Connect with us

KANUN LABARAI

Bikin Kirsimeti: Bai halarta musulmi ya taya kirista murna ba-Sheik Baban Gwale

Published

on

Zulaiha Danjuma

Fitaccen malamin addinin Islamar nan da ke Kano sheik Abubakar Abdussalam Baban Gwale ya ce bai halarta musulmi na kwarai ya taya kirista murnar bikin kirsimeti ba.

Sheikh Abdussalam na yin wannan bayaninne ya yin zantawarsa da jaridar Kano Focus ranar Alhamis a wani bangare na bikin kirsimeti da ke gudana a yau Juma’a.

Shehin Malamin ya ce ko da yake duk wani abu da bashi da alaka da addini kai tsaye, kamar taya murnar aure, ko haihuwa, samun karin girma wanna ba laifi idan ka taya kirsta murna.

Amma ya ce dukkanin wani al’amiri da ya hada da addini da zai bayu izuwa girmama wancan addinin a kan musulunici to ba halak ba ne ga musulmi.

A cewarsa nuna farincikinka ga addinin kiristanci ya ci karo da koyarwar addinin islama, tunda dai addinin Islam aka ce ka yi riko da shi kai.

“Ba zaman fada ake ba, ana zaman mutunci ne, tayashi farin ciki indan ya samu wani abu na farin ciki kamar aure, promotion, ko haihuwa ba laifi bane.

Amma abun dayashafi krisimeti bai  halalta a taya shi murna ba ko kadan.

“Idan  shi ya taya ka murna a sallar ka, azuminka da laiyyarka, da hajjinka, toh shi wata kila a addinin sa ba a hana haka ba.

“Mu a addininmu cikin suratul Ma’idah, aya ta farko, Allah ya ce kada ku kuskura kuyi musayar amfani, ka amfana a amfanar maka, ka taimaka a taimaka maka akan abun da yake sabone ko kuma zalinci ne.

“Illa iyaka abun da musulmi zai iya yiwa abokinsa wanda ba musulmi ba shi ne, in sun dawo kace musu sannu da zuwa, sannu da dawo wa, kun dawo madallah shikenan.

“Amma abun taya murna na kirsimeti, da zaka fadi abinda suke fada na cewa suna murnan kirsimeti bai halatta ga musulmi ba” A cewarsa.

Ko cin abincin kirsimeti ya halarta

Shehin malamin ya ci gaba da cewa ba laifi ba ne cin abincin kirsimeti sai dai akwai sharruda kafin a kai baka.

Ya ce sharadin shi ne dukkanin naman da aka yanka dan meman kusanci lokacin kirsimeti to wannan bai halarta a ci ba.

Amma idan aka dafa abinci aka cudanya da mana wannan ba matsala ba ne, tunda dai ba naman da aka yanka dan neman kusanci a ka baiwa mutumba.

“Idan an kawo kyautar wani abu na ci ya halatta ka karba, kamar yadda mafi yawan malamai hamshakai, wadanda ke da zurfin ilimi suka bada bayani a cikin littatafan su.

“Abun shi ne naman da aka yanka dan neman kusanci wannan bai halatta mutun ya ci ba.

“Amma  abinda  ya halatta mutun ya ci shi ne abinci, misali abinci da nama, dama duk abunda aka hadashi da abinci wannan ba zai zama da matsala ba, tunda ba za a ce ka ci nama ba, abinci kaci kuma a ala’dance akan ci abinci hade da nama”

“Bisa al’adarmu a musulunce ai idan akayi yanka kuma akan farfasa naman ko a dafashi ko a soyashi sannan ayi kyautar sa.

“To suma  zai iya zama haka a al’adar su, tunda akan samu hakan wani lokaci, wasu al’umma addininsu yana haduwa da al’ada sai kaga yadda abokanan zamansu musulmi ke yi suma haka suke yi.

“Ayi yanka a babbaka washegari a sassara sannan a soya a rabar irin wannan shi ne baza ka ci ba”

Ko musulmi zai iya yankawa kirsta dabba?

Malamin yaci gaba da cewa yin hakan ya danganta da dalili yankan da kuma niyar yin yankan.

Ya ce matukar yanka dabbar ka iya bayuwa izuwa ibada da neman kusanci ga Yesu al-masihu to ko kusa wannan yanka bai halartaba.

Ya ce amma yanka ba na ibadaba, kamar a ce kirista ya zo da kaza ko wani rago a yanka don a ci ba neman kusanci ba to wannan babu laifi.

