Connect with us

Hausa

Rashin kasuwa ya sa ma su sayar da zo6o komawa sana’ar kunu

Published

on

Aminu Abdullahi

Kasuwar zobo da kunun aya da lemo da kuma lamurje na neman 6acewa a jihar Kano biyo bayan hana sayar da kayan hadin lemukan da gwamnatin jihar tayi.

Kano Focus ta ruwaito yadda wasu ma su sana’ar zo6o suka koka bisa yadda a yanzu sana’ar ke neman rugujewa sakamakon rashin masu siye.

Talatu Hassan ta ce ada tana yin cinikin zobo na naira dubu uku a kowace rana saidai a yanzu dakyar take sayar da na Naira dari biyar sakamakon rashin ma su siye.

Ta kara da cewa kayan hadin suna da matukar tsada kuma ba ko ina ake samun su ba sakamakon haramta sayar da su da akayi.

” Idan munje kasuwar ma a boye ake siyar mana da su wani lokacin ma haka muke dawowa ba tare da mun siyo ba.

” Jarina ya karye kowa yana jin tsoron siya don kada ya kamu da wata annoba a zahirin gaskiya muna cikin wani hali,” a cewar ta.

Aisha Lawan ta ce tana saidai zo6o da lemo da kunun aya na Naira dubu hudu kafin bullar annobar da ake zargin sinadaren hadawa ne suka haddasata.

Saidai ta ce a yanzu tana sayar da iya zo6o ne kawai ba kuma tare da ta sanya masa sinadaren da ta saba sawa a baya ba.

“Yanzu ba a siyar dasu sai ansha wahala ake samu ina yin zo6o na dari uku ko biyar ne a kullum shima da siga kawai nake hadashi.

“Gaskiya a yanzu yafi tsada tunda ba bu kayan hadi dake saka shi zaki, kawai iya dafaffen Zobo ne da sikari,” inji ta.

Ta kuma ce kamata yayi gwamnati ta samar da doka mai tsauri da za a hukunta duk wanda aka kama yana saida sinadaren da suka lalace maimakon haramta siyarwa gaba daya.

” Kaga yanzu azumi na zuwa kuma mun fi yin ciniki da azumi fiye da yadda muke yi a baya, don ni na yanke shawarar fara tuyar awara tunda yanzu ba bu kasuwar zo6o,” a cewar ta.

Rukayya Abdullahi ta ce yanzu ta koma sana’ar sayar da awara da Kunu saboda daina siyan zobo da aka yi.

“Tun daga lokacin da aka ce annobar nan ta bulla kuma a sanadiyyar kayan hadin zobo, nake tafka a sara.

” Dole ce ta sanya na koma sana’ar saida kunun tsamiya da awara domin idan na zauna ba bu mai ba ni,” inji ta.

” ya”ya na uku kuma mahaifinsu ya rasu shekaru biyar da suka gabata,” a cewar Rukayya.

A na su bangaren wasu mutane sun bayyana fargabar da suke da ita na shan Zobo.

Saifullahi Usman ya ce duk da cewa mahukunta na alakanta annobar data faru da shan zobo wanda aka hada da sinadaren da suka lalace amma har yanzu yana siya ya sha.

Ya ce a yadda ake zafi a gari yana bukatar abinda zai sanyaya masa makoshi mai zaki kuma bashi da halin da zai sayi lemo dan kamfani wanda hakan tasa yake cigaba da siyan dan hadi,” a cewar sa.

” Ni ba zan iya kashe fiye da naira dari ba don kawai nasha lemon roba na kamfani na gwammace nasha zobo na Naira hamsin na hada da abincin dari da hamsin.

Kullum sai na siya amma dai yawan sa bai kai na da, da nake siya ba,” inji shi.

Zainab Jibril ta ce daga lokacin da annobar ta bulla zuwa yanzu bata kara shan wani abu da tasan ana hadawa da sinadarin ba.

Ta ce wani lokacin ma takan gwammacewa ta hada da kanta maimakon siyan na waje.

“ina fata a shawo kan wannan matsala kafin azumi, don al’umma za su shiga cikin wani hali matukar aka tafi a haka,” inji ta.

Click to comment

Leave a Reply

Your email address will not be published. Required fields are marked *

Hausa

‘Yan sanda a Kano sun kama makocin da ya jagoranci yiwa makocinsa fashi

Published

on

Aminu Abdullahi

Rundunar ‘yan sandan jihar Kano ta kama wani matashi Sa’id Abubakar da ya jagoranci mutane uku wajen yiwa makocinsa Nasiru Sulaiman fashi a Unguwar Maidile dake karamar hukumar Kumbotso a nan Kano.

Kano Focus ta ruwaito jami’in hulda da jama’a na rundunar ‘yan sandan Kano Abdullahi Haruna Kiyawa ne ya sanar da hakan ranar Juma’a a nan Kano.

Kiyawa mai mukamin mataimakin sufurtandan ‘yan sanda ya ce tun a ranar 29 ga watan da ya gabata ne suka sami rahoto daga wanda aka yiwa fashin.

Ya ce sun shiga gidansa ne da misalin karfe 1:30 zuwa biyu na dare inda suka yi amfani da bindiga wajen yi masa fashi.

Ganduje ba zai iya biyan cikakken albashin watan Maris ba-Kwamishina

An sace mutane 12 ‘yan Kano a Kaduna

Kotu a Kano ta aike da ‘yan sanda biyu gidan yari

Kiyawa ya ce wadanda aka kama sun hadar da Sulaiman Ja’afar wanda shi ne makocin daya jagoranci yin fashin.

