Connect with us

Hausa

Yin sahur da ‘codeine’ na rage mana wahalar azumi- matasa a Kano

Published

on

Aminu Abdullahi

A yayin da aka fara azumin watan Ramadana a yau Talata, wasu matasa a Kano sun ce matukar suna son daukewa kansu wahalar azumi to sai sunyi sahur da codeine.

A cewarsu ta hakan ne za su wuni suna bacci da zai dauke musu duk wata wahala da ake tunin ana sha lokacin azumi.

A wani bincike da Kano Focus ta gudanar ta gano yadda wasu matasa ke  ta’ammali da maganin tari  mai dauke da sinadarin codeine lokacin da aka tashi sahur, duk da sunan rage radadin azumi.

Idan za a iya tunawa dai gwamnati ta haramta sayar da maganin a kasa baki daya, bisa zargin yana gusar da hankalin matasa tare da sanya su aikata muggan laifuka.

Duk da wannan yinkuri amma ana cigaba da sayar da maganin a boye, a farashi mai dan karan tsada, wanda ba kowa ke iya siya ba.

Sai dai a iya cewa lamarin shan maganin ya canza salo a wannan lokaci, ta yadda wasu matasan kan sha fiye da kima yayin sahur don ya gusar musu da hankali tare da hana su jin wahalar Azumi.

Abubakar Sani  mazaunin unguwar Tukuntawa ya shaidawa Kano Focus cewa ya fara shan Kodin yayin sahur shekaru biyu da suka gabata.

Ya ce a kowanne sahur yana shan rabin kwalba, wanda hakan ke bashi damar yin bacci har zuwa gab da lokacin shan ruwa.

“Bana bacci da daddare to duk lokacin da na sha na kanyi bacci sosai da rana, wani lokacin ma sai ana gab da kiran sallar magriba nake tashi.

“Duk kwalba guda ana saida tane a naira 3000 wani lokacin ma tana kaiwa 3500 kuma a haka nake siya,” a cewar sa.

Shima Farouk Gambo da ke unguwar Rijiyar Zaki, ya ce zafin rana da kishirwa suka sanyashi shan Kodin don gudun wahalar azumi.

“Ai ance baccin mai azumi ma ibada ne, to kaga bana tunanin hakan zai zama laifi idan nasha don nayi bacci sosai.

“Kuma kaga ba maye yake sani ba kawai bacci ne irin mai nauyin nan,” a cewar sa.

Ko me malaman Addini suka ce?

Malam addinin musulunci sun ce haramunne shan duk wani abu da zai gusar da hankali don dauke wahalar azumi.

A cewar Malam Abubakar Abdulsalam Baban Gwale manzon Allah S.A.W ya ce duk wani abu da zai gusar da hankali haramun ne.

Ya ce abubuwan da ke gusar da hankali domin neman lafiya ko magani kamar allura ta wata cuta koda anyisu da azumi babu matsala.

“Amma idan mutum yasha ne kawai don ya yi bacci don ya gusar masa da hankali hakan taba Ubangijine.

“Kuma zai rusa masa azumi domin maye yana karya azumi.

“Idan lalura ce za ta sa a sha ko maye ne na lalura da rashin lafiya azumi ma baya kan wanda baya cikin hankalin sa,” a cewar sa.

Ya kara da cewa koda ba Kodin ba haramunne mutum ya samu daki mai sanyi da zai rinka shirga bacci har zuwa magriba.

Ya kuma ce masu irin wannan dabi’a su sani cewa ubangiji baya wajibta yin azumi ne don a sha wahala ba.

Ya ce manzon Allah S.A.W cikin hadisin Salmanul Farisi wanda Ibn Kuzaima da Baihaki suka rawaito ya ce azumi wata ne na hakuri shi kuma hakuri sakamakon sa shi ne aljanna.

Click to comment

Leave a Reply

Your email address will not be published. Required fields are marked *

Hausa

Yunkurin tsige Malam Ibrahim Khalil wasan yara ne – Prof. Alkafawy

Published

on

Malam Ibrahim Khalil

Nasiru Yusuf

Majalisar Malamai ta Kasa ta bayyana yunkurin tsige Malam Ibrahim Khalil daga shugabancin Majalisar Malamai ta Jihar Kano da cewa wasan yara ne.

