Yajin aikin ‘yan sahu: Kurkura ta maye gurbin adai-daita a Kano

Published

4 years ago

February 22, 2021

Mukhtar Yahya Usman

Yajin aikin masu Adai-daita sahu a jihar Kano ya tilastawa mutane da yawa hawa akori kura domin fita wuraren ayyukansu na yau da kullum.

A zagayen da Kano Focus ta gudanar ta gano yadda mutane ke rigegeniya wajen ‘dane bayan a kori kura a wurare da dama ko kuma su rasa abin hawa.

Manyan hanyoyin da aka gano masu hawa akori kurar na rububi sun hadar da sabon titin zuwa Madobi, da kuma titin Panshekara zuwa Kofar Fanfo.

Haka zalika an gano wasu akan titin Kofar Ruwa zuwa filin jirgin sama zuwa kasuwar Sabon Gari.

Sai kuma titin Sabon titi Mandawari zuwa Kantin Kwari da ma wasu tituna daban a jihar Kano.

Abubakar Tamburawan Gabas dalibine da ya haw kan kurkurar zuwa makaranta, ya ce saida yayi tafiyar mai nisa kafin ya samu akori kurar da za ta bi hanyar sabuwar jami’ar Bayero.

“Wannan al’amari sai dai muce innalillahi, tun karfe takwas saura na fito daga gida, amma na yi ta fiya mai nisa har na rasa yanda zanyi kafin na samu wannan akori kurar.

“Kalle ni gaye ne ni amma ji yadda nayi kura kuma jarrabawa zan shiga.

“Kuma kalli yadda ‘yan mata da dama tare da su muka hau wannan yar kurkurar, abin dai sai addua.

Aminu Muhammad ya ce wurin da ya saba zuwa a naira 100 sai da ya biya mai kurkura N300.

“Wannan abun bai kamata ba, ya za ce rana tsaka an dakatar da su, gashi ma kurkurar da muka hau sun nunnuka kudaden da ya kamata a biya.

“Gaskiya a duba wannan lamari a samar da gyara, domin kuwa ba ayi mana adalci ba.

Jami’ar Yusuf Maitama Sule ta koma Northwest University, Kano

Published

2 weeks ago

November 29, 2024

Kano Focus

Nasiru Yusuf Ibrahim

Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.

KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.

Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.

“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.

“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.

“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.

“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”

Hausa

Zan ɗora ƙaramar hukumar Nassarawa kan manufofin jagoran Kwankwasiyya – Ogan Ɓoye

Published

2 months ago

October 23, 2024

Kano Focus

Nasiru Yusuf Ibrahim

Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.

Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.

Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.

Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.

A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.

Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.