Connect with us

KANUN LABARAI

Shin da gaske ne maza na kukan aure?

Published

on

Zulaiha Danjuma

kukan aure wani lamarine da aka saba gani ga mata musamman ma lokacin da aka dauke su za a kai su dakin mazajen su.

Sai dai wani bincike da jaridar Kano Focus ta gudanar ya nuna cewa dayawa maza ma na shan kuka lokacin bikin su.

A zantawar jaridar Kano Focus da wasu matasa a nan Kano sun ce tabbasa maza kan yi kukan aure bisa dalin shakuwa da uwa, numa farinciki, jin dadin mallakar amaryar da sauran su.

Shakuwa da uwa

Wani matashi a nan Kano Umar Faruq Musa da ke sana’ar daukan hoto ya ce ya sha ganin angwaye na rusa kuka ranar daurin auren su ko kuma awurin biki.

Ya ce wasu da ya gani suna irin wannan kukan tsananin shakuwa ce da mahaifiyar su ya sanyasu gurshekar kuka.

“Mun zo tafiya da shi domin kai shi dakin sa, nan take mahaifiyarsa ta fara kuka shima sai ya barke da kukan”

“A lokacin ma akwai wadanda suka nuna cewar yana namiji amma yake sheka kuka dan zai bar gida?  Sai dai a fahintata shakuwa da uwa ba wasa bane.

“Suma masu fadar hakan watakia basu shakun bane kamar shi” a cewar sa.

Farin ciki  

Haka zalika wani magidanci da ke unguwar Gaida a nan Kano Nafi’u Usman ya ce angwaye da dama na yin kuka dalin farin ciki.

A cewarsa wani angon bai taba tsammanin jama’a za  su taru saboda shi ba, amma da ya waiga ya ga irin jama’ar da suka taro dominsa farinciki kan saka shi kuka.

“A fahintata abune da ya kamata, dai-dai ne ango ya sha kukan sa lokacin biki ba gazawa ba ne farin ciki ne.

Idan farin ciki ya cikawa mutum zuciya ba kowane zai iya dannewaba, tilas wani sai ya amayar an gani” a cewar sa.
Haka dai wani magidancin Injiniya Aliyu Ibrahim ya  ce ya rarrashi angwaye da dama  da suka sha kuka lokacin bikin su.

“Abokina da ya yi kuka a bikinsa ya yi ne sakamakon ganin  abokanan arziki da suka halarci   daurin auransa.

“Ya fara godewa jam’a ne kawai sai muka ga idanunsa na rawa, ba jimawa kawai sai muka ji ya barke da kuka” ya ce..

Wahalar samun mata

Wasu matasan sunce angwaye na yin kuka ne domin yi wa kai barka da samun matar.

A cewar su wasu mazan har ranar da za a daura musu aure suna shakkun ko matar mallakinsu ce ko kuma za su iya rasa ta.

A cewar Usman Sa’idu da kyar ya rarrashi abokinsa da ya fara kukan barka-barka.

“Abokina da kyar muka rarrasheshi, saboda yunkurin salwantar masa da amaryar da aka yi,

“Danginta suna ta son hadata da wani na dangi sai da kyar Allah ya kwato ya bashi.

“Ai kuwa ana kammala daurin aurenne ya samu wuri ya dinga rusa kuka abin sa saboda ya tabbatar ya kubuta.

Ko ya da ce aga ango na kuka?

Wasu ba’arin matasan sunce ko kadan bai da ce ba aga ango na kuka, la’akari da cewar mata aka sani da yin hakan.

A cewar Malam Sa’idu mazaunin unguwar Jakara a nan Kano  namiji da karfin zuciya aka sanshi ba wai kawai saboda an daura masa aure ya kama kuka ba.

“A fahinta ta matukar namji ya fara da kuka tun daga ranar bikin sa to matarsa ta samu lagonsa .

“Haka kuma wadanda basu san dalilin kukan sa ba za su yi masa kallon kuriciya ne kawai” a cewar sa.

Ra’ayin mata

Sai dai daga bangaren mata kuma sun ce babu wani aibu dan namji ya yi kuka a bikin sa.

Rukaiyya Tijjani da ke sana’ar kwalliyar mata ta ce ko kadan babu abun kunya dan namaji ya sha kukan sa.

Ta ce wasu ma kafin aurensu sun shan yin kuka a gaban ‘yan matan su ballantana maganar aure.

Ta ce taga maza da suka yi kuka gaban yan matan su har kashi uku domin neman sasantawa bayan da suka samu matsala.

Sai dai a ra’ayin Khadija Sani Maitama  tace, matukar taga namiji yana kuka ranar auren sa to za ta yi masa kallon dan soyayya ne kawai.

Ta ce dukakanin wanda ya aibunta namiji don ya yi kuka akan matar da yake so tabbas bai samu wadanda za su yi kuka a kansu ba ne.

Bai  kamata namiji ya yi kuka ba

Wasu daga cikin matan ra’ayin su ya banbanta inda suka ce bai kamata namiji ya ya yi kuka ba sabo da kawai ana bikin sa

A cewar matashiya  Rabi’a Namaradda  bashi da ma’ana, a ga namiji na kuka a bikinsa.

“Gaskiya kamar ya bada kaine,  wasu ma cewa za su yi angontama sai da yayi kuku a ranar”

“Na taba zuwa wata walima naga ango na kuka mutane suka fara bai dace ba, bai dace na miji yayi kuka ba”

“Kamar ya rage martabar sane na mazaje, kamar a cikin mazajen ya dawo na kasan ne kamar shi ba gwarzon namiji bane” a cewar ta.

Haka zalika Amira Sani da ke unguwar ciranci a nan Kano ta ce duk namijin da yayi kuka a bikin sa to ba shakka sakarai ne

“Gaskiya ina yiwa duk namijin da ya yi kuka a bikin sa kallon sakarai”

“kuka a wurin namiji saboda ana yi masa aure shashanci ne a ganina gaskiya”

Click to comment

Leave a Reply

Your email address will not be published. Required fields are marked *

Hausa

Ruwan sama na barazanar raba hanyar Dawakin kudu zuwa Tsakuwa

Published

on

Nasiru Yusuf Ibrahim

 

Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.

Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.

Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.

Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.

A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.

Continue Reading

Hausa

Wani Attajiri ya ba da kyautar makabarta a garin Tsakuwa

Published

on

Nasiru Yusuf Ibrahim

 

Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.

Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.

Ya ce attajirin ya danka amanar makabartar ne karkashin kulawar Tsakuwa Mu Farka.

Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.

Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.

“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.

“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”

Continue Reading

Hausa

Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote

Published

on

Nasiru Yusuf Ibrahim

Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.

Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .

Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.

“Duk abinda ya shafi yan Najeriya ya shafemu”, inji Sanarwar.

Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun  da basu samu damar biya ba a baya.”

Kamfanin na Dangote na sarrafa siminti da takin zamani da kuma tatar man fetur. A  bangaren kayan abinci kuma, Kamfanin na sarrafa sikari,  gishiri da kayan dandanon girki ne kadai.

“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen  ciyar da al’umma.” Dangote.

 

Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.

“Kamfaninmu ya kasance me bin dokokin kasa a koda yaushe tare da  neman sauki ga al’umma da fatan alheri.”

Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada  rade-radi da jita-jita.

Continue Reading

Upcoming Events

There are no upcoming events at this time.

Facebook

Twitter

Trending