Connect with us

KANUN LABARAI

Yanayin sanyi: Hadarin da ke tattare da sana’ar wanki a Kano

Published

on

Aminu Abdullahi

Wani kwararen likita a nan Kano Dr Bashir Bala Getso ya ce masu sana’ar wanki a lokacin sanyi na cikin hadarin kamuwa da cutuka masu hadarin gaske.

Kano Focus ta ruwaito Dr Bala Getso wanda shi ne shugaban kwalejin kula da lafiyar muhalli ta jihar Kano ya ce masu sama’ar za sui ya kamuwa da cutukan da suka hadar da ciwon sanyin kashi da nimoniya, ciwon kafa da kuma ciwon sikila.

Bala Getso ya ce kowanne dan adam akwai yadda jikinsa  ke karbar yanayi.

Ya kara da cewa masu sana’ar wanki ka iya kamuwa da cututtuka da kan dauki lokaci ba tare da an fahimce sub a ma baki daya..

Haka zalika akwai wasu cututuukan da kan tsahi sakamon yadda suke mu’amila da ruwa a koda yaushe da suka hada da ciwon sikila da nimoniya.

Malam Getso ya kuma ce wajibine masu sana’ar wanki su rage yawan lokutan da suke dauka suna yin wanki.

“I dan sunayin wanki kamar ranaku biyar a sati to kamata ya yi su mai dashi ranaku uku.

“Haka kuma idan suna yin wankin a wa biyar a rana kamata ya yi su rage awanni don kare lafiyar su,” a cewar sa.

Ya kara da cewa ga wadanda sana’ar ta zame musu dole musamman ma wadanda ke aiki a bakin rafi to kamata yayi su dinga bari sai rana ta fito.

Ya kuma ce yana da kyau a irin wannan yanayi na sanyi masu sana’ar wanki su rinka ziyartar likitoci domin samun shawarwari kan yadda za su kare kansu daga illolin da yanayin sanyi ke tafe dasu.

Suma masu sana’ar wakin da jaridar Kano focus ta zanta da su sun ce suna yin la’akari da yanayin na sanyi wajen kare lafiyar su.

Abdulrashid Ibrahim dake sana’ar wanki a unguwar Sharada ya ce kafin shigowar sanyi yana fara  sana’ar sa ne da misalin karfe shida na safe.

Amma yanzu saboda yanayin da ake ciki yakan bari rana ta fito sosai kamar karfe daya kafin ya fara.

Ya kuma ce farashin da yake yin wanki bai sauyaba dukkuwa da yanayin sanyin da ake ciki.

“Ina wanke riga da wanda ko da zani naira dari biyu idan za a saka sitati, idan kuma Babu sitati to naira dari da hamsin nake karba,” a cewar sa.

Malam Ibrahim ya ce baya zuwa asibiti domin a duba lafiyar sa amma duk inda yaji ana saida maganin gargajiya da ya shafi cutar sanyi to yana siya yayi amfani dashi.

Shima wani mai wanki Sa’idu Sulaiman dake unguwar Gwale Sani Mainagge ya ce duk da yanayin sanyin da ake ciki amma bai kara farashin kudin wanki ba.

Ya ce akwai masu wanki sosai da idan ya kara kudin masu kawo masa wanki za su koma kaiwa wasu daban.

Haka zalika ya ce yana sa rigar sanyi da safa ta hannu da kafa don kare kansa daga ciwon sanyin kasancewar illar sanyi kan dade a jikin mutum.

“Bamu da gida a nan kusa hakan tasa bama samun damar sirkawa da ruwan dumi,” a cewar sa.

Shi ma wani mai suna Shamsu Ibrahim dake unguwar Gwale ya ce suna shan wahala sosai lokacin sanyi.

Ya ce har yanzu bai canza lokacin da yake fara sana’ar sa ba , a cewarsa karfe shida yake farawa.

Ya kuma ce rashin kungiya tasa kullum masu wanki ke zama koma baya a cikin masu yin kananan sana’o’i a jihar nan.

Ya ce akwai bukatar kungiyoyi da gwamnati su rinka tallafawa masu sana’ar wanki da magunguna duba da irin halin da suke tsintar kansu a lokutan sanyi.

Click to comment

Leave a Reply

Your email address will not be published. Required fields are marked *

Hausa

Samba Kurna da Good Boys Dorayi za su fafata a wasan karshe na ‘Ahlan cup’

Published

on

Jamilu Uba Adamu

An kammala Shirye-Shiryen gudanar da wasan karshe na gasar cin kofin  Kwallon kafa na “Ahlan Cup’ tsakanin Samba Kurna da Good Boys Dorayi.

Wanda yake jagorantar gasar Alh. Abubakar Tsoho Musa Rijiyar Zaki ne ya bayyana wa manema labarai cewar;

“Kungiyoyin Kwallon Kafa talatin da biyu ne (32) suka fafata a gasar, wacce aka gudanar a wasannin sili daya kwale (knock-out ). An Kuma buga wasa talatin ne. Inda Kungiyar Kwallon Kafa ta Samba Kurna da Good Boys Dorayi sukai nasarar zuwa wasan karshe.”

Za dai a fafata wannan wasa a ranar lahadi 7 ga watan Augusta da misalin karfe hudu na Yamma a filin Wasa na Makarantar sakandiren Unguwar Rijiyar Zaki

Kuma ana sa ran wasan zai samu hallatar manya- manyan baki,  daga ciki da wajan jihar Kano a karkashin jagorancin Shugaban Hukumar wasan Kwallon Kafa ta Jahar Kano Dr. Sharu Rabiu Inuwa Ahlan.

