Connect with us

KANUN LABARAI

Ina rokon Ganduje ya yi min alfarama-Abduljabbar Kabara

Published

on

Mukhtar Yahya Usman

Dakataccen limanin masallacin juma’a na Filin Mushe Abduljabbar Nasiru Kabara ya roki alfaramar Gwamnan Kano Abdullahi Umar Ganduje da ya yi masa adalci.

Kano Focus ta ruwaito Abduljabbar Kabara ya yi rokonne ta cikin sakon murya da ya saki da yammacin ranar Juma’a a nan Kano.

Abduljabbar ya ce yadda yasan Ganduje da kwatanta adalci to yana bukatar ya jajirce ya kuma tsaya akan adalcin nasa.

A bani damar zama da malamai

Abduljabbar ya ce hanyar da za a bi a warware wannan al’amari yana da sauki matukar aka bashi damar zama da malamai aka tattauna.

“Kira da nake ga hukuma musamman ma shi mai girma gwamnan Kano Kadimul Islm, shi ne irin yadda yake kwatanta adalci, to ina rokon da ya dada tsayawa kan turbar adalcin nan.

“Wannan al’amari da ya taso hanyar warwareshi ina ganin mai sauki ne, idan aka yi amfani da tsarin zama, kamar yadda Allah ya fada ‘kul-haatu-burhanukum’.

Bana zagin sahabbai

Abduljabbar ya ci gaba da ce zargin da ake yi masa na zagin sahabbai ko kandan ba gaskiya ba ne

“Wadannan bayin Allah suna cewa ana fadar maganganu na cin zarafi ko ga janibin ma’aiki, ko ga janibin Sahabbai, wanda ni kuma ina ganin ko kusa ba haka bane.

“Wadannan maganganu ni musasu ma nake, a cikin littattaifai suka zo, kuma littattafan akwaisu a ko ina, bankaraba ban rageba ban canzaba.

“Mai girma gwamna ya yi adalci , malamanan in da gaske suke cewa ina batanci ga ma’aiki, wadannan maganganu ni nake fadarsu ba a littattafai suke ba su yadda mu zauna.

“Duniya ta saurara  zan taho da littattafannan na fito da maganganun nan su kuma su taho da nasu su nuna babu, ko abinda banganeba su ganar da ni.

Ina so a nunamin kuskurena

Dakataccen limin ya ci gaba da cewa yana matukar murna idan aka fahintar da shi kuskure ya ke yi kuma zai karaba ya gyara inda ya tabbata.

“Kullum ina fadan tunkafin ma abu yayi zafi haka, nifa murna nake yi ma a sami wanda zai zo ya nunamin abinda ya fi nawa.

“Kuma fahintar nan a baya akanta nake kuma ba da dadin rai na bartaba ba.

Ina murnanar na fahinci cewa abinanda neke kai a baya shi ne gaskiya.

“Da zuciya daya Allah shi ne shaida, idan suka yi wannan kokarin muka zauna suka fahimtar dani wani abu da ban fahinta ba, suna da alkawari a guna na karbar abinnan kai tsaye.

“Ga kuma babban lada da suke dashi na shiryar da dauwansu musulmi.

Gwaman ka yi adalci

Ya kuma bukaci gwaman Kano Abdullahi Ganduje da ya yi adalci kan batun tsakaninsa da sauran malamai.

“Don haka kirana ga mai girma gwamnan Kano ya yi kokarin tsayar da adalci tsakanina da masu tuhume-tuhume.

A shirya zama na mutunci cikin lumana cikin mutunta juna maganganunnan a tattauna.

“Wanda ya ke da kaikayi kan wata magana da yake ganin ba haka take ba yazo da littafinsa da take ciki ni kuma zanzo da littafin da take ciki mu tattauna sannan ayi alkalanci.

Mabiya su bi abida hukuma ta ce

Abduljabbar Kabara ya kuma nemi alfarmar al’umma musamman ma magoya bayan sa da su zauna lafiya banda tashin hakali.

Ya ce su yi kokarin yin biyayya ga dokar da gwamnati ta kafa na hanashi karatu.

Ya kuma bukacesu da su kaucewa tashi hankali da husuma har a kammala binciken da akace a na yi.

Click to comment

Leave a Reply

Your email address will not be published. Required fields are marked *

Hausa

Ruwan sama na barazanar raba hanyar Dawakin kudu zuwa Tsakuwa

Published

on

Nasiru Yusuf Ibrahim

 

Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.

Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.

Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.

Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.

A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.

Continue Reading

Hausa

Wani Attajiri ya ba da kyautar makabarta a garin Tsakuwa

Published

on

Nasiru Yusuf Ibrahim

 

Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.

Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.

Ya ce attajirin ya danka amanar makabartar ne karkashin kulawar Tsakuwa Mu Farka.

Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.

Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.

“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.

“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”

Continue Reading

Hausa

Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote

Published

on

Nasiru Yusuf Ibrahim

Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.

Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .

Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.

“Duk abinda ya shafi yan Najeriya ya shafemu”, inji Sanarwar.

Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun  da basu samu damar biya ba a baya.”

Kamfanin na Dangote na sarrafa siminti da takin zamani da kuma tatar man fetur. A  bangaren kayan abinci kuma, Kamfanin na sarrafa sikari,  gishiri da kayan dandanon girki ne kadai.

“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen  ciyar da al’umma.” Dangote.

 

Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.

“Kamfaninmu ya kasance me bin dokokin kasa a koda yaushe tare da  neman sauki ga al’umma da fatan alheri.”

Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada  rade-radi da jita-jita.

Continue Reading

Upcoming Events

There are no upcoming events at this time.

Facebook

Twitter

Trending