Connect with us

Hausa

Shigar Osinbajo masallaci da takalmi ya tada kura a Kano

Published

on

Mukhtar Yahya Usman

Al’umma a Kano na ci gaba da yin tofin ala tshine ga mataimakin shugaban kasa farfesa Yemi Osinbajo bayan da ya shiga masallaci da takalmi.

KANO FOCUS ta ruwaito mataimakin shugaban kasar ya zo Kano ne ranar Talata domin halartar taron tunawa da Sardaunan Sokoto da kuma ta’aziyyar manya da suka rasu.

An dai hango hoton mataimakin shugaban a masallacin Darul Hadith da ke Unguwar Tudun Yola sanye da takalmisa akan kujera, bayan da ya ke ta’aziyyar Dr Ahmad Ibrahim BUK da ya rasu a Juma’ar Makon jiya.

Kodayake galibin masu yin tofin alatsinen na dora laifin ne akan gwamnan Kano Abdullahi Umar Ganduje da ministan sadarwa Isa Ali Pantami da suka gaza nusar da mataimakin shugaban kasar bukatar cire takalminsa yayin shiga masallaci.

A cewar Yasir Ramadan Gwale “Obama ma da zai shiga Masallaci sai da ya cire takalmi, watakila saboda ya girmama Musulmin da suke Sallah a ciki saboda ya san suna cirewa in zasu shiga.

“Amma shi Osinbajo ba wanda ya iya ce masa ya tube takalmi, Musulmi basa Sallah da takalmi akan dadduma.

“Gaskiya cin fuska ne ana kallonsa da takalmi amma ba wanda ya nuna masa ya cire alhali duk ‘yan tawagar kowa ya cire nasa da zai shiga.

“Abin tambaya anan Masallacin Villa da Shugaban kasa idan zai shiga sai ya cire takalmi, shin in dalili yasa Osinbajo zai shiga, shima da takalminsa zai shiga alhali shugaban kasa ya cire nasa a waje?

“Ya kamata ace Mataimakin shugaban kasa ya zama very diplomatic a lokacin da yake neman Musulmi su yarda da shi saboda yana da bukata a 2023” a cewar Yasir Ramad Gwale.

Shi kuwa Bashir Muhammad cewa ya yi shiga Masallaci da takalmi mai tsafta ba Laifi Bane.

“Haƙiƙa hotunan da ake ta yadawa, ba ‘wai’ tayar da hankali suke yi na sosai ba – sabida ba akan Osinbajo aka fara ganin haka ba.

“To amma, hakan ba ya nufin cewa duk lokacin da wani ya aikata haka, ba za a kalle shi a matsayin wanda bai aikata wani na ba-wai ba.

“Ko da shiga cikin Masallaci da takalmi (idan musamman ana da yaƙinin cewa yana da tsarki) ba laifi ko matsala bane.

“Yana da kyau ace su Ganduje da Pantami, sun fada masa cewa “ranka ya dade, ana dan cire takalmi idan za a shiga.”

“Wannan kuwa, sabida martaba Masallatan da muke dasu; da kuma kyakkyawar tarbiyyar da muke ita, ta tsaftace wuraren bautar mu” a cewar Muhammad Bashir.

Shi kuwa Ali Imam ya wallafa cewar baya goyon bayan shiga masallaci da takalmi da mataimakin shugaban kasa Osinbajo ya aikata.

Sai dai ya ce wasu na fakewa da hakan suna cin zarafin Gwamnan Abdullahi Umar Ganduje tare da dora masa laifi.

“Dama karamin sani kukumi ne. Wanda idan muka ratsa duniyar ilmi za mu ga cewa shiga masallaci da takalmi ba aibu ba ne.

“Akwai nassosin da suka nuna yin sallah da takalmi ma babbar sunnah ce matukar babu najasa a tattare da shi.

