Connect with us

Hausa

Dalilai 7 da ya sa APC ta ba wa Shekarau takarar Sanata a 2019 –Bello Sharada

Published

on

Bello Sharada

 

 



Shugaban bangaren Gwamnati na jam’iyyar APC Alhaji Abdullahi Abbas ya yi bayani cewa jam’iyyar APC ta saiwa Mallam Ibrahim Shekarau fom din takarar kujerar Sanata akan kudi naira miliyan bakwai, kuma ta yi masa talla, ta ba shi gudunmawa, sannan ta tallafa masa.

Wannan haka yake. A duk jihar Kano shi kadai ne aka ba shi kyautar fom, aka je har gidansa aka yi masa mubayi’a.
Amma kuma:
Ga dalilai bakwai da suka sanya a wannan lokacin na shekarar 2018-2019 aka yi haka:
Na daya: Shekarau dan siyasa ne, mai daraja da jama’a, sannan mai mutunci da za a iya ra6ewa da shi a yi nasara.

Na biyu: Siyasar Kano gida uku ce, tsagin Madugun Kwankwasiyya da bangaren masoya da mabiya tsarin Sardaunan Kano, sai kuma masu biyayya ga duk abin da gwamnati ta zo da shi, wato ‘yan Establishment. Ana son gida biyu su hadu guri guda.

Na uku: Da aka bai wa Shekarau fom na miliyan bakwai kyauta, an bashi don ya zagaya kananan hukumomi 44 ya yi kamfen. Ya halarci tarukan siyasa na yada angizon APC, ya yi hirarraki a kafafen yada labarai, sannan ya bada shawarwari da dabaru da irin nasa experience don a samu nasara.

Na hudu: An yi kwalliya da shi, an yi amfani da kwarjininsa da haibarsa. Ya yi gwamna, ya yi minista kuma ma’aikata da ‘yan fansho, da masu ra’ayin addini da ‘yan dimokudiyya da siyasar tsabta da masu dangwale  da ‘yan kasuwa da mata da talakawa da saraki suna kaunarsa.

Na biyar dana shida da na bakwai:  Sanata Mallam Ibrahim Shekarau an roke shi, an gayyace shi, an rarrashe shi, an kai gwauro an kai mari, an yi godo  a Kaduna da Abuja da Lagos da Kano a Mundubawa don ya shigo ya bada gudunmawarsa. Ya karba, ya shiga kuma ya yi hidima.

Menene laifi kuma menene abin suka, Ya kai Abdullahi Abbas!!!

Sharada, shi ne jami’in hulda da jama’a na Jam’iyyar APC tsagin Alhaji Ahmadu Haruna Bello Zago

Click to comment

Leave a Reply

Your email address will not be published. Required fields are marked *

Hausa

Yanzu-yanzu-Kotu ta rushe shugabancin Abdullahi Abbas

Published

on

Mukhtar Yahya Usman

Wata kotun tarayya dake Abuja ta rushe zaben shugabancin jam’iyya APC da tsagin gwamnan Kano Abdullahi Ganduje ya gudanar.

KANO FOCUS ta ruwaito mai shari’a Hamza Mua’zu ne ne ya rushe zaben a zaman kotu na yau  Talata.

Haka kuma mai shari’ar ya tabbatar da zaben da tsagin tshohon gwamnan Kano Ibrahim shekarau ya gudanar.

A cewar mai shari’ar zaben na bangaren Shekarau ya samu sanya hannun mutum 7 daga cikin wadanda uwar jam’iyyar ta turo jihar Kano domin gudanar da zaben.

Cikin abinda tsagin Shekarau ya gabatar, gaban kotun shi ne tsagin na gwamna Ganduje bai gudanar da zaben matakin kanan nan hukumomi da mazabu ba.

Idan za a iya tunawa a watan da ya gabata ne aka gudanar da zaben shugabancin jam’iyya APC a jihohin kasar nan ciki har da nan Kano.

