KANUN LABARAI
Kotu ta yankewa barawon dan sahu hukuncin daurin shekaru bakwai a gidan yari
Aminu Abdullahi
Kotun magistrate dake zamanta a unguwar mariri ta yankewa direban adai-daita sahu da ya kware wajen guduwa da kayan fasinjoji da kuma mu’amila da kudaden jebu hukuncin shekaru bakwai a gidan gyaran hali.
Kano Focus ta rawaito cewa an gurfanar da direban adai-daita sahun Muhammad Ahmad Muhammad agaban kotun karkashin mai shari’a Salisu Idris Salama.
Yayin zaman kotun na ranar Laraba an karantowa wanda ake zargi tuhuma ta farko da ake zargin sa da amfani da kudin jabu wanda ya saba da sashe na 319 na kundin pinal kod inda nan take ya amsa laifin.
Hakan tasa mai shari’a ya yanke masa hukuncin shekaru hudu babu zabin tara akan laifin samunsa da amfani da kudin jabu.
An kuma sake karanto masa tuhuma ta biyu na zargin satar kayan masarufi anan ma ya amsa laifin nasa, nan ma mai shari’a ya yanke masa hukuncin shekara daya babu biyan tara.
Haka kuma ance ya biya naira dubu talatin da shida ko yin watanni tara a gidan gyaran hali.
Haka zalika an sake karanto masa tuhuma ta uku ta satar baburin adai-daita sahu inda nan ma ya amsa laifinsa shi ma mai shari’a yayen ke masa hukuncin shekaru biyu ko biyan tara na N70,000 sakamakon bai salwantar da baburin da ya sata ba.
Da yake jawabi Muhammad Ahmad ya ce yana rokon al’umma da suyi masa addu’a Allah yasa ya fita lafiya daga gidan gyaran hali.
Ya ce ya yi nadama matuka domin kuwa yana da ‘ya’ya guda hudu da wadanda yake riko gashi kuma duk zai tafi gidan gyaran hali ya barsu.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Kano govt reintroduces waste bins in public transport
Why Does Nigeria’s Economy Slow Down in Q1?
Gov Yusuf to distribute free uniform to primary school pupils
A Cry for Help: Saving the Life of Nura Zakaria Gwarzo
Emirate tussle: Kano Govt urges security, others to obey Court of Appeal ruling
Transfers Gone Missing: Nigeria’s frustrating digital bank transactions
Gov. Yusuf send additional commissioner-nominee Nura Iro Ma’aji to Assembly
Counting the gains of President Tinubu’s economic renewal
Juma’a Sermon: How to spoil Sihr or black magic in your house, shop, office
