Connect with us

Hausa

Ganduje ya karrama Ali Baba da Daurawa saboda Gudummawarsu ga Hisbah

Published

on

Aminu Abdullahi

Gwamnan Jihar Kano Dakta Abdullahi Umar Ganduje ya karrama Mai ba shi shawara kan harkokin addinai Alhaji Ali Baba A gama lafiya da Malam Aminu Daurawa da wasu malamai 28 saboda gudummawarsu wajen tallafawa ayyukan Hukumar Hisbah ta Jiha.

KANO FOCUS ta ruwaito Gwamna Ganduje na cewa malaman sun ba wa Hukumar Hisbah gagarumar gudummawa a lokacin bikin ranar Hisbah wanda aka yi ranar Alhamis a filin wasa na Sani Abacha dake Kofar Mata.

Sauran Malaman sun hada da Khalifa Qariballah Sheikh Nasiru Kabara da Sheikh Abdulwahhab Abdallah da Sheikh Umar Sani Fagge da Sheikh Shehi Shehi Maihula da Sheikh Abdullahi Pakistan da Sheikh Ibrahim Mu’azzam Maibushira da Sayyadi Bashir Sheikh Tijjani Usman Zangon Barebari.

Sheikh Umar Sani Fagge da Gwamna Abdullahi Ganduje

Akwai kuma Sheikh Abdullahi Uwaisu Madabo da Sheikh Haroun Ibni Sina da Sheikh Ali Baba Fagge da Sheikh Nasidi Gorondutse da Sheikh Aliyu Musa da Sheikh Aminu Ibrahim Daurawa da Malama Ummukulthum da Alkali Mustapha Sheikh Nasiru Kabara da Imam Mustapha Muhammad da Barrister Nabahani Usman da sauran manyan Malaman.

“Wadannan bijiman Malaman sun yi rawar gani sosai wajen tallafawa wannan Hukuma yin ayyukan ta cikin nasara da wanzuwar yanayi mai kyau a wannan jiha ta mu da kuma kasa gaba daya,” in ji Gwamnan.

Gwamna Abdullahi Ganduje

Ya bayar da misalin yadda wadannan Malamai ke yin kokari wajen samar da sulhu ga wadanda suke da bukatar hakan bisa doron wannan Hukuma. Har ma ya nuna yadda da dama daga cikin Malaman suke taimakawa Hukumar tun daga lokacin da a ka kafa ta kawo yanzu.

Ya ce wannan rana, “Rana ce ta tunawa da ayyukan alheri da cigaba da wannan Hukuma mai albarka ta samar tun daga kafa ta kawo yanzu. Mu na yabawa da irin hobbasar da wannan Hukumar ta yi wajen taimakawa jami’an tsaro wajen samar da zaman lafiya a wannan jiha ta mu.”

Ya kara da cewa gwamnatinsa ta na nuna farin cikin ta ganin yadda jami’an Hisbah ke maganin marasa da’a daga cikin al’umma.

Gwamna Ganduje ya bayyana cewar ya na mai farin cikin cewa shirye shirye sun yi nisa wajen mika makarantar nan da a ka yi musamman da sunan Hukumar ta Hisbah, wato Hisbah Academy ga ita Hukumar.

‘Yan Hisbah na fareti

“Ina kara mika godiya ta ga ‘yan Hisbar nan na sa kai su Dubu Biyar da Dari Bakwai  (5,700) ganin yadda suke kokari wajen tallafawa ayyukan Hukumar ba tare da gajiyawa ba. Da Sunan Allah Mai Rahama Mai Jin Kai nake kaddamar da su a yau din nan,” in ji Gwamnan.

Ya kuma sha alwashin cewa gwamnati za ta duba kudaden da a ke biyan ‘yan Hisbar domin a kara musu.

Gwamna Ganduje da Ustaz Ibn Sina.

Tun da farko sai da babban kwamandar Hukumar Hisbar Sheikh Haroun Ibni Sina ya bayyana cewar daga cikin babban ci gaban da su ka samu ya hadar da farfasa barasa (giya) har manyan motocin diban kaya, wato “Trailer ” talatin da hudu (34), a lokuta daban daban. Sannan kuma akwai motoci biyar (5) yanzu makare da barasa da Hukumar ta kama, su na jiran farfasawa kamar yadda a ka farfasa wadancan.

Click to comment

Leave a Reply

Your email address will not be published. Required fields are marked *

Hausa

Anyi jana’izar Sarkin Bai a garin Danbatta

Published

on

Mukhtar Yahya Usman

 

An gudanar da jana’izar Sarkin Bai Alhaji Muktar Adnan wanda ya ya rasu cikin daren juma’a.

KANO FOCUS ta ruwaito an gudanar da jana’izar ne da misalin 2:30 jim kadan bayan Kammala sallar juma’a a Kofar fada da ke garin Danbatta.

Babban limamin Danbatta Malam Nasir Abubakar ne ya sallace shi.

