Connect with us

KANUN LABARAI

‘Yan daba sun kashe mutane biyu a Kano

Published

on

Aminu Abdullahi

Wasu da ake zargin barayi ne sun hallaka wani matashi mai suna Aminu Salihu mazaunin Gyadi-gyadi da ke karamar Hukumar Tarauni a yunkurin sa na hana su satar Adai-daita sahu.

Kano Focus ta ruwaito cewa lamarin ya farune a jiya Alhamis akan titin zuwa jamai’ar Bayero a nan Kano.

A cewar dan uwan mamacin Ibrahim Salihu, danuwan nasa yana gadi ne a wurin da ake sayar da adai-daita sahu da ke tsallaken ofishin ‘yan sanda na MTD da ke Kofar Nasarawa.

Ya ce bayan da barayin suka yi yunkurin sata a wurin ne kuma yi yi yunkurin hana su lamarin da ya sanya su amfani da makami suka hallaka shi.

Ya ce da alama dan uwan nasa ya gane guda da ga cikin barayin ne da hakan ta sa suka daureshi tamau suka hallaka.

“Munje gurin sai ake fada mana cewa ‘yan sanda sun dauke shi sun tafi asibiti shi ne muma muka bisu can.

“Su biyu ne amma dayan duka kawai yaci a gurin su shi bai mutu ba,” a cewar sa.

Haka zalika wa su ‘yan daban a garin Gadan da ke karamar Hukumar Gezawa sun hallaka wani matashin mai suna Ibrahim Ahmad.

Matashin mai shekaru 25 ya gamu da ajalinsa ne bayan da yan daban suka tare shi  a hanyar sa ta dawowa daga makaranta.

A cewar dagacin Gadan Malam Tijjani Gadan ya ce mamacin na tare da abokin sa lokacin da al’amarin ya faru sai dai ‘yan daban ba su yiwa abokin nasa komai ba.

Ya kara da cewa sun rufe mamancin da duka wanda hakan ya yi sanadiyyar mutuwar sa.

Ya ce kawo yanzu ba a san dalilin da ya sa ‘yan daban suka kashe matashi ba.

Sa dai rundunar yan sandan jihar Kano ta ce bata da labarin faruwar al’amuran biyu.

A cewar jami’in hulda da jama’a na rundurar Abdullahi Haruna Kiyawa basu samu rahoto kan faruwa al’amrin ba.

Kiyawa mai mukamin mataimakin sufurtandan ‘yan sanda ya ce za su bincikin al’amarin domin sanin hakikanin sa.

 

Click to comment

Leave a Reply

Your email address will not be published. Required fields are marked *

Hausa

Ruwan sama na barazanar raba hanyar Dawakin kudu zuwa Tsakuwa

Published

on

Nasiru Yusuf Ibrahim

 

Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.

Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.

Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.

Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.

A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.

Continue Reading

Hausa

Wani Attajiri ya ba da kyautar makabarta a garin Tsakuwa

Published

on

Nasiru Yusuf Ibrahim

 

Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.

Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.

Ya ce attajirin ya danka amanar makabartar ne karkashin kulawar Tsakuwa Mu Farka.

Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.

Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.

“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.

“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”

Continue Reading

Hausa

Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote

Published

on

Nasiru Yusuf Ibrahim

Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.

Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .

Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.

“Duk abinda ya shafi yan Najeriya ya shafemu”, inji Sanarwar.

Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun  da basu samu damar biya ba a baya.”

Kamfanin na Dangote na sarrafa siminti da takin zamani da kuma tatar man fetur. A  bangaren kayan abinci kuma, Kamfanin na sarrafa sikari,  gishiri da kayan dandanon girki ne kadai.

“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen  ciyar da al’umma.” Dangote.

 

Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.

“Kamfaninmu ya kasance me bin dokokin kasa a koda yaushe tare da  neman sauki ga al’umma da fatan alheri.”

Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada  rade-radi da jita-jita.

Continue Reading

Upcoming Events

There are no upcoming events at this time.

Facebook

Twitter

Trending