KANUN LABARAI
An yi Maulidin shan kaurin Annabi a Kano
Nasiru Yusuf
A ranar Alhamis ne aka yi Maulidin shan kaurin Annabi Muhammad (SAW) a Masallacin Juma’a na Shehi Malam Karami dake Madinatul Karmawi, Kofar Waika anan birnin Kano.
An gabatar da Maulidin karkashin jagorancin Shehi Muhammad Nazifi Alkarmawi, inda aka gabatar da tarihin Annabi da mu’ujizozinsa da falalar son Annabi da kuma bin sunnarsa.
Shehi Muhammad Nazifi Alkarmawi ya shaidawa Kano Focus ya fara Maulidin ne shekaru takwas da suka wuce, kamar yadda Hausawa ke shan kauri idan an yi kwana biyar da haihuwa don girmama Annabi.
“Muna wannan Maulidi ne don girmama Manzon Allah da kuma murna da farinciki da haihuwarsa, da kuma dada godiyarmu ga Allah ta’ala da ya ba mu shi. Shi ne sirrin samuwar Annabi Muhammadu.
“Kullum mukan yi kira ga ‘yan uwa irin wannan abubuwa masu kyau su dinga koyi da shi in ana yi.
“Muna jin dadi wasu wurare dabam-dabam sun dauki wannan sunna ta shan kauri ga Manzon Allah ana ta yi.
“Wasu ma sukan ka gabatar ranar kwana hudu a sha, domin rana ta biyar a zauna.
“Wasu ma idan an yi na biyar din sukan gabatar a kwana na shida,” a cewar Malamin.
Shehi Muhammad Nazifi Alkarmawi ya kara da cewa a lokacin Maulidin akan sha romo da gurasa don faranta zukatan masoya Annabi.
Malamin ya cigaba da cewa “Ya inganta duk abun da aka tattala na wajen Maulidin Annabi ko aka yi wani taro don girmama Manzon Allah, to abun da duk aka kawo a wurin na ci, ko na sha, wanda duk ya ci da niyyar abun nan na Manzon Allah ne, to ya inganta Allah Tabaraka wa Ta’ala ya na gafarta zunubbansa kamar sannan babarsa ta haife shi.
“Shi ya sa mukan ce: su kantu, Gurasa fa duk mun aje su, a wanna wurin don isar Maulidi.
“Dabino da soye duk mun aje su.
“Duk abin da aka ba ka kar6i ka ci don a sami wannan albarka. “Muna tabbatar da cewa wanda ya ci abun wurin hidimar Annabi na walima da Maulidin nan, to ai ko da a gidan ma ba a ci ba, ka ci ka je kana kamshi wanda ma ya ji kamshin shi ma an gafarta masa.”
Taron Maulidin ya samu halartar manyan malamai da limaman masallatan Juma’a daga sassa daban-daban na jihar Kano.
Kimanin marasa lafiya masu rauni 18,000 da ke fama da cututtukan ido daban-daban a jihar Katsina sun amfana da ayyukan kulawar ido da tiyata kyauta da Gidauniyar Mangal ta dauki nauyi tun bayan kafuwarta a shekarar 2016.
Wani mamba na kwamitin amintattu (Board of Trustees) na gidauniyar, Malam Hussaini Kabir, ne ya bayyana hakan a ranar Juma’a yayin kaddamar da aikin tiyatar ido na zangon karshe na shekarar 2025 a Cibiyar Ido ta Katsina.
Kabir ya bayyana cewa kimanin mutane 7,000 ne suka amfana a shekarar 2025 kadai, daga sassan jihar Katsina, jihohin makwabta, har ma da wasu yankuna na Jamhuriyar Nijar.
A cewarsa, gidauniyar ta fara tantance wadanda za su amfana kimanin makonni biyu da suka gabata, inda marasa lafiya da dama suka samu magunguna kyauta da tabarau na likita.
Kabir ya kara da cewa wadanda ke bukatar tiyata an dauki nauyin dukkan zaman asibitinsu gaba daya, yana mai cewa kimanin marasa lafiya 2,000 aka tantance a yayin aikin zangon karshe da ake ci gaba da yi.
Ya sake jaddada kudirin gidauniyar na inganta samun kulawar lafiya, yana bayyana shirin a matsayin wani bangare na nauyin alhakin zamantakewar kamfanoni (corporate social responsibility).
“Manufarmu ita ce tallafa wa kokarin gwamnati tare da rage nauyin kudin kula da lafiya ga mafi rauni, musamman wadanda ke fama da matsalar biyan bukatun rayuwa,” in ji shi.
Wani likitan ido a cibiyar, Dokta Ahmad Hamza, ya bayyana cewa an gano marasa lafiya da dama na fama da cutar idon toka (cataract) da glaucoma, cututtuka da galibi ke bukatar tiyata.
Ya jaddada muhimmancin duba ido akai-akai, yana mai cewa gano cuta da wuri na taimakawa wajen hana asarar gani ta dindindin da cututtukan ido masu zuwa a boye ke haifarwa, kamar glaucoma, cataract da lalacewar macula (macular degeneration).
Daya daga cikin wadanda suka amfana, Malam Yusufa Usman, ya ce ya shafe sama da shekaru biyu yana fama da matsalar gani amma ba shi da ikon biyan kudin tiyata.
“Tsawon shekaru biyu ban iya gani sosai ba, amma yau na yi tiyata kuma ina da fatan ganina zai dawo.
Ina rokon Allah Madaukakin Sarki ya saka wa Gidauniyar Mangal da alheri bisa wannan kyakkyawan aiki.
“Ina fatan sauran masu kudi za su yi koyi da wannan abin a yaba,” in ji Usman.
Wata mai amfana, Aisha Muntari daga kauyen Bakuru, ta bayyana kwarewarta yayin da take jiran a kai ta dakin tiyata.
Muntari ta ce ta kamu da matsalar ido kimanin shekara guda da ta wuce kuma ta kusa yanke tsammani kafin ta samu labarin shigar gidauniyar, tana mai bayyana kwarin gwiwar cewa nan ba da dadewa ba ganinta zai dawo.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Gov. Yusuf mourns former Kano finance commissioner, Prof. Dandago
Abba Care: A Lifeline of Compassion in Kano State
GATCOSA President, Prof. Kabiru Isa Dandago is dead
BUK clinches Northwest 3×3 basketball title at ABU Zaria
Kano rolls out emergency medical services, deploys 20 Ambulances
Lami Maccido, first person to appear on screens of NTA Kano, CTV 67, dies at 72
Kano begins Ramadan food distribution as Gov. Yusuf constitutes feeding committee
Kano Police announce movement restrictions ahead of assembly by-elections
K-SAFE appeals to Kano Executive Council to pass revised education bill
