An bude gasar musabakar Al’kur’ani a karamar hukumar Dawakin Kudu

Published

4 years ago

December 9, 2020

Aminu Abdullahi

Dalibai dari biyu da saba’in da bakwai ne suka fara fafatawa a a gasar Musabakar Al’kur’ani mai girman da aka bude a garin Dawakin Kudu.

Kano Focus ta ruwaito an bude musabar ne karo na 35 a ranar Talata inda ake sa ran daliban za su yi karatu a kowanne izifi na Alqur’ani.

Shugaban karamar hukumar Dawakin Kudu Alhaji Nasiru Ibrahim Matagi ya ce musabakar ta bana ta kunshi maza da mata daga makarantun islamiya daban daban dake karamar hukumar.

Ya kara da cewa majalisar karamanr hukumar ta samar da kyautuka daban daban da za a mika ga daliban da sukayi nasara daga na daya zuwa na uku.

Ya ce kyautukan sun hada da Keken Hawa da na Dinki da Injin yin Taliya da na Markade da dai sauran su.

A nasa bangaren alkalin musabakar Gwani Zubairu Hamza ya ce akwai azuzuwa guda goma sha biyu da ake takara a ciki da suka hada da guda shida na mata da shida na maza.

Ya kara da cewa za a yi musabakar ne akan izifi biyu da goma da tajwidi sai izifi ashirin da izifi arba’in da kuma izifi sittin da tajwidi sai izifi sittin da tajwidi da kuma tafsiri.

Ya kuma bukaci daliban da su jajirce don ganin sun samu nasara tare da maida hankali wajen neman ilimin domin samun nagartacciyar al’umma a nan gaba.

Jami’ar Yusuf Maitama Sule ta koma Northwest University, Kano

Published

2 weeks ago

November 29, 2024

Kano Focus

Nasiru Yusuf Ibrahim

Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.

KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.

Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.

“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.

“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.

“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.

“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”

Hausa

Zan ɗora ƙaramar hukumar Nassarawa kan manufofin jagoran Kwankwasiyya – Ogan Ɓoye

Published

2 months ago

October 23, 2024

Kano Focus

Nasiru Yusuf Ibrahim

Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.

Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.

Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.

Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.

A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.

Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.