Jami’ar Bayero na yunkurin kwace mana gidaje da filaye-Alummar Rimin Zakara

Published

4 years ago

January 14, 2021

Zulaiha Danjuma

Mazaunan Garin Rimin zakara dake karamar hukumar Ungogo a nan Kano sun gudanar da zanga-zangar lumana biyo bayan zargin Jami’ar Bayero da yunkurin kwace musu gidaje da filaye.

Kano Focus ta ruwaito al’ummar garin sun mamaye kantiti a jiya Laraba suna rera wakoki da daga kwalaye domin adawa da shirin jami’ar na tashin su daga muhallansu.

A cewar jama’ar yankin sun shata layi da jami’ar ta Bayero kuma za su yi watsi da dukkanin wata sanarwa da suke fitarwa.

A cewar jagoran masu zanga-zangar Habu mika’ilu ya ce al’ummar yankin na da ikon bin hakkinsu da zarar sunga za a cucesu.

“Duk dan adam yana da yanci idan antabashi ya yi korafi a kai.

“Amma ina kira ga Jami’ar Bayero da hukumar Jami’ar cewan duk abun da za suyi su dinga duban abin da zai faru gobe ba yau ba,

‘Ya kamata jami’ar ta zauna da mua smai masalaha kan wannan al’amari.

Da take mayar da martani kan batun jami’ar Bayero ta ce masu zanga-zangar na da hurumin yin abinsu amma ba za ta dainatunatarda su cewa ba wurinsu bane.

Dakartan yada labaran jami’ar Ahmad Shehu ya ce dukkanin wadanda suka mallaki fili a unguwar zakara da kewaye to su tabbatar basu da komai.

Jami’ar Yusuf Maitama Sule ta koma Northwest University, Kano

Published

2 months ago

November 29, 2024

Kano Focus

Nasiru Yusuf Ibrahim

Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.

KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.

Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.

“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.

“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.

“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.

“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”

Hausa

Zan ɗora ƙaramar hukumar Nassarawa kan manufofin jagoran Kwankwasiyya – Ogan Ɓoye

Published

3 months ago

October 23, 2024

Kano Focus

Nasiru Yusuf Ibrahim

Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.

Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.

Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.

Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.

A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.

Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.