KANUN LABARAI
Mun sasanta ‘yan Sahu ne saboda abin ya shafi ma’aikata-Kungiyar kwadago
Aminu Abdullahi
Kungiyar kwadago ta ce ta shiga tsakanin direbobin Adai-daita Sahu da hukumar KAROTA ne duba da halin garari da al’umma suka shiga musamman ‘yan makaranta da marasa lafiya da sauran ma’aikata da basu da abin hawa.
Kano Focus ta ruwaito cewa shugaban kungiyar a jihar Kano Kwamared Kabiru Ado Minjibir ne ya bayyana haka ranar Laraba a nan Kano
Kabiru Ado Munjibir ya ce duk da cewa ‘yan Sahu basa cikin kungiyar kwadago a dokance amma doka ta basu dammar yin magana akan abubuwan da suka shafi al’umma baki daya.
Ya ce sunyi wa kungiyoyin direbobin adaidaita-sahu alkawarin cewa za su yi aiki tare da sauran kungiyoyin alumma wajen basu shawarwari ta bangaren shugabanci.
“Idan za a iya tunawa a baya, idan kungiyoyin kwadago za su yi zanga-zanga ‘yan Achaba ne a gaba suke ja.
Ba yanzu muka fara wannan alakarba, kawai dai an dan ja da baya ne amma yanzu zamu daukaka ta.
“Mun fahimci cewa akwai matsala a shugabancin yan adai-daita sahu a Kano.
Kungiyar kwadago ta gargadi gwamnatin Kano kan sake yankewa ma’aikata albashi
Yanzun nan: Kungiyar ‘yan sahu ta umarci mambobinta su janye yajin aiki
Yanzu-yanzu: An sulhunta tsakanin jami’an KAROTA da ‘yan Adai-daita Sahu
Da akwai kungiyoyi kusan guda takwas, ta yadda idan suna aiki a kan titi shugabannin basa iya gane hakkikanin ‘yan kungiyar su,” a cewar sa.
Ya kara da cewa za su zauna da shugabannin don fito da wata alama ko kati wanda da zarar angani za a san daga wace kungiya dan Adai-daita-sahu yake.
Ya kuma ce idan har akwai direbobin da suke ganin wani abu ya shige musu duhu, to su garzaya ofishin kungiyar Kwadago za su bincika domin warware matsalar.
A nasa bangaren wani direban Adai-daita Sahu Mustapha Halliru ya zargi hukumar KAROTA da takura musu fiye da sauran masu ababen hawa.
Ya kuma roki hukumar da ta sassauta musu.
Haka zalika ya ce duk da cewa ba duk aka taru aka zama daya ba, amma akwai batagari a cikin direbobin Adai-daita Sahu da ya kamata su gyara dabi’unsu.
Yana mai cewa bai kamata wasu direbobin su dinga barin tarbiyar da suka samu daga gida ba da zarar sun hau kan titi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
KSCHMA coverage increased by 37% in 15 months – E.S
EU partners UNICEF to enhance school safety, quality education in Kano
Chartered Institute of Stockbrokers to Leverage Financial Expertise for Economic Growth
Dangote says Nigeria Can Become a Refining Hub
Bridge Connect Africa launches Women Against Violence project
Kano State Reforms: Sa’adatu Rimi University Reverts to College of Education Status
My turbulent experience with Air Peace flight P47425: A Night of delays and chaos
Kano College of Health Sciences gets new Provost
Asiwaju Tinubu: The demystifier of entrenched lazy rants and entitlements
