KANUN LABARAI
Dole ne manyan makarantu su bi doka wajen yaki da cutar Covid-19 a Kano-Kwamishina
Mukhtar Yahya Usman
Gwamnatin Kano ta bukaci manyan makarantun jihar nan da su tabbatar suna bin dokoki da ka’idojin da hukumomi suka gindaya na yaki da cutar Covid-19 a makarantunsu.
Kano Focus ta ruwaito kwamishiniyar manya makarantu ta Kano Dakta Mariya Muhammad Bunkurece ta yi wannan kira ya yin taron bita kan yadda za a magance yaduwar cutar Covid-19 a manyan makarantun jihar nan a ranar Talata.
Kwamishinar ta ce ya zama wajibi manayan makarantun jihar nan sa baiwa bangaren kula da lafiyar daliban su fifiko a wawannan yanayi da ake ciki na yaduwar cutar Covid-19
A cewarta wannan ne ma yasa gwamnati bati yi kasa a gwiwaba wajen tallafawa makarantun da kayayyakin da za su yaki cutar.
Wasu daga cikin kayayakin da aka baiwa makarantun sun hadar da injinan wanke hannu, randuna, da sabulun wanke hannu, da takukunkumin fuska da kuma na’urar gwajin zafi.
Gwamnatin Kano za ta dauki malaman makaranta 2000
Ranar bandaki: Yadda matsalar bandaki ke tagayyar dalibai mata a makarantun Kano
Sarkin Karaye ya bukaci a gina makarantar horas da sojoji a masarautarsa
Haka zalika kwamishinar ta bukaci makarantun da su yi amfani da wadannan kaya yadda suka kamata, su kuma taimakawa gwamanti wajen yaki da wannan cuta.
Da yake nasa jawabin mataimakin shugaban kwamitin kartakwana na yaki da cutar ta Covid-19 a Kano, Dakta Sabitu Shuaibu Shanono ya ce gwamnati ta zabi yin wannan aiki ne domin dakile yaduwar cutar a tsakanin dalibai.
A cewarsa wannan mataki da aka dauka na cikin ayyukan da kwamitin nasu ya sanya a gaba.
Ya kuma godewa ma’aikatar manyan makarntu ta jiha bisa kokarinta na ganin ta kawo karshe cutar a manyan makarantun jihar nan.
Makarantun da suka amfana da wannan tallafi sun hadar da Jam’ar Yusuf Maitama Sule, Jami’ar Kimiyya da Fasaha da ke garin Wudil, da Kwalejin nazarin addinin Musulnici da shari’a ta Kano wato Legal.
Sauran sun hadar da kwalejin koyon ikin noma ta Audu Bako da ke garin Danbatta, sai kwallejin kimiyya ta jihar Kano, da kwalijin Ilimi ta Sa’adatu Rimi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Kwankwaso Criticizes Federal Government Over Rice Palliative Distribution in Kano
Dangote set to complete multimillion Naira skills centre, says Nawabuddin
Barau Jibrin Launches Postgraduate Foreign Scholarship Scheme for Kano Students
Kano State Politics Set for a Major Shift as Kwankwaso and Ganduje’s Influence Wanes: What’s Next for the Power Dynamics in 2027?
Fagge, Mai Bushira, Naniya now professors as BUK Promotes 90 Senior Academics
Tinubu appoints Prof Abdullahi Pakistan chairman of Hajj Commission
Top Nigerian Leaders to Gather in Abuja for Dr. Shamsuddeen Usman’s Book Launch
Emir of Kano, Muhammadu Sanusi II, bags PhD
BUK appoints Haruna Aliyu new Registrar