Cikin wadanda suka halarci jana’izar akwai mai martaba Sarkin Kano Alhaji Aminu Ado Bayero, da Sarkin Bichi Alhaji Nasiru Ado Bayero, sai kuma Sarkin Kazaure Ahaji Najib Hussain Adamu.

Haka kuma cikin mahalartan akwai tsohon gwamnan Kano sanata Rabi’u Musa Kwankwaso, da kuma Alhaji Aminu Alhassan Dantata.

Jim kadan bayan kammala sallar ne aka binne shi kusa da Mahaifinsa a daya daga gidajen ‘ya’yansa.

Wanene Sarkin Bai?

An Mukhtar Adnan a shekarar 1926 a garin Danbatta, ya fara karatun sa na Elementari a makarantar Danbatta a shekarar 1935 daga bisani kuma ya shiga makarantar Midle ta Kano 1939 zuwa 1944.

Mahaifinsa shi ne Mohammed Adnan wanda ya rike mukamin Danmaje a Babura, sannan ya dawo garin Danbatta a matsayin  Sarkin Bai tsakanin 1942.

Ya kuma halarci makarantar harkokin mulki ta jami’ar Ahmadu Bello da ke Zariya.

Ya fara aiki da  hukumar N A, daga 1948 zuwa 1950 inda ya rike manyan mukamai a wancen lokacin ya kuma samu lambobin girma da dama.

A shekarar 1954 ne kuma mai martaba Sarkin Kano Malam Muhammadu Sunusi I ya nadashi sarkin Ban Kano kuma dan majalisar sarki.

Haka kuma a shekarar 1968 gwamnan Kano Audu Bako ya nadashi a matsayin kwamishinan Ilimi na farko a jihar Kano.

Ya nada sarakuna har hudu a Kano da suka hadar da Malam Muhammadu Inuwa a watan Afrilun 1963, sai kuma Alhaji Ado Bayero a shekarar 1963, sai Muhammadu Sanusi II a shekarar 2014, sai kuma Sarkin Kano na yanzu Alhaji Aminu Ado Bayero.

Ya rasu ranar Juma’a 03 ga Disambar shekarar 2021, yana da shekara 95.

Shi ne hakimi mafi dadewa a masarautar Kano da ya shafe shekara 65 yana hakimci.

Gwamnatin Kano ta nuna alhininta

Duk da cewa ba a ga fusakun jami’an gwamnatin Kano a wurin jana’izar ba, sai dai gwamnatin ta fitar da sanarwar nuna alhininta.

Cikin wata sanarwa da sakataren yada labara gwamnan Kano  Abba Anwar ya fitar ta ce jihar Kano ta rasa babban bango.

Sanarwar ta ce Sarkin Bai ya rasu a lokacin da jihar Kano ke tsananin bukatar irinsu.

Haka kuma gwamnan ya ce jihar Kano ba za ta taba mantawa da irin rawar da ya taka wajen inganta ilimi ba.

A don hakan ne ma ya mika sakon ta’aziyyarsa ga yan uwan mamacin da ma al’ummar jihar Kano baki daya.

Buhari na alhinin rasuwarsa

Shugaban kasa Muhammadu Buhari ya mika sakon ta’aziyyarsa ga masarautar Kano bisa rasuwar ta Sarkin bai.

Cikin wata sanrwa da jami’in yada labaransa Garba Shehu ya fitar ta ce rasuwarsa ba wai asarace ga jihar Kano ba har  ma da kasa baki daya.

A cewarsa tsahon shekara 63 da ya kwashe yana sarauta a Kano da kuma kasancewarsa bulalaliyar Majalisa a baya ya tabbatar da matsayinsa na wanda ya taka rawa wajen gina kasa.

Continue Reading

Hausa

Yadda Abdullahi Abbas ya sa aka kona ofishin mu-Barau Jibril

Published

on

Mukhtar Yahya Usman

Sanatan Kano ta Arewa Barau I Jibrin ya zargi shugaban jam’iyyar APC tsagin gwamnan Kano Abdullahi Abbas da kona masa ofishi.

Haka kuma sanatan ya zargi  shugaban karamar hukumar Gwale, Khalid Ilyasu Diso da kuma mataimaki na musamman ga gwamnan Kano kan al’amuran na musamman Murtala Gwarmai  da hannun a ciki.

Mai magana da yawun Sanata Barau, Shitu Madaki Kunci ne ya bayyana hakan ya yin da yake zantawa da KANO FOCUS ranar Alhamis.

Madaki ya ce basa kokwanto kan zargin da suke yi a kan mutanen uku, acewarsa ba za su bar abin ya tafi hakaba, ba tare da daukar mataki ba.

“Abdullahi Abbasa da Honorable Khalid Diso, da Gwarmai  S A sun jagoranci gungun wasu matasa yan bata gari zuwa wannan ofis inda suka faffasa kuma saka sa wuta a wannan waje”

Ya ce tuni suka fara hada bayanai kuma da zarar sun kammala za su shigar da kara a kotu.

Yadda al’amarin ya faru.

Da safiyar yau ne wasu matasa dauke da muggan makamai suka farwa ofishin jam’iyyar APC na jihar Kano tsagin Malam Ibrahim shekarau, wanda mallakin Sanata Baraune.

