Connect with us

KANUN LABARAI

Yadda rikicin Abduljabbar ya jawowa Ganduje farin jini a Kano

Published

on

Mukhtar Yahya Usman

Farin jinin gwamna Kano Abdullahi Umar Ganduje na ci gaba da habaka a jihar Kano tun bayan da ya dauki matakin dakatar da Abduljabbar Nasiru Kabara daga yin wa’azi.

Binciken da Kano Focus ta yi ta gano yadda gwamnan ke ta shan yabo daga mutanen da a baya suka nuna a zahiri basu kaunarsa saboda dalilan siyasa.

Galibin matasan sun wallafa kalamai na nuna jinjina da yabo ga gwamnan a shafukansu na sada zumunta wato Facebook, twitter da saurasu

Haka Zalika irin manyan mutane masu fada aji da kuma malamai da a zahiri ake ganin basa tare da gwamnan sun fito karara sun nuna jin dadinsu da goyon bayansu kan matakin na gwamna.

Sarkin Sunusi II

Tsohon Sarkin Kano Malam Muhammadu Sunusi II wanda ake ganin ba a ga miciji tsakanin sa da gwamnan Ganduje na daga cikin wanda ya fito karara ya yabawa gwamnan.

Sunusi ya ce gwamnan Kano Abdullahi Ganduji ya yi matukar koakri kan matakin da ya dauka, kuma ya cancanci  yaba masa.

Ya kuma yi wannan yabo ne lokacin da yake gabatar da karatun da ya sabayi duk mako ta kafar ZOOM mai taken ‘Muhammadu Sunusi weekly lecture’

Ya kuma yabawa malaman Kano da suka hade kansu wuri guda suka kalubalanci Abduljabbar.

Sheik Amiunu Ibrahim Daurawa

Sheikh Aminu Ibrahim Daurawa na daga cikin malaman Kano da suka goyi bayan gwanan dari bisa dari kan matakin da ya dauka akan Abduljabbar Kabara.

Haka kuma ana ganin kamar akwai taukun saka tsakanin gwanan da malam Daurawa, amma hakan ba ta hana malamin ya yaba kokarin nasa ba.

Wannan dai ya nuna irin namijin kokarin da gwmnan ya yi wajen ajiye siyasa ya kuma yi abinda ya kamata, a cewar jama’a da dama.

Sheikh Karibullah Kabara

Sheikh Karibullah sheik Nasiru Kabara na daga cikin malaman Kano da suka fito fili karara suka nuna goyon bayan su ga matakin da gwamnan ya dauka kan dan uwanasa.

Malamin ya fito fili inda ya nuna takaicinsa kan irin abinda Abduljabbar aka ce yana yi.

Ya kuma yi fadan malaman da za su zauna da shi su samu galaba akan dan uwan nasa.

Haka zalika jama’a da dama ne suka hau shafukasu na internet suka kuma yabi Gandujen kan irin kokarin da suka ce ya yi.

Galibin irin wadannan mutane basa ga miciji da gwamnan saboda dalilin siyasa.

Abu-fatima Abdulwahidi ya rubuta a shafinsa na facebook cewar “abinda zai sanya Dan Kwankwasiyya ya yabawa Ganduje Wallahi kai kasan wannan yakin ya wuce aikin duk wani dan adam.

Ka isa kaja da wadanda suka yi yaki tare da taimakon mala’iku.

Abba Aminu shima ya wallafa a shafinsa na facebook cewar.

“Mai girma gwamna Ganduje bai taba burgeni ba irin yau,Allah ya saka da alkhairi khadimul islam’

Allah ya kara mana son Annabi da sahabban sa da alayensa.

Musa G Usman Damaturu, ya ce “Ganduje mun yafe maka saboda aikin kirkin da kayi”

“Dole mu yabawa Ganduje kan aikin alheri da yayi na ruguza wannan dan tamoren Abduljabbar

“Ah Gaskiya Ganduje ka kyauta kuma muna maka fatan alheri dafatan samun cikakken shiriya daga Allah.

