Connect with us

Hausa

Neman suna yasa Ummi Zee Zee ta yi ikirarin kashe kanta

Published

on

Aminu Abdullahi

Al’umma na cigaba da nuna shakku kan kalaman tsohuwar jarumar Kannywood Ummi Ibrahim  Zee Zee na cewar damfarar da akayi mata ne yasa taso halaka kanta.

Inda da dama ke ganin jarumar ta furta kalaman ne kawai domin neman suna, tunda dai tauraruwarta ta disashe.

Kano Focus ta ruwaito cewa Zee Zee ‘yar asalin jihar Barno yar shekara 32 ta ta ce taso kashe kanta ne bayan da wani inyamuri ya damfareta  Naira miliyan 450.

A wata hira da akayi da jarumar ta ce ta wallafa batun  za ta kashe kantane sakamakon damfarar da wani Inyamuri yayi mata akan kasuwancin danyan man fetur.

Sai dai wasu mutane na ganin jarumar tayi hakane kawai don neman suna duba da yadda tauraruwarta ta disashe.

“Abin Tambaya, a baya wanne irin kasuwanci sukayi da mutumin kuma kasuwanci na wadannan makudan kudade ba lauya a ciki,” a cewar Alhassan Auwal.

Ya kara da cewa ga duk mai tunani bai kamata ya yarda da dalilan tsohuwar jarumarba domin kuwa tsagwaron karya ce a cikin sa.

“Kasuwanci na irin wadannan kudade, shin ya ya sunan kamfaninta da tayiwa rijista, kuma shi abokin kasuwancin nata bashi da kamfani mai rigista ya kamata a kallo jawabin ta da Idon basira.

“Ta fadi hakanne kawai don ta motsa tauraruwarta, duba da yadda aka manta da ita kaga ko banza yanzu jaridu sun cika da labarin ta,” inji shi.

Ahmad Umar cewa ya yi idan har gaskiyane batun da Zee Zee tayi to bai kamata taki sanarwa da jami’an tsaro halin da ake ciki ba.

“Wacce ta ce za ta kashe kanta kuma ta ce kada a tambayeta dalili amma kuma take maganar komawa hakar fim.

“Lokacin ta ya wuce duk irin abinda zatayi da zai jawo cece-kuce ba zai sa ‘yan kallo su karkata zuwa gare ta ba.

Zahra ‘u Umar ta ce ba abin mamaki bane dangane da dalilan da ta bayyana, kasancewar da yawan mutane kanyi amfani da hanyoyi daban-daban domin neman daukaka.

Matsalar tsaro: ‘Yan wasan Hausa a Kano na caccakar shugaba Buhari

Hausa fim: Yaron da yazo Kano daga Adamawa don ganin Ado Gwanja

Yanzu-yanzu: Kungiyar musu shirya-fina-finan Hausa a Kano ta kori Rahama Sadau

Ta kara da cewa koda an damfari jarumar to kudin bai kai adadin yadda ta fadaba, domin kuwa babu wanda zai yi irin wannan kasuwancin ba tare da shaida ko lauyoyi ba.

“A jawabinta ta kasa fadan sunan mutumin ko sunan da yake amfani dashi a kafafen sada zumunta duk da ta ce yayi blocking din ta.

“Sanan ta ce bata sanarwa ‘yan sanda halin da ake ciki ba shin haramtaccen kasuwanci sukeyi kenan,” a cewar ta.

Zahra’u ta ce akwai bukatar jarumar ta sake fito da wata hanyar ta neman suna, amma ba wannanba, wadda ko karamin yaro ne yaji yasan ba gaskiya bane,” a cewar ta.

Click to comment

Leave a Reply

Your email address will not be published. Required fields are marked *

Hausa

An fake da taimako, ana yaɗa da’awar luwaɗi da maɗigo a jihar Kano!

Published

on

 

 

Misbahu Hamza

 

Zuwa Ga Gwamnatin Jihar Kano, Masarautar Kano, Hukumar Hisba, Da Ƙungiyar Mallaman Jihar Kano

Assalamu Alaikum,

Da sunan ƴancin ɗan Adam; da sunan nema wa ƴaƴanmu mata ƴanci da sana’a mai ɗorewa; da sunan taimakawa marayu, gajiyayyu da masu buƙata ta musamman, ana ta ƙoƙarin yaɗa da’awar luwaɗi da maɗigo a jihar Kano!

