Hisbah ta dakatar da kwamandan da ake zarigi da sace tallafin Korona

Published

4 years ago

November 23, 2020

Zulaiha Danjuma

Babban kwamandan Hukumar Hisba ta jihar Kano Sheikh Muhammad Haruna Sani Ibni Sina ya dakatar da kwamandan hukumar na karama Hukumar Dala Siyudi Hassan Muhammad bisa zargin sace tallafin Kwarona.

Kano Focus ta ruwaito jami’in hulda da jama’a na hukumar Lawal Fagge ne ya shaida hakan ga manema labarai a ranar Lahadi.

Lawan Fagge ya ce Hukumar ta Hisba ta dakatar da shi ne na tsahon wata guda domin fara bincike kan zargin da ake yi masa.

Idan za a iya tunawa a ranar Talatar da ta gabatane dai jami’an Hisbah na karamar hukumar ta Dala suka zargi kwamandan nasu da sace tallafin kwarona da karamar Hukumar Dala ta basu.

KORONA: Hisbah ta fara binciken kwamandan da ake zargi da sace kayan tallafi

Aikin Hukumar Anti-corruption ta Kano ya yi awon gaba da kwamishinoni da daraktoci -Ganduje

KWARONA: Ana Zargin kwamandan Hisbah da sace kayan tallafi

Hakan ta sanya suka rubuta wasika da mutane 73 suka sanyawa hannu suka kuma aike ga babban kwamandan Hisbah na jiha Haruna Muhammad Sani Ibn Sina domin bin hakkinsu.

Cikin kayan tallafin da ake zargin kwamandan da karkatarwa sun hadar da taliya katan hamsin shinkafa buhu hamsin da kuma Indomie katan hamsin.

Ta cikin takardar sunce an baiwa ofishin Hisbah na Dala wadannan kayanne domin rage musu radadin matsin da aka shiga sakamakon Kwarona.

Sai dai sun ce tun da aka bada kayan aka nemusu sama da kasa aka rasa, inda suke zargin cewa kwamandanne ya yi awon gaba da su.

Jami’ar Yusuf Maitama Sule ta koma Northwest University, Kano

Published

2 weeks ago

November 29, 2024

Kano Focus

Nasiru Yusuf Ibrahim

Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.

KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.

Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.

“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.

“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.

“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.

“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”

Hausa

Zan ɗora ƙaramar hukumar Nassarawa kan manufofin jagoran Kwankwasiyya – Ogan Ɓoye

Published

2 months ago

October 23, 2024

Kano Focus

Nasiru Yusuf Ibrahim

Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.

Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.

Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.

Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.

A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.

Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.