Sai dai a nan Kano an samu rashin hadin kai tsakanin mambobin jam’iyyar.

Hakan ta sanya gwamna Ganduje ya gudanar da zaben tare da wadanda ke goya masa baya a wani wuri daban.

Yayin da Malam Ibrahim shekarau ya gudanar da nasa zaben da a wani wurin daban

Haka zalika tsagin na gwaman Ganduje ya zabi Abdullahi Abbas  a matsayin shugaba, ya yin da tsagin Ibrahim Shekarau ya zabi Ahmad Haruna Zago a matsayin shugaba.

Continue Reading

Hausa

Yanzu-yanzu: Sarkin tsaftar Kano ya rasu

Published

on

Mukhtar Yahya Usman

Allah ya yiwa Sarkin Tsaftar Kano Alhaji Ja’afaru Ahmed Gwarzo rasuwa.

KANO FOCUS ta ruwaito Sarkin Tsaftar ya rasu ne ranar Laraba a kasar Saudiyya.

Daya daga cikin ‘yan uwan marigayin Alhaji Nasiru Sani Gwarzo ne ya tabbatar da rasuwar tasa ga manema labarai.

Sarkin tsatar ya rasu ne bayan ‘yar gajeriyar rashin lafiya a kasa mai tsarki da ya tafi domin aikin umara.

Kafin rasuwarsa, Sarkin shi ne mataimaki na musamman ga gwamnan Kano Abdullahi Ganduje kan rigakafin cutar shan Inna.

Continue Reading

Hausa

ASUU ta gargadi Ganduje kan sayar da kadarorin jami’ar Yusuf Maitama Sule

Published

on

Mukhtar Yahya Usman

Kunigyar malaman jami’oi ta kasa ASUU ta gargadi gwamnan Kano Abdullahi Umar Ganduje da ya daina kwacewa da sayar da kadarorin Jami’ar Yusf Maitama Sule (YUMSUK).

KANO FOCUS ta ruwaito wannan na kunshe cikin sanarwar da shugaban kungiyar reshen jami’ar ta (YUMSUK Dakta Abdurrazaq Ibrahim ya sanyawa hannun ranar Asabar.

Ta cikin sanarwar kungiyar ta bukaci gwamnan ya gaggauta dawo da wuraren da ya karbe, da kuma filayen da ya siyarwa jama’a.

Haka kuma ta bukaci gwamnan da ‘kada ya sake’ karbe wabi abu ko sayar da filin jami’ar a nan gaba.

“Sayar da kadarorin gwamnati da gwamnanti Kano ke yi ba sabon al’amari ba ne. Babban abin takaicin shi ne yadda ake sayarwa da kuma kwace wasu muhimman wuraren mallakin jami’ar da ke tasowa”

Wuraren da aka kwace

Kugiyar ta bayyana wasu muhimman wuraren jami’ar da aka kwace da suka hadar da cibiyar koyar da sana’o’in dogaro da kai da ke karamar hukumar Dawakin Tofa.

Haka kuma gwamnan ya kwace tsangayar nazarin al’amuran lafiya da ke Asbitin kwanar Dawaki.

“Wannance ma ta sanya dole aka dawo da daliban da ke karatu a kwanar Dawaki zuwa cikin jami’ar da ke kan titin zuwa Kabuga”.

Haka kuma kungiyar ta ce gwamnan ya yanka filaye a wuraren da suke mallakin jami’ar ne ya kuma sayarwa da jama’a.

Za mu duki matakin shari’a

Kungiyar ta ASUU ta ce za ta ci gaba da sa ido da kuma matsawa gwmnanati wajen ganin ta dawowa da jami’ar wuraren da ta kwace.

A cewarta ya zama dole gwamnati ta dakatar da sayarda filayen makarantar, ko kuma ta dauki matakin shari’a.

Ta kuma yi kira ga dukkanin masu ruwa da tsaki da ke da alaka da al’amarin su sanya baki domin ceto makarantar da ga fadawa halaka.

Continue Reading

Trending