KANUN LABARAI
Kasuwar kwanar Gafan ta zama matattarar sharri a Kano-‘Al’ummar yankin
Aminu Abdullahi
Al’ummar garin Kwanar Dangora dake karamar hukumar Garin Malam sunkoka bisa yadda kasuwar Kwanar Gafan ta zama maboya ga masu aikata miyagun laifuka.
Kano Focus ta ruwaito cewa sakataren kwamitin ‘yan sintiri na garin Kwanar Dan Gora Sani Sama’ila ne ya yi wannan koke ya yin ganawar sa da manema labarai a ranar Litinin.
Ya ce duk kan kokarin da sukeyi yana tashi a banza duba da yadda matsalar tasaro ke cigaba da ta’azzara a yankin sakamkon kasuwar ta Kwanar Gafan.
Ya kuma ce akwai bukatar jami’an ‘yan sanda da sauran hukumomin tsaro su sanya Ido akan kasuwar, duba da yadda take neman zama mafaka ta bata gari.
“Tun da aka maida ita kullum take ci sabanin yadda take ci sau daya a shekara abubuwa suka tabarbare.
“Idan ba za a tashe ta gaba daya ba to a dauki matakan da suka dace,” a cewar sa.
Ya kara da cewa babu wasu kayan gwari da ake siyarwa a yanzu illa kasuwar ta koma gidajen karuwai da suka kama dakuna a ciki.
Sai dai a nasa bangaren sarkin kasuwar Yahya Duguja ya musanta zargin inda yace kasuwar bata da matsala ta fuskar haifar da rashin tsaro.
Ya kara da cewa suna sanya idanu ga dukkan masu shige da fice a kasuwar, kuma matukar suka kama karamar yarinya ko karamin yaro, la shakka za su kamashi su kuma mikawa jami’an tsaro.
Ya kuma ce jami’an tsaro suna baiwa kasuwar tsaro yadda yakamata.
Ya ce duk kan matan da ake gani a kasuwar kasuwanci ne yake kawo su don kuwa da yawansu sana’ar saida abinci suke yi.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
CHAN Qualifiers: Eguavoen invites Rabiu Ali, 2 other Pillars players for Ghana clash
KanSLAM gets new government co-chair, Isa Haladu
NCC Boss, Dr Maida Joins IIC Board of Directors
Kano’s Education State of Emergency: The Successes, The Challenges
Jami’ar Yusuf Maitama Sule ta koma Northwest University, Kano
Our PMS is cheaper than imported ones -says Dangote
MNCH: Gov Yusuf re-opens Nuhu Bamalli maternity hospital
End bad governance protest: Tinubu orders immediate release of hungry minors
Kano Focus reporter bags West Africa DPI Fellowship