Click to comment

Leave a Reply

Your email address will not be published. Required fields are marked *

Hausa

Malaman Tijjaniyya na Kano sun kai wa Khalifa Muhammad Sanusi ll mubaya’a

Published

on

Nasiru Yusuf

Majalisar Shura ta Dariqar Tijjaniyya ta Jihar Kano ta kai wa Maimartaba Sarkin Kano na 14 Malam Muhammadu Sanusi II mubaya’a bisa nadin da aka yi masa na babban Khalifan Shehu Ibrahim Inyass a Nigeria.

KANO FOCUS ta ruwaito cewa Malaman sun yi wa Malam Muhammadu Sanusi ll mubaya’ar ne ranar Asabar karkashin jagorancin Sheikh Abdullahi Awaisu Limanci.

Malaman da suka kai ziyarar mubaya’ar sun hada da Khalifa Tuhami Shehu Atiku da Shehi Shehu Maihula da Imam Muhammad Nura Arzai da kuma Sheikh Dayyabu Dan Almajiri.

Sauran sun hada da Khalifa Hassan Sani Kafinga da Khalifa Bashir Musa Kalla da Khalifa Fatihi Uba Safiyanu da Khalifa Kamilu Yalo da Sheikh Tijjani Maisalati Indabawa da kuma Sheikh Kabiru Zango.

Tawagar kuma ta kunshi zuriyar Shehu Ibrahim Inyas mazauna Kano karkashin jagorancin Sayyada Rahama Ibrahim Inyas.

Continue Reading

Hausa

Majiyyata sun koka kan yajin aikin likitoci a Asibitin Malam Aminu Kano

Published

on

AKTH

Aminu Abdullahi

Yajin aikin likitoci masu neman kwarewa a asibitin koyarwa na Malam Aminu Kano ya jefa marasa lafiya cikin mawuyacin hali.

A zagayen da Kano Focus tayi ta gano yadda yajin aikin likitoci masu neman kwarewa ya gurgunta harkokin kula da lafiyar majiyyata a asibitin.

Wani majinyaci mai suna Abba Shehu ya ce mafi yawansu ‘yan’uwansu ne ke kulawa da su.

Ya kara da wasu kuwa an salleme su zuwa gida sakamakon karancin wadanda za su kula da su.

Ya kara da cewa a ya yin da aka shiga kwana na uku ana yajin aikin ya gaza samun allurar da yakamata a yi masa.

“Typhoid ke damuna, a da ina samun kulawa sosai, sa6anin yanzu. Iya magunguna kawai na sha, amma ba bu wanda zai yi min allura,” a cewarsa.

Maryam Yusuf cewa ta yi, ta fara rashin lafiya ne daga ciwon kai wanda har takai ga ta kwanta.

Ta kara da cewa tazo ganin likita, amma cikin rashin sa’a aka ce bai zo ba, duk da cewa ciwon yana damunta.

A nasa bangaren, shugaban kungiyar likitoci masu neman kwarewa reshen asibitin koyarwa na Malam Aminu Kano Mujahid Muhammad Hassan, ya ce ba za su koma bakin aiki ba har sai an biya musu bukatunsu.

Ya ce kaso saba’in da biyar na likitocin asibitin suna cikin kungiyar, kuma sune suke gudanar da yajin aikin.

Ya kara da cewa gwamnatin tarayya ta gaza biya musu bukatarsu ta kara kudaden ‘hazard allowance’ da suka yi ‘yarjejeniya a shekarar da ta gabata.

“Kudin da ake baiwa ma’aikatan lafiya na ‘hazard allowance’ bai wuce dubu biyar ba a wata.

“A kwai likitocin da ake cewa ‘house officers’ ba a biya su albashinsu na watanni uku ba, shima muna bukatar a biyasu dukkan hakkokinsu kafin mu janye yajin aiki,” a cewar sa.

Ya kuma ce dole ne a biya su ‘allowance’ kaso hamsin cikin dari na cikakken albashin kowane ma’aikaci.

Ya ce “Dole ne a biya mu bashin ‘allowance’ na yaki da annobar COVID-19 a manyan asibitocin jihohi.”

