KANUN LABARAI
Barayin waya sun kashe matashi dan shekara 22 a unguwar Yakasai
- Mukhtar Yahya Usman
Barayin waya sun kashe wani matashi a unguwar Yakasai da ke karamar hukumar Birni mai suna Abdussalam Muhammad da ake wa lakabi da Amiri, ta hanyar caka masa wuka a cikinsa.
Kano Focus ta ruwaito barayin sun kashe Amir mai shekar 22 da tsakar daren jiya Alhamis.
A cewar Mahaifiyarsa Bilkisu Alhassan Nuhu Yakasai, barayin sun shiga gidan ne da misalin karefe uku zuwa hudu na dare.
Ta ce barayin sun balla Kofar dakin da Amir ke kwana ne da dan uwansa, inda basu nemi wani bayani ba suka caka masa wuka a tsakanin cikinsa da mararsa.
Ta kara da cewa, kafin su caka masa wukar sun kwashe wayoyin ta da na ragowar ‘ya ‘yanta, sannan suka ta fi dakin nasa suka yi masa aika-aika.
Bilkisu ta ce bayan sun soke shi ne kuma suka gudu, inda ta dauke shi a babur ta tafi da shi asibitin Murtala a cikin daren.
A cewar ta bayan sun je asibitin ne kuma rai yayi halinsa.
Zanga-zanga ta barke bayan da aka zargi jami’an ‘yan sanda da kisan matashi a Kano
Uwa da ‘ya’yanta biyu sun kashe matashi a Kano
Ina rokon kotu ta ratayeni- dan garkuwa a Kano
“Ya ta ce ta tashe ni cikin dare ta ce min Umma barayi, sai nace mata to kiyi shiru.
“Sai na tashi wata gwaggona na ce mata ga abinda ya ke faruwa a gidan, da ga nan na leko kasa na kuma ga abinda ke faruwa da dana.
“Bayan da na yi ihu da salati ne kuma makwabcina ya fito, sai suka gudu suka bi ta lokin Gyanawa suka bace”a cewarta.
Rundunar yan sandan jihar Kano ta tabbatar da faruwar al’amarin.
Jami’in hulda da jama’a na rundur Abdullahi Haruna Kiyawa ya ce tuni aka kama guda daga cikin wadanda suka yi aika-aikar.
Kiyawa mai mukamin mataimakin sufurtandan ‘yan sanda, ya ce anyi nisa da bincike, za kuma a tabbatar an bi hakkin ran da suka salwantar.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Gov Yusuf Arrives Syprus, Vows to Secure Certificates of Stranded Kano Graduates
NUC accreditation teams visit BUK, assess 9 programme
Farin Dutse Community honours winner of Jigawa State 2024 Qur’anic competition
Digital Payments Surge in Kano Amid Cash Crunch
K-SAFE holds 2024 review meeting, develops 5 year strategic plan
Kano Focus reporter bags West Africa DPI Fellowship
Ulama Forum faults Tax Reform Bills, backs northern governors
Dangote Refinery: Finally, a Solution Nigeria Can’t Import!
Rep member Tijjani advocates for homeschooling to address educational challenges