Ana yaɗa wannan manufa ne a bainar jama’a babu kunya ballantana ganin girmanku ko shakkarku a matsayinku na masu faɗa a ji a jihar Kano—a makarantu da unguwanni. Abin takaici ma har da ma a tsakanin ma’aikatun gwamnati (masu ɗamara)!

Ƙungiyar da ta ke ta wannan mummunan aiki a jiharmu ita ce “Women Initiative for Sustainable Empowerment and Equality.” Suna kiran kansu “WISE” a taƙaice kuma a bayanin da muka gani a shafukan su, har ofishi suke da shi mai zaman kanshi a Yankaba Kawaji, Bompai GRA, Kano.

A wani bayani da muka gani a shafukan wannan ƙungiya, mun ga sun taɓa haɗa bita wa jami’an Hisba, da na KAROTA, da na NDLEA, da sauransu!

Domin tabbatar da duk waɗannan abubuwa, a duba shafinsu kawai na Facebook mai suna “Wise Wage.”

In har wannan ƙungiya ta yi ƙarfin da za ta tara waɗannan jami’ai a wuri guda da sunan yi musu bita—a kan ko ma mene ne—to muna tsoron irin tasirin da suka riga suka yi a cikin jihar mu. Jihar musulunci.

Za ku iya tunawa a makon nan me ƙarewa ne ake ta dambarwar kuɗaɗe da gwamnatin tarayya ta karɓo daga ƙasashen Turai wanda ake zargin cewa ɗaya daga cikin sharuɗɗan amfana da wannan maɗuɗun kuɗaɗe shi ne a sakarwa masu da’awar luwaɗi da maɗigo mara, irin su WISE, su fantama baɗalarsu yadda suke so.

Wannan ya jawo kace nace a ƙasarnan. Kuma mun ga yadda Mallaman jihar Kano ku ka tashi tsaye a mimbari, kamar yadda muka yi tunanin za ku yi, domin yin tofin Allah tsine da wannan yunƙuri matuƙar ya tabbata gaskiya.

Wannan dambarwar ta ƙara bayyanar mana cewa a ƙasarnan akwai doka da kai tsaye ta yi hani da duk wani yunƙuri ko yaɗa manufar luwaɗi da maɗigo. Kuma mun ƙara samun natsuwa ganin yadda Musulmi da Kirista suka haɗa kai domin barranta da wannan ɓarna.

Da wannan muke kiran Gwamnan jihar Kano, Alhaji Abba Kabir Yusuf, da Sarkin Kano, Mallam Muhammadu Sanusi II, da Shugaban Hisba ta Kano, Mallam Aminu Daurawa, da Shugabancin Kungiyar Mallaman Jihar Kano, da su tabbatar wannan ƙungiya ta WISE ta tattara ƙomatsonta ta bar mana gari kuma a haramta mata aiki a jihar ta kowace hanya da za a iya.

Al’ummar jihar Kano amana ne a wajanku! Kuma Allah zai tambaye ku amanar da ya damƙa muku ranar alkiyama!

Mu mun yi namu—isar muku da saƙon. Idan da ba ku san da wannan kungiya ba ko aiyukanta, to yanzu mun sanar da ku.

Bissalam,

Misbahu Hamza

Continue Reading

Hausa

Ruwan sama na barazanar raba hanyar Dawakin kudu zuwa Tsakuwa

Published

on

Nasiru Yusuf Ibrahim

 

Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.

Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.

Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.

Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.

A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.

Continue Reading

Hausa

Wani Attajiri ya ba da kyautar makabarta a garin Tsakuwa

Published

on

Nasiru Yusuf Ibrahim

 

Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.

Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.

Ya ce attajirin ya danka amanar makabartar ne karkashin kulawar Tsakuwa Mu Farka.

Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.

Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.

“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.

“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”

Continue Reading

Upcoming Events

There are no upcoming events at this time.

Facebook

Twitter

Trending