“Idan dai ba yanka ne na ibadah ba, musulmi za iya tallafawa, kamar a ce  anyi dan a ci abinci dashi, misali sunzo  da kaji ko rago dan su dafa suyi abinci wannan ba laifi za ka iya taimakawa tunda suna yin haka”

“Amma idan yankane na ibadah kamar yadda mu layya yanka ne na ibadah, suma kuma suna da yankan ibadah, to idan yanka ne na ibadah ko na neman kusanci zuwa ga Yesu al-masihu to bai halatta ka shiga cikin wannan abun ba” A cewar sa.

Click to comment

Leave a Reply

Your email address will not be published. Required fields are marked *

Hausa

Majiyyata sun koka kan yajin aikin likitoci a Asibitin Malam Aminu Kano

Published

on

AKTH

Aminu Abdullahi

Yajin aikin likitoci masu neman kwarewa a asibitin koyarwa na Malam Aminu Kano ya jefa marasa lafiya cikin mawuyacin hali.

A zagayen da Kano Focus tayi ta gano yadda yajin aikin likitoci masu neman kwarewa ya gurgunta harkokin kula da lafiyar majiyyata a asibitin.

Wani majinyaci mai suna Abba Shehu ya ce mafi yawansu ‘yan’uwansu ne ke kulawa da su.

Ya kara da wasu kuwa an salleme su zuwa gida sakamakon karancin wadanda za su kula da su.

Ya kara da cewa a ya yin da aka shiga kwana na uku ana yajin aikin ya gaza samun allurar da yakamata a yi masa.

“Typhoid ke damuna, a da ina samun kulawa sosai, sa6anin yanzu. Iya magunguna kawai na sha, amma ba bu wanda zai yi min allura,” a cewarsa.

Maryam Yusuf cewa ta yi, ta fara rashin lafiya ne daga ciwon kai wanda har takai ga ta kwanta.

Ta kara da cewa tazo ganin likita, amma cikin rashin sa’a aka ce bai zo ba, duk da cewa ciwon yana damunta.

A nasa bangaren, shugaban kungiyar likitoci masu neman kwarewa reshen asibitin koyarwa na Malam Aminu Kano Mujahid Muhammad Hassan, ya ce ba za su koma bakin aiki ba har sai an biya musu bukatunsu.

Ya ce kaso saba’in da biyar na likitocin asibitin suna cikin kungiyar, kuma sune suke gudanar da yajin aikin.

Ya kara da cewa gwamnatin tarayya ta gaza biya musu bukatarsu ta kara kudaden ‘hazard allowance’ da suka yi ‘yarjejeniya a shekarar da ta gabata.

“Kudin da ake baiwa ma’aikatan lafiya na ‘hazard allowance’ bai wuce dubu biyar ba a wata.

“A kwai likitocin da ake cewa ‘house officers’ ba a biya su albashinsu na watanni uku ba, shima muna bukatar a biyasu dukkan hakkokinsu kafin mu janye yajin aiki,” a cewar sa.

Ya kuma ce dole ne a biya su ‘allowance’ kaso hamsin cikin dari na cikakken albashin kowane ma’aikaci.

Ya ce “Dole ne a biya mu bashin ‘allowance’ na yaki da annobar COVID-19 a manyan asibitocin jihohi.”

Continue Reading

Hausa

Rashin kasuwa ya sa ma su sayar da zo6o komawa sana’ar kunu

Published

on

Aminu Abdullahi

Kasuwar zobo da kunun aya da lemo da kuma lamurje na neman 6acewa a jihar Kano biyo bayan hana sayar da kayan hadin lemukan da gwamnatin jihar tayi.

Kano Focus ta ruwaito yadda wasu ma su sana’ar zo6o suka koka bisa yadda a yanzu sana’ar ke neman rugujewa sakamakon rashin masu siye.

Talatu Hassan ta ce ada tana yin cinikin zobo na naira dubu uku a kowace rana saidai a yanzu dakyar take sayar da na Naira dari biyar sakamakon rashin ma su siye.

Ta kara da cewa kayan hadin suna da matukar tsada kuma ba ko ina ake samun su ba sakamakon haramta sayar da su da akayi.

” Idan munje kasuwar ma a boye ake siyar mana da su wani lokacin ma haka muke dawowa ba tare da mun siyo ba.

” Jarina ya karye kowa yana jin tsoron siya don kada ya kamu da wata annoba a zahirin gaskiya muna cikin wani hali,” a cewar ta.

Aisha Lawan ta ce tana saidai zo6o da lemo da kunun aya na Naira dubu hudu kafin bullar annobar da ake zargin sinadaren hadawa ne suka haddasata.

