KANUN LABARAI
Da a gina masallatai da islamiyyu gwanda a zuba kudin a harkar film-Aminu Momo
Aminu Abdullahi
Fitaccen jarimin masana’antar Kanywood Aminu Saharif Momo ya ce Ya ce a yanayin da ake ciki yanzu da a gina masallatai da islamiyyu gwara a zuba kudaden a harkar shirya fina-finan hausa.
Kano Focus ta ruwaito Momo ya bayyana hakan ne cikin shirn ‘Barka da hantsi’ na gidan rediyo freedom da safiyar yau Laraba.
Ya ce zuba kudaden a masana’antar ta kanywood sadaka ce mai gudana da za a amfana ana duniya da gobe kiyama.
MOmo ya kuma yi kira ga mawadata da su dinka tallafawa masana’antar ta Kannywood da kudade kamar yadda suke tallafawa marayu da sauran masu bukata ta musamman.
Momo ya ce al’umma za su iya zabar irin fina-finan da suke so ayi musu da suka shafi al’ada da dabi’un malam bahaushe matukar za su dinga bada tallafin kudade ga masana’antar.
Ya kuma ce ya cancanta a rinka fitar da kudade daga cikin tsarin zakka da za a rinka shirya fina-finan hausa da sauran shirye-shirye domin jama’a su amfana.
Ya ce duk wanda ya zuba kudinsa a harkar fim tamkar yayi sadakatul jariya ne don kuwa ladan zai bishi har zuwa kabarinsa matukar za a dauka a kalla to zai samu lada a cewar sa.
Matsalar tsaro: ‘Yan wasan Hausa a Kano na caccakar shugaba Buhari
Hausa fim: Yaron da yazo Kano daga Adamawa don ganin Ado Gwanja
‘Yan wasan Hausa a Kano sun yi tofin alatsine ga shugaban Faransa
Ya kara da cewa ko a baya anyi gwamnatotcin da suka bada kudade wanda aka shirya fina-finai kanana ta karkashin hukuma don tattare fina-finan da basu da kyau.
“Yana da kyau a dawo da wannan tsarin gwamnati da al’umma su fito da wadannan kudade.
“A nemi masu shirya fina finai ai tayi ana tura su kafofin sadarwa don toshe irin wandancan marasa kyau.
“Mun ga yadda ake tura wa’azuzzukan malamai kuma wasu suna fadakarwa, to idan aka dauki wannan salon aka rinka shirya wadannan fina-finan to za su taimaka matuka,” a cewar sa.
Ya kara da cewa yakamata a dunga yiwa al’umma kyakkyawar fahimta ta yadda za a samu gyara ya ce akwai nauyi akan attajiran mu da su rinka fitar da zakkarsu ga masana’antar shirya fina finan hausa.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Nasiru Yusuf Ibrahim
Wani Attajiri Alhaji Yakubu Dan-Zainab ya ba wa mutanen garin Tsakuwa dake Karamar Hukumar Dawakin Kudu kyautar makabarta.
Shugaban kwamitin Ilimi na Kungiyar Tsakuwa Mu Farka Malam Abdullahi Yusuf Wagadi ne ya bayyana haka ranar Asabar.
Ya ce attajirin ya danka amanar makabartar ne karkashin kulawar Tsakuwa Mu Farka.
Malam Abdullahi Yusuf Wagadi ya ce Kungiyar Tsakuwa Mu Farka za ta tattauna yadda za a katange makabartar a taron da shugabannin Kungiyar za su yi nan gaba.
Kunshin sanarwar ya ce “Wannan ita ce tsohuwar Maqabartar Makau wacce dattijon arziki Alhaji Yakubu Dan-Zainab ya kuma sabunta kyautar ta ga Al’ummar Tsakuwa, karkashin kulawar Kungiyar Tsakuwa Mu Farka. Allahu SWT ya saka masa da mafificin Alkhairi tare da kai ladan gare Shi.
“Idan Allah ya kai Mu taron Shugabancin Tsakuwa Mu Farka da muke gabatarwa online wannan karon zai zo ne a wannan banban dandalin, tattaunawar Meeting din zaifi mai da hankali ne wajen laliban hanyoyin da za mu bi wajen katange wannan makabarta dama sauran makabartunmu da suke garin Tsakuwa.
“Lokaci ya yi da dole sai mun dauko wannan al’adar saboda yadda kullum kasa take kara daraja. Siyan filin makabarta ya fara zamarwa al’umma abu mai wahala birni da kauye.”
Hausa
Ba bu inda nace nafi Yan Najeriya shan wahalar Tsadar rayuwa, amma ina Fatan matsalar ta zamo tarihi -Dangote
Nasiru Yusuf Ibrahim
Shugaban rikunin kamfanonin Dangote Alhaji Aliko Dangote ya nisanta kansa da wani labari da ake yadawa a kafafen sada zumunta na zamani cewa yafi yan Najeriya shan wahalar tsadar rayuwa.
Dangote ya tabbatarwa da yan kasa cewa, wasu ne suka dauki nauyin yada labarin domin bata masa suna a daidai lokacin da Yan Najeriya ke cikin halin ‘kaka na kayi’ saboda wahalhalun da ake fama da su .
Sanarwar ta nemi Yan kasar nan da suyi watsi da labarin, inda Dangote yayi fatan kawo karshen matsalar da ake ciki a Najeriya.
“Duk abinda ya shafi yan Najeriya ya shafemu”, inji Sanarwar.
Dangote ya Kara dacewa, ”an kawo maganar faduwar darajar Naira da sayan kaya da Dala ne domin cimma wasu bukatu na kashin Kai bukatun da basu samu damar biya ba a baya.”
Kamfanin na Dangote na sarrafa siminti da takin zamani da kuma tatar man fetur. A bangaren kayan abinci kuma, Kamfanin na sarrafa sikari, gishiri da kayan dandanon girki ne kadai.
“Muma muna siyan muhimman kayan abinchi a kasuwa kamar yarda kowa ke siya don amfanin kanmu da kuma bayarwa wajen ciyar da al’umma.” Dangote.
Shugaban kamfanin yayi mamakin yadda ake neman haddasa sabani tsakanin Kamfanonin Dangote da bangaren gwamnatin tarayya, inda yace shi dan kasuwa ne ba dan siyasa ba, don haka babu inda yayi maganar kalubalantar Gwamnatin tarayya.
“Kamfaninmu ya kasance me bin dokokin kasa a koda yaushe tare da neman sauki ga al’umma da fatan alheri.”
Saboda haka, sanarwar ta nemi Yan Nigeria su guji daudar sakon da yake ba daga kamfani yake kai tsaye ba, tare da yada rade-radi da jita-jita.
Kwankwaso Criticizes Federal Government Over Rice Palliative Distribution in Kano
Dangote set to complete multimillion Naira skills centre, says Nawabuddin
Barau Jibrin Launches Postgraduate Foreign Scholarship Scheme for Kano Students
Kano State Politics Set for a Major Shift as Kwankwaso and Ganduje’s Influence Wanes: What’s Next for the Power Dynamics in 2027?
Fagge, Mai Bushira, Naniya now professors as BUK Promotes 90 Senior Academics
Tinubu appoints Prof Abdullahi Pakistan chairman of Hajj Commission
Emir of Kano, Muhammadu Sanusi II, bags PhD
BUK appoints Haruna Aliyu new Registrar
Doctors hold solidarity walk in Kano, demand release of abducted colleague
