Matashi ya kashe kansa ta hanyar cakawa kansa kwalaba a Kano

Published

4 years ago

February 16, 2021

Aminu Abdullahi

Wani matashi Mustapha Muhammad da ke zaune a unguwar musukwani a karamar hukumar Birni ya kashe kansa ta hanyar caccakawa kansa kwalaba.

Kano Focus ta ruwaito cewa matashin ya hallaka kansa a ranar Litinin bayan da ya kutsa kai cikin gidan makotansu inda ya kulle kansa a daki.

Matar gidan da tanemi a sakaye sunanta ta ce suna zaune sai mamacin ya shiga gidan da gudu, ya kulle kansa a daki tare da fasa gilasan windo dake dakin.

Ta ce bayan da aka balle kofar dakinne sai aka ga duk ya yanki jikin sa tare da yanke makarfafar sa.

Ta kara da cewa a iya sanin su mamacin bashi da wata alama dake nuna cewa yana da aljanu.

Mai unguwar ta Musukwani Danladi Ibrahim ya ce bayan da aka sanar masu da al’amarinne suka garzaya gidan tare da al’umma inda aka balle kofar dakin da yake ciki.

Ya ce kafin mutuwar sa mamacin yana cewa magauta ne.

Ya kara da cewa kafin mutuwar sa lafiya kalau yake don idan zai wuce ana gaisawa dashi.

Sai dai duk kokarin da mukayi don jin tabakin rundunar ‘yan sanda abin yaci tura, bayan da wayar maimagana da yawun rundunar Abdullahi Haruna Kiyawa taki tafiya.

Jami’ar Yusuf Maitama Sule ta koma Northwest University, Kano

Published

2 months ago

November 29, 2024

Kano Focus

Nasiru Yusuf Ibrahim

Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.

KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.

Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.

“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.

“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.

“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.

“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”

Hausa

Zan ɗora ƙaramar hukumar Nassarawa kan manufofin jagoran Kwankwasiyya – Ogan Ɓoye

Published

3 months ago

October 23, 2024

Kano Focus

Nasiru Yusuf Ibrahim

Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.

Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.

Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.

Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.

A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.

Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.