Connect with us

KANUN LABARAI

‘Yan bindiga sun harbe magidanci har lahira a Kiru

Published

on

Aminu Abdullahi

Wasu ‘yan bindiga da ba a kai ga sanin ko su waye ba sun harbe wani magidanci mai suna Abdullahi Yunusa har lahira a garin kwanar Dangora dake karamar hukumar Kiru a jihar Kano.

Kano Focus ta ruwaito cewa maharan da ake zargi sun kutsa kai cikin gidan mutumin da karfe goma sha daya na daren ranar Lahadi inda suka harbeshi da bindiga da hakan yayi sanadiyar mutuwar sa.

A cewar matar marigayin, lokacin da maharan sukaje sun kwankwasa kofar gidan ne, bayan da suka ki budewane suka haura gidan.

A cewarta suna haurowane kuma ba wata-wata suka bude masa wuta ba tare da sun bukaci komai ba.

Ta ce lokacin da suka haura gidan saida mai gidan nata ya tambaye su ko akwai abinda suke bukata amma sai suka ce rayuwar sa kawai suke so.

Sai dai bayan suk kasheshi ne suka  tattare  wayoyinsa da na matan sa suka gudu.

Ta kara da cewa a iya saninta bai samu sabani da kowaba, ko a lokacin da maharan sukaje ba a iya gane kowa a cikin su ba kasancewa da daddare al’amarin ya faru.

A nata bangaren ‘yar uwar mamacin zuwaira Gambo Na’ibawa ta ce dan uwan nata sana’ar noma da kiwo da kuma sana’ar achaba ya keyi.

Ta bukaci jami’an ‘yan sanda dasu bi musu hakkinsu na kashe mata dan uwa da akayi.

Koda muka tuntubi runudunar ‘yan sanda ta jihar Kano mai magana da yawunta Abdullahi Haruna Kiyawa ya ce zai tuntube mu.

Sai dai kawo loakacin hada wannan rahoto bamu samu munji daga gareshi ba.

Amma dai za mu ci gaba da bibiya domin jin matakim da jami’an yan sandan za su dauka.

Idan za a iya tunawa a makon daya gabata saida aka samu rahoton wasu da ba a san ko suwa ye ba suka bindige wani mutum mai suna Ibrahim Shuaibu a kauyen Diraman dake karamar hukumar ta kiru.

Click to comment

Leave a Reply

Your email address will not be published.

Hausa

An kirkiro maganin kayyade iyali na maza

Published

on

Nasiru Yusuf

Tun daga shekarun 1960, lokacin da kwayoyin kayyade iyali na mata suka shiga kasuwa, masana kimiyya suke ta fadi-tashin ganin sun samar da wasu kwayoyin magani da maza za su rika sha domin hana daukar ciki.

Wata tawagar masana kimiyya ta sanar da sarrafa kwayar magani ta kayyade iyali da maza za su rika sha.

Masanan daga jami’ar Minnesota ta Amirka sun ce gwajin kwayar maganin hana daukar ciki na maza ya nuna gagarumin tasiri na kashi 99 cikin 100 ga namijin bera.

A cikin sanarwar da masu binciken suka fitar a ranar Laraba sun ce zuwa karshen wannan shekarar ta 2022 suke sa ran fara gwajin kwayar maganin ga dan Adam. Matakin da masu fafutukar daidaita jinsi suka jima suna maraba da shi.

Continue Reading

Hausa

Pantami ya ziyarci iyayen Hanifa Abubakar

Published

on

Nasiru Yusuf

Ministan Sadarwa Farfesa Isa Ali Pantami ya kai ziyarar ta’aziyya gidan su Hanifa Abubakar, yarinya ‘yar shekara biyar waddaa aka kama shugaban makarantarsu da laifin yi mata kisan gilla.

KANO FOCUS ta ruwaito cewa Pantami ya yi ta’aziyya ga mahaifin yarinya, Malam Abubakar, inda daga bisani mahaifin yarinyar ya jagoranci Minista shiga  cikin gida don yi wa mahaifiyar Hanifa da yan’uwanta ta’aziyya da nasihohi.

Malam Pantami ya yi nasiha ga iyayen Hanifa akan wajibcin hakuri lokacin jarrabawa mai tsanani irin wannan.

Farfesa Pantami, ya roki Allah Ya sanya marigayiya Hanifa Abubakar ta zama mai ceto a lahira ga iyayenta, ya kuma bawa iyayen hakuri akan wannan babban rashi da ya faru sanadiyar wasu azzalumai da suka nuna rashin imani.

Iyayen marigayiya Hanifa Abubakar sun godewa Malam da adduar fatan alheri akan nasihohi da addu’o’i da ya gabatar.

Continue Reading

Hausa

Abun da yakamata a sani game da ‘Tofa Cup’

Published

on

Jamilu Uba Adamu

Jamilu Uba Adamu 

Tarihi abune mai muhimmancin gaske, musamman na abun da yashafi wasanni.

Amma mu anan Nahiyar ta Afrika, musamman a arewacin Najeriya ba a dauki tarihi da muhimmanci ba.

Shi tarihi na wasanni, yakan taimakawa ma su sha’awar sa sanin abun da ya faru a baya, dama wadanda suka ba da gudummawa, har aka kawo yanzu don kara shirin yadda za a tunkari gaba.

Don haka ne, a wannan dan shafin wasanni zan  kawo tarihin gasar cin kofin Kwallon k’afa na Tofa. Wanda ake bugawa a Jihar Kano.

Wannan gasar cin kofi mai tarihi, wanda yanzu haka shine kofi mafi daraja a rukunin kofuna da ake bugawa a duk gasannin kofuna da hukumar Kwallon kafa ta kano take sakawa.

Itadai wannan gasar Kofi mai dinbin tarihi a harkar wasan kwallon k’afa a wannan Jiha ta Kano ta samu asali ne a tun shekarar 1979, a lokacin ana kiranta Danwawu Cup.

Alhaji Dan wawu (Ya taba rike matsayin mai kula da harkar wasanni na Arewa, a zamanin firamiyan Jihar Arewa na farko Ahmadu Bello Sardaunan Sokoto). A wancan zamanin shi ne wanda yake daukar nauyin gasar, wacce aka fara da Kulub guda Takwas ( 8 ), wanda suka hada da; Zumunta dake Unguwar Fagge da Super Star (Goro Dutse) da Sanka Vipers (Unguwar Sanka) da Kofar Mata da Kofar Wanbai da Yakasai Rovers da Y.B.C Kano da Golden Star da kuma Gwagwarwa Yaks.

Sune kulubluka na farko da suka fara bugawa a shekarar da aka fara wannan gasa mai tarihi.

A shekarar 1985  gasar ta koma Tofa Cup, bisa daukar nauyin gasar da Alhaji Isyaku Umar Tofa ( Makaman Bichi ) ya yi, bayan rasuwar Margayi Alhaji Danwawu Fagge.

Daga baya a shekarar 1999, aka canzawa gasar tsari da kuma fasali, inda ta koma TOFA Firimiya Lig.

Wannan gasar kofi mai tarihi ta taimaka kwarai da gaske wajen bawa matasan yan kwallon kafa, damar gogewa da kwarewa har zuwa babban mataki na k’asa.

Yanzu haka a wannan shekara da muke ciki ta Dubu biyu da Ashirin da daya, akwai kulubluka sama da ashirin da biyar dake fafatawa a wannan gasa mai tarihi a kwallon kafa a jihar Kano.

Jamilu Uba Adamu,

Mai sharhin kwallon k’afa ne.

jameelubaadamu@yahoo.com

Continue Reading

Trending