“Bukhari da Muslim sun rawaito cewa Sa’id Bin Zaid ya tambayi Sayyaduna Anas RA ko Manzon Allah SAW ya kasance yana sallah da takalmi? Sai ya amsa cewa Eh yana yi.

عن أبى سلمة سعيد بن زيد قال: سألت أنساً: “أكان النبي -صلى الله عليه وسلم- يصلي في نعليه؟. قال: نعم”.

Abu Dauda ya rawaito cewa daga Shaddadu dan Ausu Manzon Allah ya ce ku sa’ba wa Yahudawa domin su ba sa sallah cikin takalmansu da khuffofinsu.

عن شداد بن أوس رضي الله عنه قال: قال رسول الله -صلى الله عليه وسلم-: “خالفوا اليهود فإنهم لا يصلون في نعالهم ولا خفافهم”

Imam Ahmad da Abu Dauda sun fitar da shi daga Abu Sa’id Alkhudry Manzon Allah SAW ya ce idan d’ayanku ya zo masallaci ya duba takalminsa idan ya ga datti ko kazanta ya tsaftace su, sannan ya yi sallah da takalminsa.

أبو سعيد الخدري أنه قال: قال رسول الله -صلى الله عليه وسلم-: “إذا جاء أحدكم إلى المسجد فلينظر فإن رأى في نعليه قذراً أو أذى فليمسحه وليصل فيهما”.

Abu Dauda ya fitar an karbo daga Abuhuraira RA cewa Manzon Allah SAW ya ce” Idan dayanku ya yi sallah zai iya cire takalminsa, amma kar ya cutar da kowa da hakan, idan ya so zai iya ajiye su tsakanin kafafuwansa ko ya yi sallah suna kafafunsa.”

وما رواه أبو داود من حديث أبي هريرة أن الرسول -صلى الله عليه وسلم- قال: “إذا صلى أحدكم فخلع نعليه فلا يؤذ بهما أحداً، ليجعلها بين رجليه أو ليصل فيهما”

Kazalika hadisi ya inganta Annabi SAW yana jan sahabbansa sallah, sai ya cire takalmin da ke kafarsa. Da sahabbai suka ga haka sai su ma suka cire, bayan an gama sallah sai Annabi SAW ya tambaye su dalilin cire takalmansu sai suka ce sun ga ya cire nasa ne sai su ma suka cire nasu, sai Annabi SAW ya ce Jibrilu ne ya zo ya bayyana min akwai najasa a tare da takalmin sai na cire.

أبو سعيد الخدري أنه قال: “بينما النبي -صلى الله عليه وسلم- يصلي بأصحابه إذ خلع نعليه فوضعها عن يساره، فلما رأى ذلك القوم ألقوا نعالهم، فلما قضى رسول الله -صلى الله عليه وسلم- صلاته قال: ما حملكم على إلقاء نعالكم؟ قالوا: رأيناك ألقيت نعليك فألقينا نعالنا، فقال رسول الله صلى الله عليه وسلم: إن جبريل عليه السلام أتاني فأخبرني أن فيها قذراً”

Wannan ya sa ake yin sallar Gawa da takalmi. Sai dai hakan ba zai saka na goyi bayan abin da Osibanjon ya aikata ba, amma abun sam bai kai yadda jama’a ke kwaza shi ba.

Click to comment

Leave a Reply

Your email address will not be published. Required fields are marked *

Hausa

An fake da taimako, ana yaɗa da’awar luwaɗi da maɗigo a jihar Kano!

Published

on

 

 

Misbahu Hamza

 

Zuwa Ga Gwamnatin Jihar Kano, Masarautar Kano, Hukumar Hisba, Da Ƙungiyar Mallaman Jihar Kano

Assalamu Alaikum,

Da sunan ƴancin ɗan Adam; da sunan nema wa ƴaƴanmu mata ƴanci da sana’a mai ɗorewa; da sunan taimakawa marayu, gajiyayyu da masu buƙata ta musamman, ana ta ƙoƙarin yaɗa da’awar luwaɗi da maɗigo a jihar Kano!

