Connect with us

Hausa

Masu yin gurasa sun yi barazanar shiga yajin aikin sai-baba-ta-gani matukar kamfanonin IRS, BUA, Super ba su rage farashin fulawa ba

Published

on

Nasiru Yusuf

Kimanin mako guda da janye yajin aiki na gargadi da suka yi, Kungiyar ma su yin gurasa ta Jihar Kano ta yi barazanar shiga yajin aikin sai-baba-ta-gani, matukar kamfanonin IRS da BUA da Super da kuma Golden Confectionary ba su janye karin farashin da suka yi wa Fulawa ba.

Gurasa na daga cikin nau’in abincin da Larabawa suka kawo Kasar Hausa. Unguwannin Chediyar ‘Yangurasa da kewaye ne suka shahara a yin gurasa.

Shugabar Kungiyar ma su yin gurasa Fatima Auwalu ta shaidawa manema labarai ranar Laraba cewa tun daga lokacin da suka janye yajin aikin gargadi da suka yi, ba abun da ya sauya, don haka suka yanke shawarar shiga yajin aikin sai-baba-ta-gani har sai wadanda abun ya shafa sun yi abun da yakamata.

Malama Fatima ta ce ma su yin gurasa na tafka muguwar asara,saboda karin kudin da aka yi wa fulawa, wadda ita ce ake yin gurasar da ita.

Shugabar ta ce a kwanakin baya sunan sayan buhun fulawa Naira 9,500, amma yanzu farashin ya kai Naira 16,200, a don haka ta roki kamfanonin fulawa da su rage farashi ko kuma ma su gurasa su bar sana’a.

Ta yi tsokacin cewa ba ya ga karin farashin, kamfanonin sun kuma rage ingancin fulawar, wanda ta ce ya yi wa sana’a r ta su illa.

Umar Badamasi, mataimakin shugabar Kungiyar ma su sayar da gurasa

Click to comment

Leave a Reply

Your email address will not be published. Required fields are marked *

Hausa

Hisba za ta tilastawa ma’aurata shiga makarantar nazarin zamantakewar aure a Kano

Published

on

Hukumar Hisbah ta ce za ta bude makarantar koyon zamantakewar aure a Jihar Kano cikin , a watan Nuwambar wannan shekara.

KANO FOCUS ta ruwaito babban kwamandan hukumar, Muhammad Haruna Sani Ibn Sina ne ya bayyana hakan a zantawarsa da gidan rediyon Freedom.

Ibn Sina ya ce, a matakin farko zabi ne ga wanda ke da sha’awar shiga, amma a nan gaba za su yi kokarin ganin an mayar da shi doka ga duk mai son yin aure a Kano.

“Kaso 75 daga cikin korafin da mu ke karba kan matsalolin aure ne, wannan ne ya sanya muka samar da makarantar don ba da horo.

“Matsalar yawaitar mutuwar aure a kullum karuwa take musamman a Kano, don haka makarantar za ta samar da hanyoyin dabarun koyar da ilimin zamantakewar aure,” cewar Ibn Sina.

Kazalika, kwamandan ya kara da cewa za su shigar da kudiri gaban majalisar dokokin Jihar don tilasta wa ma’aurata shiga makarantar.

Ibn Sina, ya kuma kara da cewa horaswar ba iya mata za ta tsaya ba, har da maza za a basu damar shiga don samun daidaito da raguwar matsalolin.

Matsalar aure a Jihar Kano na ci gaba da zama babbar kalubale musamman kan yadda Hisbah ke fama wajen warware su.

Continue Reading

Hausa

Dalilin da ya sa muke Maulidin shan kauri – Alkarmawi

Published

on

Sheikh Muhammad Nazifi Alkarmawi

Nasiru Yusuf

Sheikh Abdulwahid Muhammad Nazifi Alkarmawi ya ce ya fara yin walimar Maulidin shan kauri ne don girmamawa ga Annabi Muhammad (S.A.W).

Malamin ya shaidawa KANO FOCUS cewa kamar yadda yake a al’adar Hausawa idan aka yi kwana biyar da haihuwa akan yi kauri a raba, shi ne shi ma ya za6i yin walimar Maulidin shan kauri bayan kwana biyar da zaman haihuwa.

Ya ce duk abun da za a yi don girmama Annabi halal ne, kuma ba a neman nassi.

Sheikh Muhammad Nazifi Alkarmawi ya ce, kodayake ranar walimar shan kauri ba rana ce ta jawabi ba, amma dai za a ciyar da ruhi darajojin Annabi, kafin ciyar da gangar jiki.

Malamin ya ja hankalin Musulmi kan muhimmacin koyi da Annabi Muhammad (S.A.W), inda ya ce ba a samun nasara a rayuwa sai an yi koyi da Annabi.

Malam Alkarmawi ya ce kullum da ma ana cikin Maulidi ne, sai dai a watan Maulidi ana haduwa da sauran mutane don a yi murna.

A lokacin Maulidin malamai sun yi jawabai kafin daga bisani aka yi walima da romon ganda da gurasa.

Ga hotunan walimar a kasa:

Continue Reading

Hausa

Rikici na da malaman Kano jarrabawace daga Allah-Ibrahim Khalil

Published

on

Sheikh Ibrahim Khalil

Aminu Abdullahi

Shugaban majalisar malamai ta Kano Sheikh Ibahim Khalil, ya bayyana rikicinsa da malaman da suka yi yunkurin tsigeshi a matsayin wata jarrabawa daga Allah.

KANO FOCUS ta ruwaito malamin ya bayyana hakanne ya yin da ya karbi bakuncin mambobin majalisar kolin addinin musulunci ta kasa da suka ziyarce shi a ofishinsa ranar Asabar.

Malamin ya ce Allah ya yi alkawarin jarraba bawansa don a ga ko zai iya jurwa ko akasin haka

“Allah Ya yi alkawarin jarraba mu a kowanne abu. Abin da ya faru watakila Allah Ne Ya yi niyyar jarraba mu don Ya ga ko da gaske muke a tafarkinsa.

“Saboda haka, na dauki wannan a matsayin jarrabawa, amma Alhamdulillahi, Allah Ya nuna mana tsintsiya madaurinki daya muke, kuma ina rokon Ya yafe mana.

“Ina godiya ga dukkn wadanda suka tsaya tsayin daka wajen ganin kan malaman Kano ya hadu, ciki har da wadanda ma ba sa cikin majalisar, amma suna mana fatan alheri,” inji Sheikh Khalil.

Anasa jawabin Malam Jamilu Mu’azu Haidar,  a madadin malaman ya ce sun zo Kano ne don nuna goyon bayansu ga shugabancin nasa.

Malam Jamilu, ya ce sun saurari bayanai daga malaman Kano daban-daban, inda aka ba su tabbacin cewa babu hannun gwamnatin jihar a rikicin.

“Muna kira ga sauran malamai da su ji tsoron Allah su dawo a ci gaba da tafiya tare, karkashin Sheikh Khalil, kamar yadda ake a baya,” inji Malam Jamilu.

Idan za a iya tunawa dai a baya-bayan nan ne wasu malamai a nan Kano suka sanar da tsige Malam Ibrahim Khalil daga mukaminsa.

Haka kuma sun nada Farfesa Abdallah Saleh Fakistan a matsayin wanda zai maye gurbinsa, lamarin da yaki karbuwa a wajen jama’a dama sauran malamai.

Continue Reading

Trending