Continue Reading

Hausa

Rabiu Chanhu: Dan wasan da ya hada kwallon kafa da karatu

Published

on

Jamilu Uba Adamu 

Da yawan masoya da mutanen dake bibiyar wasan Kwallon Kafa, a Arewacin Najeriya, musamman Jihar Kano ba su cika tsammanin akwai  alaka tsakanin ilimi da wasan Kwallon Kafa ba.

Kasancewar a lokuta da yawa matasan dake buga wasan Kwallon Kafa basu cika samun nasara a makaranta ba, ko samun damar yin karatu mai zurfi ba.

Amma sai dai kamar yadda bincike ya nuna, ‘yan Kwallo da yawa a fadin duniya har ma da nan gida Najeriya sun samu daukaka mai yawa a bangarorin ilimi.

A misalin irin wadannan ‘yan kwallo akwai; Socrates na Brazil, wanda yazama Dakta. Anan gida Nijeriya akwai irin su Sir, Segun Odegbami.

Anan gida Jihar Kano kuwa, Allah ya yi mana baiwar samun wannan bawan Allah da zan kawo sharhi da  takaitaccen tarihinsa, musamman akan wasan kwallon kafa.

Don saboda ya zama madubi abun dubawa ga na baya, musamman wajen hada wasannin motsa jiki da neman ilimin addini da na boko.

Rabiu Chanhu ya fara buga kwallo ne a karamin kulab mai suna Silver Stone dake unguwar Kofar Mazugal. Kuma ya yi wasanni ne na makaranta a lokacin yana karatu a makarantar sakandiren horas da malamai ta garin Bichi, inda daga nan ne Kungiyar Kwallon Kafa ta Super Star dake unguwar Makwalla ta cikin birni ke dauko shi a matsayin sojan haya dan ya buga musu wasa.

A irin wannan wasannin ne ya taimakawa Kungiyar Kwallon kafar ta Super Star samun nasara lashe gasar kofin Dan’wawu wadda ita ce mai daraja ta daya a jihar Kano a wannan zamanin.

Wanda ganin irin bajintar da kwarewar da ya nuna a wannan wasan ne yasa Kungiyar Kwallon Kafa ta Raccah Rovers ta dauke shi dan ya buga Mata wasa a shekarar 1981, kuma ta yi masa rijista.

Farfesa Rabiu Chanhu

A wancen zamanin shi da Abubakar Zagallo (yanzu shine na’ibin limamin masallancin Juma’a a wata Unguwa a New York, America) su ne suke buga lamba biyar da shida a bayan kungiyar kwallon kafa ta Raccah Rovers.

Tsohon dan wasan Kwallon kafar, ya canja sheka daga Raccah Rovers zuwa kungiyar kwallon kafa ta Bank of the North, bisa kin yarda da ya yi da cigaba da bugawa Raccah Rovers wasa bayan kungiyar ta chanja suna zuwa Nigerian Breweries.

Wanda kamar yadda ya bayyana min cewar hakan yana da nasaba da addinin sa na muslunci. Kuma tare da marigayi Usman Danlami Akawu Kofar Wanbai, Wanda shi ma shaharren dan wasan kwallon kafa ne (Allah ya gafarta masa. Ameen) suka koma kungiyar Bank of the North.

Ya ajiye takalmansa na wasan kwallon kafa ne a shekarar 1989. Sai dai kuma ya yin da yake karatunsa na master’s a jami’ar Bayero, an zabe shi a jerin Wanda zasu wakilci kasa Najeriya a gasar Jami’o’i ta Duniya a wasan Kwallon Kafa a shekarar 1995.

A zamanin da Professor yake taka wasa, saboda kwarewarsa a wasan ya samu sunayen inkiya daban-daban wanda ‘yan kallo suka lakaba masa. Sukan kira shi da Na Makwalla, Chanhu, Maigida a sama.

Yanzu dai haka, Malam Muhammad Rabiu “Chanho” Professor ne a Wanda keda kwarewa a ‘adopted physical education’, bangaren Kinetics and Health Education dake Jami’ar Bayero, Kano.

Jamilu Uba Adamu

Mai bibiyar Tarihin wasanni kwallon kafa ne. Za a iya samunsa a +234 803 207 8489

Continue Reading

Hausa

An kirkiro maganin kayyade iyali na maza

Published

on

Nasiru Yusuf

Tun daga shekarun 1960, lokacin da kwayoyin kayyade iyali na mata suka shiga kasuwa, masana kimiyya suke ta fadi-tashin ganin sun samar da wasu kwayoyin magani da maza za su rika sha domin hana daukar ciki.

Wata tawagar masana kimiyya ta sanar da sarrafa kwayar magani ta kayyade iyali da maza za su rika sha.

Masanan daga jami’ar Minnesota ta Amirka sun ce gwajin kwayar maganin hana daukar ciki na maza ya nuna gagarumin tasiri na kashi 99 cikin 100 ga namijin bera.

A cikin sanarwar da masu binciken suka fitar a ranar Laraba sun ce zuwa karshen wannan shekarar ta 2022 suke sa ran fara gwajin kwayar maganin ga dan Adam. Matakin da masu fafutukar daidaita jinsi suka jima suna maraba da shi.

Continue Reading

Trending