Connect with us

KANUN LABARAI

Dokar sabunta kudaden haya a Kasuwar Sabo Gari karya kasuwancin Kano ne- Alin Bagadaza

Published

on

Mukhhtar Yahya Usman

‘Yan kasuwar Muhammad Abubakar Rimi da ke (Sabon Gari) sun nemi majalisar dokokin jihar Kano da tayi duba na tsanaki kan dokar sabunta kudaden shagunansu da aka kai gabanata.

Kano Focus ta ruwaito ‘yan kasuwar  sunyi wannan roko ne ya yin da suka kai ziyara majalisar dokokin ranar Talata.

Da yake jawabi a madadin ‘yan kasuwar, shugaban kungiyar Alhaji Alin Bagadaza ya ce dabbaka dokar dai-dai yake da kassara kasuwanci da ‘yan kasuwar.

Idan za a iya tunawa dai a bayane gwamnatin jihar Kano ta aike da wata doka zauren majalisar dokokin jihar Kano da ta nemi ‘yan kasuwar da su sake biyan kudaden shagunan su akan naira miliyan daya.

Tun bayan da gobara ta tashi a kasuwar, aka yi asarar dukiya mai dimbin yawa da kuma shaguna.

Hakan ta sanya ‘yan kasuwar suka gyara shagunan nasu da kudaden aljihunsu, sai dai gwamnati ta nemi da su biya naira miliya daya kan kowanne shago bayan sun gyara.

Ko al’umma a Kano za su rungumi sabon tsarin zabe ta internet

Zanga-zanga: Al’ummar Igbo sun nemi afuwar jama’ar Kano

EFCC ta cafke tsohon shugaban kasuwar Kofar Wambai a harabar kotu

Sai dai Alin Bagadaza ya ce hakika dabbaka wannan doka za ta kawo koma baya a harkokin ‘yan kasuwa da dama.

Ya kuma bayyana rashin gamsuwarsa akan jagorancin shugaban kasuwar Alh. Uba Zubairu Yakasai.

Ya ce zuwansa a matsayin shugaba a kasuwar ya haifar da lalacewar harkokin kasuwancinsu.

Da yake nasa jawabin shugaban majalisar  Abdul’azeez Garba Gafasa ya ce majalisar za ta tuntubi dukkanin wadanda dokar ta shafa domin tabbatar da ganin an yiwa kowanne bangare adalci.

Gafasa ya ce  majalisar za ta yi duk wani kokari da zai samar da zaman lafiya da bunkasa harkokin ‘yan kasuwar.

Ya kuma nuna gamsuwarsa bisa nuna halin da’a da bin matakin da ya dace wajen shigar da koken na su.

Ya kuma  ba su tabbacin cewa majalisar za ta yi kokarin ganin  dokar ta zama masalaha ga ‘yan kasuwar kafin su amince da ita.

Click to comment

Leave a Reply

Your email address will not be published. Required fields are marked *

Hausa

Ruwan sama na barazanar raba hanyar Dawakin kudu zuwa Tsakuwa

Published

on

Nasiru Yusuf Ibrahim

 

Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.

Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.

Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.

Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.

A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.

Continue Reading

Hausa

Wani Attajiri ya ba da kyautar makabarta a garin Tsakuwa

Published

on

Nasiru Yusuf Ibrahim

 

Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.

Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.

Ya ce attajirin ya danka amanar makabartar ne karkashin kulawar Tsakuwa Mu Farka.

Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.

Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.

“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.

“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”

Continue Reading

Hausa

Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote

Published

on

Nasiru Yusuf Ibrahim

Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.

Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .

Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.

“Duk abinda ya shafi yan Najeriya ya shafemu”, inji Sanarwar.

Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun  da basu samu damar biya ba a baya.”

Kamfanin na Dangote na sarrafa siminti da takin zamani da kuma tatar man fetur. A  bangaren kayan abinci kuma, Kamfanin na sarrafa sikari,  gishiri da kayan dandanon girki ne kadai.

“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen  ciyar da al’umma.” Dangote.

 

Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.

“Kamfaninmu ya kasance me bin dokokin kasa a koda yaushe tare da  neman sauki ga al’umma da fatan alheri.”

Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada  rade-radi da jita-jita.

Continue Reading

Upcoming Events

There are no upcoming events at this time.

Facebook

Twitter

Trending