Connect with us

Hausa

Rashin kudi ya sa ba mu fara ayyukan 2020 da 2021 ba-SUBEB

Published

on

Aminu Abdullahi

Hukumar ilimin Primary ta jihar Kano (SUBEB) ta ce rashin kudi yasa bata fara aiwatar da manyan ayyuka na shekarar 2020 ba, ballantana na shekarar 2021 da muke ciki.

Kano Focus ta ruwaito, shugaban hukumar Danllami Hayyo ne ya bayyana haka ya yin  zantawa da manema labarai a ranar Litinin a nan Kano.

Hayyo ya ce, ya kamata hukumar ta karbi naira Biliyan daya da dubu dari biyar daga gwamnatin tarayya, amma miliyan dari bakwai ta samu.

A cewarsa hakan ce ta sanya dukkanin aikace-aikacen da aka tsara za yi a 2020 ba a farasu ba, ballantana a shiga sabo.

Ya ce hukumar nabin matakan da suka dace, kuma da zarar ta samu abinda yakamata za ta far aiwatar da ayyukan na baya.

Danlami Hayyo ya kara cewa ko ayyukan da aka gani anyi a makarantu a tsara su ne tun a shekarar 2018 amma ba a samu damar aiwatar da su ba sai a shekarar 2019.

Ya ce gwamnati ta kashe naira biliyan shida a shekarar 2018 da 2019 da aka gina fiye da ajujuwa 770 da bandakuna sama da 100 sai kujerun zama guda 43, 274 da kuma gyara ajujuwan da suka lalace guda 927 da sauran su.

Ya kuma ce kudin da gwamnatin tarayya ta bayar miliyan dari takwas da tamanin don gyara makarantun primary dake kananan hukumomin jihar nan tuni aka fara aiwatar da ayyukan.

Ya ce tuni gwamnatin jihar ta ajiye naira biliyan daya da rabi, wanda shi ne sharadin da hukumar ilimin Primary ta kasa (UBEC) ta gindaya don baiwa hukumar ilimin Primary ta jihar naira biliyan uku a shekara ta 2022.

Click to comment

Leave a Reply

Your email address will not be published. Required fields are marked *

Hausa

Ramadan:Rahma Sadau ta tallafawa mabukata sama da 2000

Published

on

Aminu Abdullahi

Akalla mutane 2000 ne suka amfana da tallafin kayan abinci da jarumar fina-finan Hausa Rahma Sadau ta raba domin neman falalar azumin watan Ramadana.

Kano Focus ta ruwaito cewa a ranar Talata da Laraba da suka gabata ne jarumar ta kaddamar da rabon kayan abincin karkashin gidauniyar ta mai suna ‘Ray of Hope Foundation Africa’.

Jarumar ta yi rabon abincin ne a galibin wuraren da mabukata ke zama da suka hadar da Unguwar Rimi a jihar Kaduna da Hayin Na’iba da Birnin Yaro sai kuma Mararrabar Jos.

Wani makusancin jarumar Bello Sani Mada ya ce gidauniyar ta kwashe tsawon shekaru shida tana wannan aiki ba tare da ta bayyanawa  al’umma ba.

Haka zalika wannan kokari ya sa mutane da dama a shafukan sada zumunta ke cigaba da yabawa jarumar.

Alfaris Musa cewa ya yi yakamata al’umma su rinka kyautata zaton su ga abokan zaman su domin kuwa ko ba komai jarumar tafi wasu mutanen da yawa masu zagin ta.

“A cikin masu zagin ta za ka iya lissafa mutum hamsin da basu taba yin irin wannan taimakonba, kaga kuwa ko ba komai ai naka sai naka,” a cewar sa.

Ya kuma yi kira ga sauran jaruman Kannywood da suyi koyi da jarumar wajen yin abubuwan alkairi musamman na taimakawa mabukata.

Usman Balarabe ya ce kowanne mutum yana da nasa laifin amma sai ya take yazo kafar intanet a matsayin mai wa’azi.

Ya ce duk da irin abin kirkin da jarumar takeyi amma ba wanda yake yaba mata.

Amm amma da zarar an samu matsala guda sai kaga har wanda baya sallah akan lokaci shima wai ya zama mai wa’azi,” inji shi.

Idan za a iya tunawa dai al’umma a shafukan sada zumunta sun kalubalanci jarumar tare da yin Allah wadai kan wasu hotuna da ta wallafa a shafukanta da ta kai ga wani yayi batanci ga manzon Allah S.W.A.

Sai dai jarumar ta nemi afuwar al’ummar musulmi tare da alkawarin cewa ba za ta sake sanya makamancin hotunan ba

Continue Reading

Hausa

Yadda aikin titin Dandishe ke shirin hallaka al’ummar yankin

Published

on

Aminu Abdullahi

Al’ummar Unguwar Dandishe da ke karamar hukumar Gwale a nan Kano sunce suna kamuwa da cutuka iri-iri da suka hadar da Athma, sakamakon kwazazzabon da aka haka musu da sunan gyaran titi.

Haka zalika sun ce matansu na yin bari, ko kuma su haihu nan take da zarar an dauke su zuwa asibiti saboda rashin kyawun hanyar.

