Connect with us

KANUN LABARAI

‘Yan Film basu tallafawa Ashiru Nagoma ba-Abokanansa

Published

on

Mukhtar Yahya Usman

Shekaru 10 kenan da fitaccen daraktan shirya fina-finan Hausa Ashiru Nagoma ya kamu da cutar tabin hankali, amma abokan aikinsa na film ko kadan basu wai-wayeshi ba.

A wata zantawa ta musamman da jaridar Kano Focus ta yi da ‘yan uwa da abokan Nagoman, sunce ko kadan babu wani daga cikin ‘yan film da ya yi yunkurin tallafa masa tun bayan da ya kamu da cutar.

Kabiru Abubakar Yusuf Abokine na kud-da-kud ga daraktan ya ce Nagoma ya kwashe shekaru da dama yana fama da cutar.

Yace tun mahaifan daraktan na raye suke ta dawainiya da shi wajen ganin al’amuransa sun dai-daita.

Sai dai dukkaninsu sunbar duniya da burin ganin Nagoman ya samu lafiya kamar kowa.

Kabiru ya ce tun bayan mutuwar iyayensane kuma ‘yan’uwa da abokan arzki suka rungumi lamarinsa.

“Muna ta kokari wajen ganin mun samo kansa amma dai babu wani dan filim da ya zo koda wasa ya ce yana son taimaka mana.

Shima wani Aboki ga daraktan  Habibu Ibrahim Umar ya ce sun sha fama da abokin nasu kuma suna kan sha har yazu.

Ya ce amma batun wasu daga cikin yan film sun tallafa masa abune da ba zai iya tunawa da shi ba, duk da cewa ba abinda ya ke boyuwa a gareshi na marar lafiyar.

Yace hana karya guda daga cikin yam fima Adam A Zango ya taba cewar zai tallafa masa, shima bayan da suka nuna bukatar ya taimaka.

“Tun muna yara muke tare da Nagoma, har kawo yanzu muna tare da shi.

“Muna tare ya shiga film, kuma muna tare dukkanin matsalar ta sameshi, kuma har yanzu muna tare tunda namune.

“Naji ana ta cewa yan film sun tallafa masa, ni dai a iya sani na ba wani dan film da ya tallafa masa, hasalima tunda ya samu matsalar suka watse.

Shima Umar Muhammad da baccine ke rabasu da daraktan ya ce ya kalubalanci duk wani dan film da ya ce ya tallafawa Nagoman.

A cewarsa sun sha tura neman tallafinsu ga abokana sana’artasa, amma suna bada musu kasa a ido.

Kokarin jin tabakin masu madafan iko a kungiyar yan fim ta jihar Kano MOPPAN ya ci tura, biyo bayan dukkanin wayoyin su da aka buga basu dauka ba.

Click to comment

Leave a Reply

Your email address will not be published. Required fields are marked *

Hausa

Jami’ar Yusuf Maitama Sule ta koma Northwest University, Kano

Published

on

Nasiru Yusuf Ibrahim

 

Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.

 

KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.

 

Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.

 

“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.

 

“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.

 

“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.

 

“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”

 

 

Continue Reading

Hausa

Zan ɗora ƙaramar hukumar Nassarawa kan manufofin jagoran Kwankwasiyya – Ogan Ɓoye

Published

on

Nasiru Yusuf Ibrahim

 

Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.

Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.

Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.

Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.

A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.

Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.

Continue Reading

Hausa

Ruwan sama na barazanar raba hanyar Dawakin kudu zuwa Tsakuwa

Published

on

Nasiru Yusuf Ibrahim

 

Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.

Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.

Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.

Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.

A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.

Continue Reading

Upcoming Events

There are no upcoming events at this time.

Facebook

Twitter

Trending