KANUN LABARAI
Ina rokon kotu ta ratayeni- dan garkuwa a Kano
Mukhtar Yahya Usman
Wani matashi mai suna Anas Sa’idu da ya kashe wani matashi Tijjani Sa’idu bayan yayi garkuwa da shi ya nema da a ratayeshi.
Kano Focus ta ruwaito Anas dan shekaru 22 yayi garkuwa da Tijjani ne a kauyen Borodo hayin gwarmai da ke karamar hukumar Bebeji a nan Kano ya Kuma kashe shi tun a ranar 9 ga watan Nuwamba.
Anas dai yayi garkuwa da matashin ne kuma ya nemi kudin fansa naira miliyan daya da dubu dari uku.
A cewarsa kafin a kai ga bashi kudin fansarne kuma, ya tafi dashi gona soboda rashin inda zai tsareshi, a nan ne Kuma ya kashe shi.
“Bayan na tafi dashi gona ne sai na shake Masa wuya na kashehi.
“Bayan na kashe shi ne Kuma na haka rami na binneshi.
“Sai da na dauki kwanaki uku ni kadai Ina kokarin yadda zanyi da shi, daga bisani na haka rami na binne shi.” a cewarsa.
Da yake amsa laifinsa gaban jami’an tsaro Anas ya ce ya kashe shi ne don menan kudin fansa.
Ya Kuma ce bashi da ja akan laifin da ya aikata, a don haka yana bukatar kotu kada ta tausaya Masa, shima ta yanke Masa hukuncin kisa ta hanyar rataya.
Ya ce ta hakan ne kawai zai kubuta daga zunubin da ya aikata a gaban Ubangiji.
Da yake jawabi ya yin da aka je tono mamacin jami’in hulda da jama’a na rundunar ‘yan sandan Kano Abdullahi Haruna Kiyawa ya ce sun samu rahoton aika-aikar da Anas ya aikatane, kuma nan take suka fara bincike.
Kiyawa mai mukamin mataimakin sufurtandan yan sanda ya ce tun aranar tara ga muke watan da muke ciki ne kwamishinan yan sanda ya bada umarnin fara bincike bayan samun rahoton.
Ya ce sun dauki makwanni biyu suna gudanar da bincike har suka yi sa’ar kamo Wanda ke zargin.
Kiyawa ya ce Anas ya kashe Tijjani tsahon makwanni biyu da suka gabata ya kuma binneshi a gonarsa.
Kiyawa ya ce kawo yanzu an gama hada dukkanin bayanai, inda za su gurfanar da shi gaban kuliya domin ya girbi abinda ya shuka.
Kimanin marasa lafiya masu rauni 18,000 da ke fama da cututtukan ido daban-daban a jihar Katsina sun amfana da ayyukan kulawar ido da tiyata kyauta da Gidauniyar Mangal ta dauki nauyi tun bayan kafuwarta a shekarar 2016.
Wani mamba na kwamitin amintattu (Board of Trustees) na gidauniyar, Malam Hussaini Kabir, ne ya bayyana hakan a ranar Juma’a yayin kaddamar da aikin tiyatar ido na zangon karshe na shekarar 2025 a Cibiyar Ido ta Katsina.
Kabir ya bayyana cewa kimanin mutane 7,000 ne suka amfana a shekarar 2025 kadai, daga sassan jihar Katsina, jihohin makwabta, har ma da wasu yankuna na Jamhuriyar Nijar.
A cewarsa, gidauniyar ta fara tantance wadanda za su amfana kimanin makonni biyu da suka gabata, inda marasa lafiya da dama suka samu magunguna kyauta da tabarau na likita.
Kabir ya kara da cewa wadanda ke bukatar tiyata an dauki nauyin dukkan zaman asibitinsu gaba daya, yana mai cewa kimanin marasa lafiya 2,000 aka tantance a yayin aikin zangon karshe da ake ci gaba da yi.
Ya sake jaddada kudirin gidauniyar na inganta samun kulawar lafiya, yana bayyana shirin a matsayin wani bangare na nauyin alhakin zamantakewar kamfanoni (corporate social responsibility).
“Manufarmu ita ce tallafa wa kokarin gwamnati tare da rage nauyin kudin kula da lafiya ga mafi rauni, musamman wadanda ke fama da matsalar biyan bukatun rayuwa,” in ji shi.
Wani likitan ido a cibiyar, Dokta Ahmad Hamza, ya bayyana cewa an gano marasa lafiya da dama na fama da cutar idon toka (cataract) da glaucoma, cututtuka da galibi ke bukatar tiyata.
Ya jaddada muhimmancin duba ido akai-akai, yana mai cewa gano cuta da wuri na taimakawa wajen hana asarar gani ta dindindin da cututtukan ido masu zuwa a boye ke haifarwa, kamar glaucoma, cataract da lalacewar macula (macular degeneration).
Daya daga cikin wadanda suka amfana, Malam Yusufa Usman, ya ce ya shafe sama da shekaru biyu yana fama da matsalar gani amma ba shi da ikon biyan kudin tiyata.
“Tsawon shekaru biyu ban iya gani sosai ba, amma yau na yi tiyata kuma ina da fatan ganina zai dawo.
Ina rokon Allah Madaukakin Sarki ya saka wa Gidauniyar Mangal da alheri bisa wannan kyakkyawan aiki.
“Ina fatan sauran masu kudi za su yi koyi da wannan abin a yaba,” in ji Usman.
Wata mai amfana, Aisha Muntari daga kauyen Bakuru, ta bayyana kwarewarta yayin da take jiran a kai ta dakin tiyata.
Muntari ta ce ta kamu da matsalar ido kimanin shekara guda da ta wuce kuma ta kusa yanke tsammani kafin ta samu labarin shigar gidauniyar, tana mai bayyana kwarin gwiwar cewa nan ba da dadewa ba ganinta zai dawo.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Cameroon telecom regulator visits NCC for benchmarking exercise
Dangote Refinery maintains ex-depot price of PMS
Tinubu congratulates Garo on appointment as Kano deputy governor
Ganduje acknowledges Sanusi II as Emir of Kano, 6 years after dethroning him
Gov. Yusuf to swear in Murtala Garo as Kano deputy governor Tuesday
Kano SUBEB disowns fake teachers’ recruitment results
Sarkin Fulanin Jaidinawa Abubakar Gwadabe Buhari dies, funeral set for Wednesday
Kano Judicial Commission sanctions Shariah Court Judges, other staff over misconduct
Tinubu nominates Kano’s Rabiu Umar as new NMDPRA chief
