KANUN LABARAI
An kama mai sayarwa mutane fankon waya a kasuwar farm center
Zulaiha Danjuma
Hukumar kasuwar sayarda wayoyi ta Farm Center ta kama wani matashi mai suna Auwalu Adam da ke damfarar jama’a ta hanyar sayar musu da fankon wayoyi.
Kano Focus ta ruwaito cewa an kama matashinne a jiya Litinin a lokacin da yake tsaka da aikata sana’ar tasa.
A cewar sakataran kasuwar Salisu Ya’u Baba wannan al’amri da matashi ya aikata abun ayi alla wadai da shi ne kuma ba ya daya daga cikin mambobin kasuwar.
Ya ce mambobinsu na kwarai basa jefa kansu cikin irin wannan al’amari na damafarar al’umma.
“Duk wanda ya ke mambanmune za ka sameshi akan tebur ko shagunansu.
“Kuma yanzu duk wakili idan ya sayar maka da waya sai ya baka kwali da rasiti, saboda tsabtace harkar.
Shima wanda ake zargin, Auwalu Adamu ya ce an damfareshi ne, yasa ya kudiri aniyar ramawa.
Shi yasa nima na kama sana’ar sayarwa da jama’a matattun wayoyi domin na rama abin da aka yi min.
Tuni dai aka mika shi hannun jami’an tsaro domin fadada bincike kan korafin.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Gov. Yusuf Praises NUJ’s New Digital Frontier, Celebrates Dangambo’s Innaguration
Kano judicial commission suspends 2 court registrars, warns 2 judges
Dangambo Leads as NUJ Inaugurates Kano Online Media Chapel
NDLEA Intercepts over 2 million pills of tramadol in Kano
Kano Pilgrims board to Begin Airlift to Saudi Arabia May 13
AGILE partners ICEADA in promoting girls education in 6 Kano LGAs
ACF inaugurates security committee in Kano
IGP Orders Kano Police to Investigate Emir Sanusi, Withdraws Invitation from Force HQ
Sallah Reunion: How Malam Salihu dan Abu Huraira’s Family celebrated Eid-el-Fitr
