Connect with us

KANUN LABARAI

Dalilai biyar da ke sa mata mantawa da Allah lokacin biki

Published

on

Zulaiha Danjuma

Galibin mata na shiga wani yanayi na mantawa da ibada lokacin shagulgulan biki, da har ta kan kai su mance da yin salla tsahon wuni guda.

Wani bincike da jaridar Kano Focus ta gudanar ta gano yadda galibin matan ke kin yin sallar saboda dalilan kwalliya, da yanayin hidimar bikin.

Sauran dalilan su ne yanayin kayan da matan ke sawa masu kama da tsirara, sai kuma hayaniyar wurin biki, da kuma uwa uba rashin son kada abu ya wuce su ba a yi da su ba.

Kwalliya (make-up) 

Wata matashiya Hauwa Ibrahim da jaridar Kano Focus ta zanta da ita, ta ce kwalliya ita ce abu na farko da galibin ‘yan matan ke sanyawa su kauracewa yin salla.

“Make-up yana cinkin abun da ke hana mata yin sallah a wurin biki saboda in akayi kwalliya ba a so a wanke ta” A cewar ta.

Nusaiba Magaji ita kuma cewa ta yi mata da yawa sun gwammace sallar ta wuce su da dai su wanke kwalliyar da ke fuskarsu.

“Make-up ne ke hana yawancin mata yin Sallah lokacin biki, wasu matan tun karfe 4 suke zuwa a yi masu kwalliya duk da cewa bikin ma sai 7 ko takwas za a fara.

“Ba zai yiwu ka bata irin wanna kudin da kuma lokacin ka ba, kuma a ce ka wanke lokaci kankani, kawai ya fi sauki mutum ya hade sallar ba ki daya kawai.” A cewar ta

Hidimar Biki

Ita kuwa wata budurwa mai suna Amira Sani ta ce wani lokaci kai

ne ke dukan zafi musamman ma idan al’amuran bikin suka yi yawa.

“Wasu mata zirga-zirgar da suke yi dan tabbatar da komai ya tafi yadda ya kamata ne ke sanya su mantawa da sallah

“Ko da ya ke hakan ba dalili bane, amma za ki ga wasu basa samun zama ne, saboda kujiba-kujiba” A cewar ta.

Matsewar kayan biki

Haka zalika wasu matan sun alakanta kaucewa yin ibadar da irin kayan da matan ke sawa da ko kadan ba za su basu damar yin sallar ba.

Amira Sani ta ce wani sa’in irin kayan da matan ke sanyawa basa kallon gabas ko kadan.

“Wasu matan hannun rigunansu ba dogo ba ne, ko kuma kayan ya matse, da ba zai yi sallah ba”.

“Wani lokacin kuma hannun kayan dogo ne amma ya matse ba zai bari a iya wanke hannu ba in za’ayi alwala.

“Ida za yi sallah dole sai dai a cire rigar baki daya, kuma samun wurin cirewar shima garari ne.” ta ce.

Hayaniyar wurin

Haka zalika dalili na gaba shi ne rashin samun wurin da babu kade-kade a lokacin bikin, shima na daya daga cikin abun da ke hana mata sallah.

Hauwa Sani wata budurwa ce a nan Kano da itama ta bayyana nata dalilan.

“Wata cewa za ta yi gurin sallah ne babu saboda cikin hall din ba wurin da za ta iya rakabewa tayi ba tare da hayaniya ba”

Haka zalika Farida Abubakar ta ce samun wuri mai nutsuwa abune mai wahala da biki, amma hakan bai zamewa mata hujjar kin yin sallah ba.

“In kin dauki Sallah da muhimmanci za ki samu yadda za ki yi duk hayaniyar wurin, duk da dai nasan yawanci wuraren biki babu wurin sallah” A cewar ta

Son ganin kwakwaf

Su kuma wasu matan sun ce rashin son kar a basu labarin yadda amarya ta shigo wurin biki ko yadda wani mawaki ya raira waka, kan sa su mancewa da ibada.

Hauwa Ibrahim ta ce wata in ta zo biki tanaso a ce anyi komai a kan idanuwanta, ko dan motsawa ba ta son yi dan ita a ganinta wani abu zai wuceta”

“Dan haka wata sai ta ajiye sallar dan gudun kar’ayi ba ita, sannan ta zabi hade sallolin idan ta koma gida.

Mahangar addini

Sai dai Kano Focus ta tuntubi babban malamin nan na Kano, Malam Abdallah Gadon Kaya, inda ya ce kwalliya ba laifi ba ne lokacin biki, sai dai kin yin sallah saboda kwalliya haramunne.

Ya ce mace za ta iya kwalliya idan ‘yan uwanta matane za su ganta, amma duk macen da saboda kwalliya ta kauracewa yin salla to ta saurari gamuwarta da Allah.

“Duk wacce tayi kwalliyar da ta san ba za ta yi sallah ba tana cikin fushin Allah”

“Babu babban fushi da ya fi mutun ya ki yin sallah, kuma wannan bikin Allah ba zai musa Albarka ba, kuma masu bikin ba lallaine Allah ya yi musu albarka ba, saboda an tozarta Allah, an tozarta shari’a Allah.

“Ibadar da ta fi kowacce muhimmanci an wulakantata a wannan bikin” A cewar sa.

Shawara

Malamin ya ba da shawarwari na kiyayewa da kuma samun yin sallah a yanayin biki.

“Idan makeup zai hana a yi sallah to a hakura da shi, ko ayi a wanke shi, idan lokacin sallah ya yi sai a koma ayi wani, a nuna cewa sallah ta fi make-up daraja, a wanke shi”

“In ba haka ba, ayi alwala sannan a yi kwalliyar a rike alwala, idan lokacin sallah ya yi ayi sallah ba sai an maimaita alwala ba” A cewarsa.

Click to comment

Leave a Reply

Your email address will not be published. Required fields are marked *

Hausa

Ruwan sama na barazanar raba hanyar Dawakin kudu zuwa Tsakuwa

Published

on

Nasiru Yusuf Ibrahim

 

Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.

Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.

Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.

Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.

A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.

Continue Reading

Hausa

Wani Attajiri ya ba da kyautar makabarta a garin Tsakuwa

Published

on

Nasiru Yusuf Ibrahim

 

Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.

Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.

Ya ce attajirin ya danka amanar makabartar ne karkashin kulawar Tsakuwa Mu Farka.

Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.

Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.

“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.

“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”

Continue Reading

Hausa

Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote

Published

on

Nasiru Yusuf Ibrahim

Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.

Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .

Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.

“Duk abinda ya shafi yan Najeriya ya shafemu”, inji Sanarwar.

Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun  da basu samu damar biya ba a baya.”

Kamfanin na Dangote na sarrafa siminti da takin zamani da kuma tatar man fetur. A  bangaren kayan abinci kuma, Kamfanin na sarrafa sikari,  gishiri da kayan dandanon girki ne kadai.

“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen  ciyar da al’umma.” Dangote.

 

Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.

“Kamfaninmu ya kasance me bin dokokin kasa a koda yaushe tare da  neman sauki ga al’umma da fatan alheri.”

Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada  rade-radi da jita-jita.

Continue Reading

Upcoming Events

There are no upcoming events at this time.

Facebook

Twitter

Trending