KANUN LABARAI
Majalisar dokokin Kano za ta binciki kamfanin KEDCO
Aminu Abdullahi
Majalisar dokokin jihar Kano ta kafa kwamiti da zai binciki korafe-korafen al’umma kan zargin da akeyiwa kamfanin rarraba wutar lantarki (KEDCO) na gaza biyan bukatun al’ummar jihar.
Haka zalika majalisar ta baiwa mambobin kwamitin wa’adin makonni biyu don mika rahoton su ga majalisar.
Kano Focus ta ruwaito cewa majalisar karkashin jagorancin shugaban ta Hamisu Ibrahim Chidari ta amince da kafa kwamitin ne a ranar Laraba.
Dan majalisa mai wakiltar karamar hukumar Ungogo Aminu Sa’ad Ungogo ne ya gabatar da kudurin gaggawa gaban zauren majalisar.
Ya ce abin takaici ne yadda kamfanin na KEDCO ke gudanar da ayyukansa musamman wajen yin halin ko in kula ga jama’a ta fuskar samar da hasken wutar lantarki a jihar nan.
Ya kuma ce kamfanin yana yin wasarerai da koke-koken jama’a wajen gyara musu kayayyakin da su ke bayar da hasken wutar lantarki.
Shima mataimakin shugaban majalisar kuma dan majalisa mai wakiltar karamar hukumar Sumaila Zubairu Hamza masu ya gabatar da kudirin gyaran hanya data tashi daga garin Gani ta shiga ta Sitti zuwa Massu ta ratsa ta Garin Gomo zuwa Garin Dabar Baga.
Sai kuma gyaran hanyar da ta tashi daga garin Kanawa ta shiga ta Rimi zuwa Magami dukkan su a karamar hukumar Sumaila da ke jihar Kano wanda majalisar ta amince da aikin gyara su.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
World Teachers’ Day 2024: NUT Honors Gov.Yusuf for Outstanding Performance in Education Reform
FG, Tinubu and Daily Trust’s faux pas on Samoa Agreement
LG polls: Kano APC urges court to stop INEC from releasing voter register
Gov. Yusuf Flag Off Distribution of Instructional Materials to Public Schools
Nurses, midwives threaten strike in Kano, gives govt 15-day ultimatum
Fagge, Mai Bushira, Naniya now professors as BUK Promotes 90 Senior Academics
Kano State Politics Set for a Major Shift as Kwankwaso and Ganduje’s Influence Wanes: What’s Next for the Power Dynamics in 2027?
Why Presidency need not search farther for a new Spokesman!
Kano State Reforms: Sa’adatu Rimi University Reverts to College of Education Status