A wani bincike da jaridar Kano Focus ta gudanar ta gano yadda aikin ginin titin da ya tashi daga Dandishe, zuwa  Gobirawa yabi ta Tudun Fulani ya bulle a Bachirawa ya zame musu jangwam.

A cewar al’ummar yankin ginin titin na haifarmusu da cutuka da dama wadanda a da basu da su da suka hadar da Asthma, mura mai zafi da wasu cutuka da har yazu ba su kai ga gano su ba.

Haka zalika sun ce da wuya a dauko mace mai juna biyu da ga farkon titin zuwa karshensa, bata zubar da cikinba ko kuma ta haihu a kan hayar.

Annur Ahmad Muhammad wani mai yin sana’a ne a gefen titin, ya ce an dawo da aikin titin ba da jimawaba, kwatsam sai aka nemi masu aikin aka rasa.

Ya ce matafiya da wadanda ke sana’a a gurin nashan wahala, da hakan yasa masu cutar asma ke tashi a duk lokacin da suke tafiya a titin.

Umar Ashir Alhassan cewa ya yi basu ji dadin yadda gwamnati ta tsaida aikin ba.

Ya ce wasu lokutan mata kanyi bari, ya yin da ake kaisu asibiti sakamakon lalacewar da hanyar tayi.

Ya kara da cewa gyara titin zai saukaka yawan cunkoso da ake samu a babban titin kurna.

Da gangan gwamnati ta tsayar da aikin

Haka zalika al’ummar yankin sun zargi gwamnatin Kano da tsayar da aikin da gangan.

Acewarsu dan kwangilar dake aikin titin ya kwashe motoci da kayayyakin aikin a makonnin da suka gabata.

Titin na Dandishe mai tsahon kilomita shida ya shafe shekaru biyar a lalace har yanzu kuma an kasa kammala shi

Idan za a iya tunawa dai a karshen shekarar 2020 ne akadawo da aikin gyaran titin kafin daga bisani a farkon shekarar 2021 dan kwangilar ya kwashe kayan sa.

Ko da yake wasu majiyoyi sun ce rashin biyan dankwangilar hakkokin sa da gwamnatin tayi ne yasa ya dakatar da aikin.

Ba mu san dan kwangilar ya gudu ba

Ko da Kano Focus ta tuntubi kwamishinan ayyuka na jihar Kano  Idris Garba Unguwar Rimi ya ce basu da masaniyar dakatar da aikin.

Unguwar Rimi ya ce basu san dan kwangilar ya dakatar da aikin titin ba.

A cewarsa sunyi yarjejeniya kan cewa za a kammala aikin kafin lokacin damina.

Ya kara da cewa zai gayyaci dankwangilar domin jin dalilin dakatar da aikin ginin titin.

Ya kuma baiwa al’ummar yankin hakura, acewarsa za su tabbatar an kammala aikin kafin zuwan lokacin damina.

Continue Reading

Hausa

Ramadan:Hisbah ta kama Gandaye 11 a Kano

Published

on

Hisbah Commander @ Minjibir Park

Aminu Abdullahi

Hukumar Hisbah a jihar Kano ta kama gandaye 11 da suka hadar da mata 8 da maza uku a sassa daban daban na jihar Kano.

Kano Focus ta ruwaito babban daraktan hukumar Aliyu Musa Kibiya ne ya bayyana haka jim kadan bayan kama matasan ranar Laraba.

Ya ce hukumar ba za ta saurara ba wajen kama duk musulmin da yaki yin azumi a watan ramadan ba tare da wata lalura ba.

Shigar mata: Hisba ta kama wani saurayi da ya rikide zuwa Amina a Kano

Neman matar aure: Hisba ta kafa kwamitin mutane 5 da zai binciki Uba Rimo

Hisbah za ta dauki ma’aikatan sa kai 5700

Ya ce dukkanin su an kamasu ne suna cin abinci a bainar jama’a ba tare da jin kunya ba.

Aliyu Musa ya ce hukumar za ta tantance su domin ware wadanda ke da uzuri tare da ladabtar da wadanda suka yi dagangan.

Ya kara da cewa ba gaskiya bane zargin da ake yi cewa hukumar na hukunta matan da ta kama suna cin abinci koda kuwa suna lokacin al’ada.

“A da sai kayi shekaru arba’in ko fiye amma ba za ka taba ganin iyaye ko kanne nacin abinci a bainar jama’a ba lokacin azumi.

“Kuma duk suna da irin wannan lalurar ta al’ada saboda haka abin takaicin shi ne aganki kina cin abinci ko kina yagan yagan a bainar jama’a,” a cewar sa.

Ya kara da cewa abin takaici ne da rashin kunya a ce mace tana nunawa duniya cewa tana cikin al’ada.

“Idan har suna cikin irin wannan hali kamata ya yi su kebe a wani guri na daban ba wai fitowa fili ba, wanda hakan bai dace ba,” inji shi.

Ya kuma ce babu wanda hukumar tabi har gida ta kamashi yana cin abinci yana mai cewa duk kan wadanda ta kama suna cin abinci ne a waje.

Continue Reading

Trending