Sai kuma abokan aikin sa da suka hadar da Sai’du Abubakar mazaunin Gaida, da Adamu Ya’u Muhammad dake unguwar Sharada sai Isyaku Mudi dan asalin jihar Kebbi dake zaune a unguwar Hotoro.

Haka zalika Kiyawa ya ce  ‘yan fashin sun kwace masa kudade da agogo da kuma motar sa kirar Ford inda aka samota a Zamfara ana shirin sayar da ita.

Ya ce bayan da suka samu rahoton ne kuma suka baza jami’an su inda suka samu nasarar kama su.

Da yake shaida yadda aka yi masa fashin Nasiru Sulaiman ya ce sun balle kofar gidan sa ne bayan da yaki budewa suka kuma tsira shi  da bindiga.

“Sanda suka shigo na shiga tashin hankali sosai.

“Sun nemi dana basu kudi,  suka kuma dauki mota ta da sauran kayayyaki,” a cewar sa.

Shima matashin da ya jagoranci fashin Sulaiman Ja’afar ya ce shi ya jagoranci abokan nasa uku zuwa yin fashin.

“Munje gidan sa da daddare mu biyar da bindiga da wukake.

“Ni ban tabayi ba wannan shi ne karo na farko amma su ragowar dama suna yi,” a cewar sa.

Continue Reading

Hausa

Gwamnatin Kano ta bada umarnin rufe gidajen Abinci da na Biredi

Published

on

Ganduje

Aminu Abdullahi

Hukumar kare hakkin masu siyan kayayyaki ta jihar Kano (CPC) ta ba da umarnin rufe gidajen sayar da abinci da na biredi da na ruwa da ba su da takardar shaidar hukumar lafiya ta jihar Kano.

Kano Focus ta ruwaito mukaddashin shugaban hukumar Bappa Babba Dan Agundi ne ya bada umarnin a cikin wata sanarwa da jami’in hulda da jama’a na hukumar ya fitar  ranar jma’a a nan Kano.

Dan Agundi ya ce  umarnin ya biyo bayan cikar wa’adin makonni biyu da aka basu dan su yi rajistar, inda ya ce umarnin ya fara aiki nan take.

Ya ce kullewar ta zama dole tun bayan da aka gano wasu masu dauke da cutar hanta da kuma wasu cutuka da za a iya dauka a wasu gidajen abinci a cikin birnin Kano.

Ba zamu saurarawa duk wanda zai ciyar da mutanen Kano guba ba-Baffa Babba

Cin zarafi: Kotu ta umarci ‘yan sanda su binciki Baffa Babba Dan Agundi

Zamu ci gaba da tsaftace harkar magani a Kano-Bappa Dan Agundi

Idan za a iya tunawa dai a jiya Alhamis ne hukumar ta kulle wasu gidajen abinci biyu a Kano bayan da aka samu wasu daga cikin ma’aikatan na dauke da cutar hanta.

Gidajen da aka rufe sun hadar da na Down Town da ke kan titin Bompai, sai kuma gidan Abinci na Alkhairi Suya da ke kan titin zuwa Maiduguri.

Dan’agundi ya ce gwamnati ta basu dama su rufe duk wani gidan abinci ko abin sha da hukumar lafiya ba ta gamsu da yadda suke kula da harkokin kiwon lafiyar ma’aikatan su ba.

Yace wannan wani mataki ne na kare lafiyar al’ummar jihar Kano daga kamuwa da wasu cututtuka sakamakon ziyartar irin wadannan wurare.

Continue Reading

Hausa

Ganduje ba zai iya biyan cikakken albashin watan Maris ba-Kwamishina

Published

on

Ganduje

Mukhtar Yahya Usman

Gwamnatin Kano ta ce yanke kudin da gwamnatin tarayya ta yi mata a watan Maris yasa ba za ta iya biyan ma’aikata cikakken albashin watan Maris ba.

Kano Focus ta ruwaito Kwamishin yada labarai na jihar Kano Muhammad Garaba ne ya sanar da hakan cikin wata sanarwa da ya fitar ranar Litinin a nan Kano.

A cewar kwamishinan gwamnatin Kano bata taba gaza biyan ma’aiakata albashinsu dai-daiba tun da aka kafata sai yanzu.

Ya ce la’akari da halin talauci da aka shiga, abu ne da zai yi wuya gwamnati ta iya cikakken albashin wantan Maris ko da dai matsalar ta dan wani lokacice.

Muhammad Garba ya ce gwamnatin Kano ta karbi naira biliyan 12, da miliyan 400 kawai daga asusun gwamnatin tarayya a watan na Maris.

Haka kuma cikin wadannan kudade gwamnatin Kano za ta yi amfani ne da Naira Biliyan 6 da Miliyan 100, kawai, inda kananan hukumomi suka karbi Naira biliyan 6 da Milyan dari uku.

A don hakan ne ma ya ce indai gwamnati za ta biya albashi kamar yadda ya kamata ba tare da gibiba to tana bukatar wasu biliyoyin nairori domin cike gibi.

Haka zalika kwamishinan ya kirayi kungiyar kwadago reshen jihar Kano da ta janye yajin aikin da ta ke shirin yi, a cewarsa lamarin ba mai dorewa ba ne.

Continue Reading

Trending