KANUN LABARAI
Dakatar da kai abinci yankin kudu nasarace ga Arewa-Danmaje
Mukhtar Yahya Usman
Shugaban kungiyar masu kishin arewacin kasar nan(Arewa Concern Citizen Development ) Alhaji Rufa’I Mukhtar Dan Maje ya ce daukar matakin da kungiyar masu fatauncin abinci ta yi na dakatar da kai abinci kudancin kasar nan ya yi kyau matuka.
Kano Focus ta ruwaito Dan Maje ya bayyana hakan ne ya yin da yake zantawa da manema Labarai ranar Litinin a nan Kano.
Ya ce lokaci ya yi da al’ummar Arewacin kasar nan za su farka su su kuma san darajar kansu, su kuma kare martaba da kima na yankinsu.
Ya kara da cewar ikirarin da al’ummar kudu ke yi na cewa dan Arewa ba zai rayu a yankinsu ba ya saba dokar kasa amma hukumomi basu dauki matakin komai ba.
Duk gidan man da aka samu na boye mai da gan-gan za a hukuntashi-Muhyi Magaji
Yajin aikin malaman jami’o’i baraza ne ga ilimi a arewacin kasar nan-Danmaje
Martani ga al’ummar Yarabawa, da batun karfafa hadin kan kasa
Acewar Dan Maje al’ummar Arewa ta kare mutuncin mutanen kudu da ke zaune a yankinta, amma su sun gaza yiwa dan Arewa hakan a nasu yankin.
A don hakan ne ya yi kira ga hukuma da sauran masu ruwa da tsaki da su gaggauta biyan diyyar wadanda aka kashe a yankin na kudu ba gaira ba dalili.
Idan za iya tunawa dai tun a watan Fabrairun da ya gabata ne rikici ya barke tsakanin Hausawa da al’ummar yarabawa a kasuwar sayar da kayan gwari ta sasha da ke garin Badin a jihar Oyo.
Lamarin da ya rikide zuwa tashin hankali har ya yi sanadiyyar mutuwar mutane sama da 40 da galibin su Hausawa ne.
Sai dai jim kadan bayan faruwar al’amarin ne aka jiyo shugaban hadaddiyar kungiyar masu fataucin kayan abinci da dabbo ta kasa dakta Muhammad Tahiri na ayyana shiga yajin aikin kungiyar.
Muhammad Tahir ya ce ba za su janye yajin aikin ba har sai gwamnati ta biya su diyyar wadanda aka kashe musu.
Ya kuma ce ba za su dawo aiki ba har sai dan Arewa ya san kansa kuma gwamnati ta fahinci mutunci jama’ar Arewa.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Education Renaissance: Governor Yusuf to Boost Learning and Safety in Kano’s Public Schools
Kano bags National Council on Education award
KSCHMA coverage increased by 37% in 15 months – E.S
EU partners UNICEF to enhance school safety, quality education in Kano
Chartered Institute of Stockbrokers to Leverage Financial Expertise for Economic Growth
Kano State Reforms: Sa’adatu Rimi University Reverts to College of Education Status
My turbulent experience with Air Peace flight P47425: A Night of delays and chaos
Kano College of Health Sciences gets new Provost
Asiwaju Tinubu: The demystifier of entrenched lazy rants and entitlements
