KANUN LABARAI
Jayayya: Matashi ya kashe abokinsa a Kano
Aminu Abdullahi
Wani matashi mai suna Iliyasu Tanimu dan asalin karamar hukumar Garun Malam a nan Kano ya kashe Abokisa Ibrahim Sani biyo bayan sa-in-sa da ta faru a tsakanin su.
Kano Focus ta ruwato Mista Iliyasu mai shekaru 35 ya yi amfani da wuka ne wajen kashe abokin na sa a ranar Alhamis.
Shaidun gani da ido sun shaidawa Kano Focus cewa mista Sani yana kan hayar sa ne ta zuwa masallaci domin sallar azahar abokin nasa ya farmasa.
A cewar su mai kisan ya sokawa abokin nasa wuka ne a makwogwaro da kuma idanunsa lamarin da yayi sanadiyyar rusuwar sa.
Da yake amsa tambayoyin jami’an tsaro, mista Ilyasu ya ce sun samu yar jayyane kawai amma ba yana nufin kashe shi ba.
Ya kara da cewa ya aikata kisanne bayan da ya tsinci kansa a cin yanayi na damuwa.
Sai dai al’ummar garin sun tabbatar da cewa mista Iliyasu yana shaye-shaye.
Kakakin rundunar yan sandan jihar Kano Abdullahi Haruna Kiyawa ya tabbatar da faruwar al’amarin.
Mista Kiyawa mai mukamin mataimakin sufurtandan ‘yan sanda ya ce su na samun rahoto suka isa wurin domin ceton wanda aka soka.
Sai dai bayan da aka garzaya da shi babban asibitin Kura ne kuma likitoci suka ce ya mutu.
Ya kara da cewa tuni suka kama wanda ake zargin kuma za a ci gaba da tuhumar sa kana a aike da shi gaban kuliya domin ya girbi abinda ya shuka.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
CHAN Qualifiers: Eguavoen invites Rabiu Ali, 2 other Pillars players for Ghana clash
KanSLAM gets new government co-chair, Isa Haladu
NCC Boss, Dr Maida Joins IIC Board of Directors
Kano’s Education State of Emergency: The Successes, The Challenges
Jami’ar Yusuf Maitama Sule ta koma Northwest University, Kano
Our PMS is cheaper than imported ones -says Dangote
MNCH: Gov Yusuf re-opens Nuhu Bamalli maternity hospital
End bad governance protest: Tinubu orders immediate release of hungry minors
Kano Focus reporter bags West Africa DPI Fellowship
