KANUN LABARAI
‘Yan Sahu don Allah ku yafemin kausasan kalamaina-Bappa Babba
Aminu Abdullahi
Shugaban Hukumar KAROTA Bappa Babba Dan’agundi ya nemi afuwar direbobin Adai-daita Sahu bisa kausasan kalaman da yayi musu a baya.
Kano Focus ta ruwaito cewa Dan’agundi ya nemi afuwarne ranar Laraba ta cikin shirin Barka da Hantsi na Freedom radio.
Ya ce yana rokon su dan Allah dan Annabi da suyi hakuri don kuwa yayi kalaman ne cikin fushi don nuna karfin da hukuma take dashi bawai don ya tsani direbobin ba.
Ya kara da cewa daga lokacin da ya zama shugaban hukumar KAROTA bisa adalcin sa ya biyawa direbobin Adai-daita Sahu tara ba adadi.
Ya kuma ce yana rokon ‘yan sahu da suje su sabunta takardun su don tantance su tare da biyan haraji bisa sabon tsarin da aka fito dashi.
“Ina rokon ku ‘yan sahu don Allah kuje ku sabunta takardun ku sau daya tak, daga wannan ba za a sake yi ba sai dai idan wani abunne ya taso nan gaba,” a cewar sa.
Ya ce akwai laifukan da idan akayi su tararsu tana da yawa amma ya roki mai shari’ar dake hukumar KAROTA da kada aci tarar da ta wuce naira dubu biyar.
Dan’agundi ya ce a yanzu a jihar Kano masu motoci na gida basa karya dokokin tuki sai direbobin adaidaita sahu da masu babura sune ke karya doka.
Ya ce suma ana kamasu ne bisa tsayawa ba bisa ka’ida ba amma a yanzu sun fara samar da alamomi da za su nuna cewar ba a tsayawa a wani guri.
“Gwamnati ba a yin rigima da ita kamata ya yi subi ta masala.
“Da a hankali suka bimu zamu fito musu da tsare tsare wadanda za su amfana dasu.
“Ba hukumar KAROTA ce take karbar harajin nan ba hukumar karbar haraji ta jihar Kano ce ke karba mu kawai (enforcement) muke yi.
Ya ce hukumar KAROTA batada ikon kama kowa bisa laifin kin biyan haraji saida ta tursasawa wajen ganin anbi dokar.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Kano bags National Council on Education award
KSCHMA coverage increased by 37% in 15 months – E.S
EU partners UNICEF to enhance school safety, quality education in Kano
Chartered Institute of Stockbrokers to Leverage Financial Expertise for Economic Growth
Dangote says Nigeria Can Become a Refining Hub
Kano State Reforms: Sa’adatu Rimi University Reverts to College of Education Status
My turbulent experience with Air Peace flight P47425: A Night of delays and chaos
Kano College of Health Sciences gets new Provost
Asiwaju Tinubu: The demystifier of entrenched lazy rants and entitlements
