KANUN LABARAI
An Rufe wuraren badala biyar a Kano
Aminu Abdullahi
Kwamitin da gwamnatin Kano ta kafa dake kula da da guraren shakatawa a jihar nan na gudanar da sana’ar su yadda ya kamata ya rufe wasu guraren shakatawa biyar.
Wuraren shakatawar dai ana zargin su da fakewa da sana’a, suna aikata masha’a iri-iri, da suka hadarda sayar da miyagun kwayoyi, karuwanci da sauransu.
Shugaban kwamitin Alhaji Tahir Abdullah El Kinana ne ya bayyana haka ya yin zantawarsa da Kano Focus ranar Alhamis.
Ya ce guraren da aka rufe su ne ‘Snap Café’ da State Road da ‘Falamanki’ da ke titin Audu Bako da kuma ‘Coffee and More’ shima akan titin Audu Bako.
Ragowar sune ‘Macbanas’ dake Race Course da Bakori Motors a Katsina Road sai kuma ‘Plan Garden’ da ke Sokoto Road.
Ana dai zargin matasa da ‘yan mata na fakewa da sunan shakatawa a wadannan wurare su dinga yin shaye-shaye, da neman mata da dukkanin irin badalar da suka ga dama.
Hisba ta kama mabarata 178 cikin watanni uku a Kano
Gwamnatin Kano za ta samar da kotun tafi da gidanka a hukumar Hisba
Ranar yaki da kanjamau: Hisbah ta kama masu yada kanjamau sama da 40 a Kano
Ko a watannin baya ma sai da gwamnanti ta rufe wani gidan shakatawa mai suna 3 star a unguwar Badawa, da ya yi kaurin suna wajen tara karuwai, ‘yan shaye-shaye da sauransu.
“Mun fita ne saboda akwai abubuwan da ake a ‘Plan Garden na badala da suka saba da ka’idoji da addin da kuma al’adar Hausawa.
“Hakan ta sanyan hukumar Hisba ta sanar da mu irin hali da wuraren ke ciki mu kuma muka dauki matakin gaggawa. a cewar sa.
Ya kara da cewa akwai korafe-korafe da dama game da abubuwan da suke faruwa a guraren shakatawar, da suka hada da zargin saida miyagun kwayoyi da aikata munanan dabi’u da suka ja aka rufe su.
“Hakkin wannan kwamiti ne akan duk wani abubuwa da ake yi a gefen titi don haka duk wani abu da zai zo ya bata kawata birnin Kano a gefen titi muna da hurumi mushiga ciki,” inji El Kenana.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
World Teachers’ Day 2024: NUT Honors Gov.Yusuf for Outstanding Performance in Education Reform
FG, Tinubu and Daily Trust’s faux pas on Samoa Agreement
LG polls: Kano APC urges court to stop INEC from releasing voter register
Gov. Yusuf Flag Off Distribution of Instructional Materials to Public Schools
Nurses, midwives threaten strike in Kano, gives govt 15-day ultimatum
Fagge, Mai Bushira, Naniya now professors as BUK Promotes 90 Senior Academics
Kano State Politics Set for a Major Shift as Kwankwaso and Ganduje’s Influence Wanes: What’s Next for the Power Dynamics in 2027?
Why Presidency need not search farther for a new Spokesman!
Kano State Reforms: Sa’adatu Rimi University Reverts to College of Education Status