Ana yaɗa wannan manufa ne a bainar jama’a babu kunya ballantana ganin girmanku ko shakkarku a matsayinku na masu faɗa a ji a jihar Kano—a makarantu da unguwanni. Abin takaici ma har da ma a tsakanin ma’aikatun gwamnati (masu ɗamara)!

Ƙungiyar da ta ke ta wannan mummunan aiki a jiharmu ita ce “Women Initiative for Sustainable Empowerment and Equality.” Suna kiran kansu “WISE” a taƙaice kuma a bayanin da muka gani a shafukan su, har ofishi suke da shi mai zaman kanshi a Yankaba Kawaji, Bompai GRA, Kano.

A wani bayani da muka gani a shafukan wannan ƙungiya, mun ga sun taɓa haɗa bita wa jami’an Hisba, da na KAROTA, da na NDLEA, da sauransu!

Domin tabbatar da duk waɗannan abubuwa, a duba shafinsu kawai na Facebook mai suna “Wise Wage.”

In har wannan ƙungiya ta yi ƙarfin da za ta tara waɗannan jami’ai a wuri guda da sunan yi musu bita—a kan ko ma mene ne—to muna tsoron irin tasirin da suka riga suka yi a cikin jihar mu. Jihar musulunci.

Za ku iya tunawa a makon nan me ƙarewa ne ake ta dambarwar kuɗaɗe da gwamnatin tarayya ta karɓo daga ƙasashen Turai wanda ake zargin cewa ɗaya daga cikin sharuɗɗan amfana da wannan maɗuɗun kuɗaɗe shi ne a sakarwa masu da’awar luwaɗi da maɗigo mara, irin su WISE, su fantama baɗalarsu yadda suke so.

Wannan ya jawo kace nace a ƙasarnan. Kuma mun ga yadda Mallaman jihar Kano ku ka tashi tsaye a mimbari, kamar yadda muka yi tunanin za ku yi, domin yin tofin Allah tsine da wannan yunƙuri matuƙar ya tabbata gaskiya.

Wannan dambarwar ta ƙara bayyanar mana cewa a ƙasarnan akwai doka da kai tsaye ta yi hani da duk wani yunƙuri ko yaɗa manufar luwaɗi da maɗigo. Kuma mun ƙara samun natsuwa ganin yadda Musulmi da Kirista suka haɗa kai domin barranta da wannan ɓarna.

Da wannan muke kiran Gwamnan jihar Kano, Alhaji Abba Kabir Yusuf, da Sarkin Kano, Mallam Muhammadu Sanusi II, da Shugaban Hisba ta Kano, Mallam Aminu Daurawa, da Shugabancin Kungiyar Mallaman Jihar Kano, da su tabbatar wannan ƙungiya ta WISE ta tattara ƙomatsonta ta bar mana gari kuma a haramta mata aiki a jihar ta kowace hanya da za a iya.

Al’ummar jihar Kano amana ne a wajanku! Kuma Allah zai tambaye ku amanar da ya damƙa muku ranar alkiyama!

Mu mun yi namu—isar muku da saƙon. Idan da ba ku san da wannan kungiya ba ko aiyukanta, to yanzu mun sanar da ku.

Bissalam,

Misbahu Hamza

Continue Reading

Hausa

Ruwan sama na barazanar raba hanyar Dawakin kudu zuwa Tsakuwa

Published

on

Nasiru Yusuf Ibrahim

 

Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.

Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.

Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.

Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.

A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.

Continue Reading

Hausa

Wani Attajiri ya ba da kyautar makabarta a garin Tsakuwa

Published

on

Nasiru Yusuf Ibrahim

 

Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.

Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.

Ya ce attajirin ya danka amanar makabartar ne karkashin kulawar Tsakuwa Mu Farka.

Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.

Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.

“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.

“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”

Continue Reading

Upcoming Events

There are no upcoming events at this time.

Facebook

Twitter

Trending