A wata sanarwa da KANO FOCUS ta samu Mai dauke da SA hannun Sakataren Kungiyar Farfesa Muhammad Sadik Alkafawy ya sanyawa hannu ranar Alhamis ta ce abun da aka yi ba ya bisa doka.

Ga cikakkiyar sanarwar:

“Majalisar  Malamai ta Kasa ta sami labarin yunkurin wata jama’a da ke kiran kanta Malamai, amma ta bari wasu wadanda ba su nufin alheri su yi amfani da su a kawo baraka tsakanin jama’ar Musulmi. Wannan abin takaici ne.

“Tun daga ranar da a ka assasa Majalisa zuwa yau ba a taba samun tabargaza irin wannan ba. Don haka Majalisa ta Kasa na yin kira ga wadannan mutane su tsoraci Allah su kauce ma son zuciya.

“Hakika Majalisar Malamai reshen jihar Kano ta yi daidai da tace wadanda su ka shiga wannan bankaura ba ‘ya’yanta ba ne tun daga jiha balle na Kasa. Yaya za a yi wanda ba ya cikin Majalisa ya ce ya kori wanda a ka kafa Majalisa da shi?.

“A wurin Majalisa ta Kasa abinda a ka yi ba ya bisa doka, kuma wasan yara ne. Hasali ma fata mu ke Allah ya ba shi shugabancinta na Kasa baki daya, amin.

“A karshe, Majalisar kasa ta yi mawafaka da duk abinda Majalisar Kano ta tsaya a Kai. Alhamdu Lillah.”

Continue Reading

Hausa

Tijjanawa ba sa goyon bayan nadin Pakistan shugaban Majalisar Malamai – Alkarmawi

Published

on

Khalifa Abdulmajid Alkarmawi

Khalifa Abdulmajid Alkarmawi

 

 

 

 

بسم الله الرحمن الرحيم 

وصلي الله علي النبي الكريم 

Majalisar Malamai ta jihar Kano tana da mahimmanci ga Musulmin Arewacin Nigeria gaba daya ba Kano ba kawai, don ko ba komai Al’ummar Musulmi suna kara samun hadin kai da magana da murya daya sanadiyar wannan majalisar kuma babban abun bukata shine hadin kan Musulmi.

Amma sabon shugabanci da akai jiya (Litinin) da aka nada Malam Abdallah Saleh Pakistan (Shugaban Izala na jahar kano) zai iya rusa majalisar ma gaba daya, Saboda Shugabancin yana bukatar malamin da yake Zaune lafiya da duk akidun Musulunci da suke Kano, wanda Pakistan kuwa yana da matsala da wasu bangarorin.

Shawarata kowa a nan shine Asami malamin da yaki da kyakkywar alaka da kowa ya jagoranci Alumma Sai asami kai wa ga gaci.

Don haka a madadin Tijjanawa, gaskiya gabadayanmu musamman na jihar Kano muna sanar da cewa ba ma tare da Shugabacin Malam Abdallah Saleh Pakistan.

Khalifa Abdulmajid Alkarmawi

Shugaban Khuddamur Rasul SAW na Afrika

Continue Reading

Hausa

Gamayyar Malaman Kano sun nesanta kan su daga tsige Malam Ibrahim Khalil

Published

on

Sheikh Ibrahim Khalil

Nasiru Yusuf

Gamayyar Malaman Jihar Kano da suka kunshi jagororin darikun Tijjaniyya da Qadiriyya da kuma Salafiyya sun yi watsi da sanarwar tsige Malam Ibrahim Khalil daga shugabancin majalisar malamai.

Wata sanarwa da KANO FOCUS ta ci karo da ita dauke da sa hannun sakataren gamayyar Malaman, Dr Sa’idu Ahmad Dukawa ranar Talata malaman sun ce ba da yawunsu aka dauki wannan mataki ba, kuma ba sa goyon bayansa.

Malaman da suka sahale a fitar da sanarwar sun hada da Shugaban Darikar Kadiriyya na Afrika ta Yamma Sheikh Karibullahi Sheikh Nasiru Kabara da Sheikh Abdulwahab Abdallah da Sheikh Ibrahim Sheh Maihula da Dr. Bashir Aliyu Umar da kuma Imam Nasir Muhammad Adam ( Shugaban majalisar Limaman masallatan Juma’a).

Sauran sun hada da Farfesa Musa Muhammad Borodo da Farfesa Muhammad Babangida da kuma Dr. Ibrahim Mu’azzam Maibushira.

Continue Reading

Trending