Saidai ta ce a yanzu tana sayar da iya zo6o ne kawai ba kuma tare da ta sanya masa sinadaren da ta saba sawa a baya ba.

“Yanzu ba a siyar dasu sai ansha wahala ake samu ina yin zo6o na dari uku ko biyar ne a kullum shima da siga kawai nake hadashi.

“Gaskiya a yanzu yafi tsada tunda ba bu kayan hadi dake saka shi zaki, kawai iya dafaffen Zobo ne da sikari,” inji ta.

Ta kuma ce kamata yayi gwamnati ta samar da doka mai tsauri da za a hukunta duk wanda aka kama yana saida sinadaren da suka lalace maimakon haramta siyarwa gaba daya.

” Kaga yanzu azumi na zuwa kuma mun fi yin ciniki da azumi fiye da yadda muke yi a baya, don ni na yanke shawarar fara tuyar awara tunda yanzu ba bu kasuwar zo6o,” a cewar ta.

Rukayya Abdullahi ta ce yanzu ta koma sana’ar sayar da awara da Kunu saboda daina siyan zobo da aka yi.

“Tun daga lokacin da aka ce annobar nan ta bulla kuma a sanadiyyar kayan hadin zobo, nake tafka a sara.

” Dole ce ta sanya na koma sana’ar saida kunun tsamiya da awara domin idan na zauna ba bu mai ba ni,” inji ta.

” ya”ya na uku kuma mahaifinsu ya rasu shekaru biyar da suka gabata,” a cewar Rukayya.

A na su bangaren wasu mutane sun bayyana fargabar da suke da ita na shan Zobo.

Saifullahi Usman ya ce duk da cewa mahukunta na alakanta annobar data faru da shan zobo wanda aka hada da sinadaren da suka lalace amma har yanzu yana siya ya sha.

Ya ce a yadda ake zafi a gari yana bukatar abinda zai sanyaya masa makoshi mai zaki kuma bashi da halin da zai sayi lemo dan kamfani wanda hakan tasa yake cigaba da siyan dan hadi,” a cewar sa.

” Ni ba zan iya kashe fiye da naira dari ba don kawai nasha lemon roba na kamfani na gwammace nasha zobo na Naira hamsin na hada da abincin dari da hamsin.

Kullum sai na siya amma dai yawan sa bai kai na da, da nake siya ba,” inji shi.

Zainab Jibril ta ce daga lokacin da annobar ta bulla zuwa yanzu bata kara shan wani abu da tasan ana hadawa da sinadarin ba.

Ta ce wani lokacin ma takan gwammacewa ta hada da kanta maimakon siyan na waje.

“ina fata a shawo kan wannan matsala kafin azumi, don al’umma za su shiga cikin wani hali matukar aka tafi a haka,” inji ta.

Continue Reading

Hausa

Darakta Ashiru Nagoma ya samu lafiya

Published

on

Mukhtar Yahya Usman

Fitaccen darktan shirya fina-finan Hausa Ashiru Nagoma ya fito daga Asibiti bayan da likitoci suka tabbatar da samun lafiyarsa.

Kano Focus ta ruwaito an sallamo shi daga asibitin ne da yammacin yau Alhamis.

Idan za a iya tunawa dai tun a ranar 14 ga watan Janairu ne ‘yan uwansa da kuma kungiyar Fauziyya D Sulaiman suka kai shi asibiti, bayan anyi zarigin yana da tabun hankali.

Rahotannin sunyi nuni dacewa Nagoma ya shafe kimanin shekaru goma yana dauke da cutar tabin hankali.

Ko da yake al’umma da dama na ganin ba cutar tabin hankali ke damunsaba illa ta damuwa, ciki kuwa har da ‘yan uwansa.

Haka zalika makwanni shida ke nan kungiyar jin kai ta Fauziyya D Sulaiman da hadin gwiwar ‘yan uwansa suka garzaya dashi asibiti domin duba lafiyarsa.

Acewar dan uwa ga darktan Kabiru Abubakar Yusuf, Ashiru Nagoma ya samu lafiya sumul har ma an sallamoshi daga asibiti.

Kabiru Abubakar ya kuma mika godiyarsa ga dukkanin wadanda suka tallafa wajen samun lafiyar tasa, musamman Fauziyya D Sulaiman da kuma rukunnan Abokanansa Baki daya.

Haka zalika ya ce suna godewa duk wanda ya tallafa musu da addua wajen ganin dan uwan na su ya samu lafiya.

Continue Reading

Trending