KANUN LABARAI
Zaben Kananan hukumomin Kano zai lakume sama da Naira miliyan dubu biyu
Mukhtar Yahya Usman
Gwamnatin jihar Kano ta ce za ta kashe Naira biliyan biyu da miliyan dari uku wajen shirya zaben kananan hukumomin da ke tafe.
Kano Focus ta ruwito kwamishinan yada labarai na jihar Kano Muhammad Garba ne ya sanar da haka ga manema labarai jim kadan bayan kammala zaman majalisar zartarwa ta jihar Kano a ranar Laraba.
Muhammadu Garaba ya ce kudaden za ayi amfani da sune wajen sayan kayayyakin da za a gudanar da zaben, da sauran bukatu da ka taso yayin zaben.
Idan ba a manta ba dai a cikin makon jiya ne, hukumar zabe ta jihar Kano ta ce za ta gudanar da zaben Kananan hukumomi a ranar 16 ga watan Janairun shekara 2021.
Jadawalin zaben da hukumar ta fitar ya baiwa Jam’iyyun siyasa tsawon watanni uku su yi shirye shiryen da suka kamata domin tunkarar zaben.
Shugaban hukumar zaben Garba Ibrahim Sheka ya ce baya ga tsare tsare da ganawa da daukacin masu ruwa da tsaki domin samun nasara, hukumar ta fitar da farashin takardun shiga zabe ga ‘yan takara.
A wannan karon dai hukumar zaben ta Kano tace kamfanonin cikin gida zata baiwa kwangilar buga takardun zabe domin rage kudaden da take kashewa.
Tuni dai shugaban hukumar zaben ta Kano ya ce zai tabbatar da adalci ga dukkanin Jam’iyyu da zasu shiga zaben.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
BUK Faculty of Education celebrates 50 years anniversary, launches Alumni Association
Governor Yusuf Champions Education, Resolves Certificate Crisis for Kano Graduates
Governor Yusuf Bags Vanguard’s 2024 Good Governance Award
Kano Tops Nigeria’s Zero-Dose Immunization List as Boost Project Targets Urgent Action
Kano, 12 others prone to meningitis
Book Review: Quintessential Elegance in Islamic Scholarship, Sheikh Ibrahim Khaleel
Emir Sanusi II Calls for Justice Over Killing of Kano Indigenes in Edo
IGP Orders Kano Police to Investigate Emir Sanusi, Withdraws Invitation from Force HQ
Emir Sanusi II Warns Against Internal Betrayal and External Meddling in Kano