Continue Reading

Hausa

Rashin kasuwa ya sa ma su sayar da zo6o komawa sana’ar kunu

Published

on

Aminu Abdullahi

Kasuwar zobo da kunun aya da lemo da kuma lamurje na neman 6acewa a jihar Kano biyo bayan hana sayar da kayan hadin lemukan da gwamnatin jihar tayi.

Kano Focus ta ruwaito yadda wasu ma su sana’ar zo6o suka koka bisa yadda a yanzu sana’ar ke neman rugujewa sakamakon rashin masu siye.

Talatu Hassan ta ce ada tana yin cinikin zobo na naira dubu uku a kowace rana saidai a yanzu dakyar take sayar da na Naira dari biyar sakamakon rashin ma su siye.

Ta kara da cewa kayan hadin suna da matukar tsada kuma ba ko ina ake samun su ba sakamakon haramta sayar da su da akayi.

” Idan munje kasuwar ma a boye ake siyar mana da su wani lokacin ma haka muke dawowa ba tare da mun siyo ba.

” Jarina ya karye kowa yana jin tsoron siya don kada ya kamu da wata annoba a zahirin gaskiya muna cikin wani hali,” a cewar ta.

Aisha Lawan ta ce tana saidai zo6o da lemo da kunun aya na Naira dubu hudu kafin bullar annobar da ake zargin sinadaren hadawa ne suka haddasata.

Saidai ta ce a yanzu tana sayar da iya zo6o ne kawai ba kuma tare da ta sanya masa sinadaren da ta saba sawa a baya ba.

“Yanzu ba a siyar dasu sai ansha wahala ake samu ina yin zo6o na dari uku ko biyar ne a kullum shima da siga kawai nake hadashi.

“Gaskiya a yanzu yafi tsada tunda ba bu kayan hadi dake saka shi zaki, kawai iya dafaffen Zobo ne da sikari,” inji ta.

Ta kuma ce kamata yayi gwamnati ta samar da doka mai tsauri da za a hukunta duk wanda aka kama yana saida sinadaren da suka lalace maimakon haramta siyarwa gaba daya.

” Kaga yanzu azumi na zuwa kuma mun fi yin ciniki da azumi fiye da yadda muke yi a baya, don ni na yanke shawarar fara tuyar awara tunda yanzu ba bu kasuwar zo6o,” a cewar ta.

Rukayya Abdullahi ta ce yanzu ta koma sana’ar sayar da awara da Kunu saboda daina siyan zobo da aka yi.

“Tun daga lokacin da aka ce annobar nan ta bulla kuma a sanadiyyar kayan hadin zobo, nake tafka a sara.

” Dole ce ta sanya na koma sana’ar saida kunun tsamiya da awara domin idan na zauna ba bu mai ba ni,” inji ta.

” ya”ya na uku kuma mahaifinsu ya rasu shekaru biyar da suka gabata,” a cewar Rukayya.

A na su bangaren wasu mutane sun bayyana fargabar da suke da ita na shan Zobo.

Saifullahi Usman ya ce duk da cewa mahukunta na alakanta annobar data faru da shan zobo wanda aka hada da sinadaren da suka lalace amma har yanzu yana siya ya sha.

Ya ce a yadda ake zafi a gari yana bukatar abinda zai sanyaya masa makoshi mai zaki kuma bashi da halin da zai sayi lemo dan kamfani wanda hakan tasa yake cigaba da siyan dan hadi,” a cewar sa.

” Ni ba zan iya kashe fiye da naira dari ba don kawai nasha lemon roba na kamfani na gwammace nasha zobo na Naira hamsin na hada da abincin dari da hamsin.

Kullum sai na siya amma dai yawan sa bai kai na da, da nake siya ba,” inji shi.

Zainab Jibril ta ce daga lokacin da annobar ta bulla zuwa yanzu bata kara shan wani abu da tasan ana hadawa da sinadarin ba.

Ta ce wani lokacin ma takan gwammacewa ta hada da kanta maimakon siyan na waje.

“ina fata a shawo kan wannan matsala kafin azumi, don al’umma za su shiga cikin wani hali matukar aka tafi a haka,” inji ta.

Continue Reading

Trending