba wannan shi ne karo na farko amma su ragowar dama suna yi,” a cewar sa.

Continue Reading

Hausa

Gwamnatin Kano ta bada umarnin rufe gidajen Abinci da na Biredi

Published

on

Ganduje

Aminu Abdullahi

Hukumar kare hakkin masu siyan kayayyaki ta jihar Kano (CPC) ta ba da umarnin rufe gidajen sayar da abinci da na biredi da na ruwa da ba su da takardar shaidar hukumar lafiya ta jihar Kano.

Kano Focus ta ruwaito mukaddashin shugaban hukumar Bappa Babba Dan Agundi ne ya bada umarnin a cikin wata sanarwa da jami’in hulda da jama’a na hukumar ya fitar  ranar jma’a a nan Kano.

Dan Agundi ya ce  umarnin ya biyo bayan cikar wa’adin makonni biyu da aka basu dan su yi rajistar, inda ya ce umarnin ya fara aiki nan take.

Ya ce kullewar ta zama dole tun bayan da aka gano wasu masu dauke da cutar hanta da kuma wasu cutuka da za a iya dauka a wasu gidajen abinci a cikin birnin Kano.

Ba zamu saurarawa duk wanda zai ciyar da mutanen Kano guba ba-Baffa Babba

Cin zarafi: Kotu ta umarci ‘yan sanda su binciki Baffa Babba Dan Agundi

Zamu ci gaba da tsaftace harkar magani a Kano-Bappa Dan Agundi

Idan za a iya tunawa dai a jiya Alhamis ne hukumar ta kulle wasu gidajen abinci biyu a Kano bayan da aka samu wasu daga cikin ma’aikatan na dauke da cutar hanta.

Gidajen da aka rufe sun hadar da na Down Town da ke kan titin Bompai, sai kuma gidan Abinci na Alkhairi Suya da ke kan titin zuwa Maiduguri.

Dan’agundi ya ce gwamnati ta basu dama su rufe duk wani gidan abinci ko abin sha da hukumar lafiya ba ta gamsu da yadda suke kula da harkokin kiwon lafiyar ma’aikatan su ba.

Yace wannan wani mataki ne na kare lafiyar al’ummar jihar Kano daga kamuwa da wasu cututtuka sakamakon ziyartar irin wadannan wurare.

Continue Reading

Hausa

Ganduje ba zai iya biyan cikakken albashin watan Maris ba-Kwamishina

Published

on

Ganduje

Mukhtar Yahya Usman

Gwamnatin Kano ta ce yanke kudin da gwamnatin tarayya ta yi mata a watan Maris yasa ba za ta iya biyan ma’aikata cikakken albashin watan Maris ba.

Kano Focus ta ruwaito Kwamishin yada labarai na jihar Kano Muhammad Garaba ne ya sanar da hakan cikin wata sanarwa da ya fitar ranar Litinin a nan Kano.

A cewar kwamishinan gwamnatin Kano bata taba gaza biyan ma’aiakata albashinsu dai-daiba tun da aka kafata sai yanzu.

Ya ce la’akari da halin talauci da aka shiga, abu ne da zai yi wuya gwamnati ta iya cikakken albashin wantan Maris ko da dai matsalar ta dan wani lokacice.

Muhammad Garba ya ce gwamnatin Kano ta karbi naira biliyan 12, da miliyan 400 kawai daga asusun gwamnatin tarayya a watan na Maris.

Haka kuma cikin wadannan kudade gwamnatin Kano za ta yi amfani ne da Naira Biliyan 6 da Miliyan 100, kawai, inda kananan hukumomi suka karbi Naira biliyan 6 da Milyan dari uku.

A don hakan ne ma ya ce indai gwamnati za ta biya albashi kamar yadda ya kamata ba tare da gibiba to tana bukatar wasu biliyoyin nairori domin cike gibi.

Haka zalika kwamishinan ya kirayi kungiyar kwadago reshen jihar Kano da ta janye yajin aikin da ta ke shirin yi, a cewarsa lamarin ba mai dorewa ba ne.

Continue Reading

Trending