Matasan sun cinna wuta a wurare da dama na ofishin tare da farfasa gilasansa da kuma sace wasu muhimman abubuwa da ke cikinsa.

Muhammad Shehu shaidar gani da ido ne ya ce matasa sun fito ne daga harabar Sakatariyar Audu Bako, suka kuma bi kan titin Sokoto suka bullan kan titi Maiduguri.

da ga nan ne kuma suka isa inda ofishin ya ke suka kuma sa duka tare da cinna wutar.

“Matasa ne aka turosu da makamai da galan galan na fetur zuwa ofishin nan na Barau, kawai sun sa duka sun faffasa wajen sun saci kujeru.

“Abinda zai baka haushi wai motar ‘yan sanda na binsu a baya daya gaba daya a baya, akwai ma ‘yan sandan da na sansu da idona.

“Jami’an gwamnati muke zargi da turosu, su ne nan suka sakasu yin wannan aikin.

Shi ma Ibrahim Jamilu ya ce a gabansa matasan suka isa ofishin dauke da makamai masu tarin yawa, suka kuma sa duka kan mai uwa da wabi.

“Harga Allah a gabana suka zo sun kai su kunsan dubu da adduna da wukake suka fara kona wurin.

“Nan take muka fara waya muna kiran mutanenmu, muna gaya musu su zo za a kona ofishin Barau.

“Suna ganin mun fara yawa ne kuma sai suka fara guduwa daga wurin. Acewarsa.

Yadda na sha da kyar

Isma’il Muhammad da ke gadin ofishin ya ce ba dan ya buya a bandaki ba da tuni matasan sun kashe shi.

Ya ce Allah ne kadai ya kubutar da rayuwarsa, ya sa ya kewaya bayan ofishin, basu same shi a ciki ba.

“Na gansu dauke da makamai masu tayar da hankali da suka kidimanin rayuwa.

“Sun shigo da fetur ne a galan, ai idan aka ce maka adadinsu ya kai dubu bazan musaba, sai da na gudu fah, karshe a bandaki na buya.

“Ta kan titin Maiduguri suka bullo babban tititin da ko shaidan ne ya biyo sai an ganshi, sai daga baya kuma yan sanda suka zo.

Abdullahi Abbas yaki magantuwa

A kokarin jin ta bakin Abdullahi Abbas kan zargin da ake yi masa mun ziyarci gidansa, inda aka ce bai sakko ba.

Bayan mun jira ne kuma ya fita zuwa filin jirgin sama domin zuwa Abuja.

Mun kuma bishi har filin jirgin saman sai dai hakanmu bai cimma ruwa ba domin yaki cewa komai.

An kama mutum 13

Rundunar yan sandan jihar Kano ta ce ta kama mutane 13 cikin masu tada husumar.

Jami’in hulda da jama’a na rundunar Abdullahi Haruna Kiyawa ne ya tabbatar da hakan cikin wata sanarwa da ya fitar da tsakar ranar Alhamis.

Ya ce an kamasu da nau’in makamai iri-iri, da suka hadar da wukake, da gorori, gariyo da barandami.

Kiyawa ya ce tuni kwamishinan ‘yan sandan Kano Shu’aibu Sama’ila Dikko ya bayar da umarnin a fadada bincke kan al’amarin.

Sakatariyar Audu Bako ce matattarar ‘yan daban

An dai ga matasan sun fito daga sakatariyar Audu Bako dauke da makaman, inda suka bi kan titin Sokoto, zuwa Cinimar  Marhaba suka bulla kan titin Maiduguri.

Haka zalika bayan kammala aikinsu an gansu sun koma cikin sakatariyar suna sauya kaya, daga nan suka tafi gida.

Haka zalika an ga yadda suka dinga fada da junansu bayan fitowa daga Sakatariyar harma aka jikkata wani matashi da aka yasar bakin hanya.

Matashin dai ya sha suka da wuka a wuyansa da kansa, inda jini ke kwarara, amma aka ransa wanda zai kai masa dauki.

Continue Reading

Hausa

Daya daga cikin malaman da suka jagorancin mukabalar Abduljabbar Kabara ya rasu

Published

on

Mukhtar Yahya Usman

Daya daga cikin malaman da suka jagorancin mukabala da malam Abduljabbar Kabara Malam Mas’ud Mas’ud Hotoro ya rasu.

Kano Focus ta ruwaito Malam Mas’ud ya rasu ne a daren ranar Labaran sakamakon hadarin mota a kan hanyar Kaduna zuwa Zaria.

Idan za a iya tunawa malamin na cikin mutum hudu, da sukayi Muƙabala da Sheikh Abduljabbar Kabara a kwanakin baya.

Malamin shi ne wanda ya wakilci bangaren Kadiriyya ya yin zaman mulabalar.

Rahotannin sun bayyana cewa za a yi wa Malamin jana’aiza a yau Alhamis a gidansa da ke Hotoro da karfe 2:00 na rana.

Continue Reading

Trending