KANUN LABARAI
Hukumar Hisba ta kama maza da mata tsirara a Kano
Aminu Abdullahi
Hukumar Hisbah ta kama maza da mata 53 da tsirara suna aikata alfasha da ta’ammali da miyagun kwayoyi a unugwar Lamido crescent da ke karamar hukumar Nasarawa a nan Kano.
Kano Focus ta ruwaito babban kwamandan hukumar Muhammad Harun Sani Ibn Sina ne ya bayyana haka yayin zantawarsa da manema labarai a ranar Laraba.
Ibn Sina ya ce cikin wadanda aka kama akwai maza 27 da mata 26 duk kuma suna da matsakaitan shekaru
“Wadanda ake zargin sun hada da maza 27 da mata 26, kuma dukkansu‘ yan tsakanin shekaru 17 zuwa 19.
“Mutanenmu sunje wurin da misalin karfe 10:00 na dare sannan mun cafke mutum 53 da ake zargi, ”a cewar sa
Ya kara da cewa cikin wadanda ake zargin an kama wasu tsirara suna lalata a bandakuna da gefen titi.
Ibni Sina ya ce hukumar ba za ta saurarawa batagariba a jihar inda ya gargadi matasa da su guji aikata munanan laifuka tare da zama jakadu nagari.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
BUK Achieves 100% Success in 2024 NUC Accreditation: 53 Programmes Fully Approved
Governor Yusuf Pays Over 3 Billion for Secondary School Students to Sit for NECO, NABTEB, NBAIS
AGILE Kano commences inter school competition among adolescent girls, boys
Abdussamad Rabi’u pays tribute to his father Khalifa Isyaku Rabi’u
2025 Hajj:Kano Pilgrims Board Deploys 300-Man Team, Unveils Seven Key Committees
AGILE partners ICEADA in promoting girls education in 6 Kano LGAs
Kano signs N12. 7bn for construction of Tofa-Karaye road
ACF inaugurates security committee in Kano
Salary fraud: Kano uncovers N28m in local government payroll
