KANUN LABARAI
KEDCO ce ke jawo matsalar karancin ruwan sha a Kano-Water Board
Zulaiha Danjuma
Hukumar samar da ruwan sha ta jihar Kano (KNSWB) ta ce rashin isashshiyyar wutar lantarki da hukumar KEDCO ke hana su ya sanya ake samun karancin ruwan sha a jihar Kano.
Kano Focus ta ruwaito shugaban hukumar Ahmad Garaba Kofar Wambai ne ya bayyana hakan ga manema labarai ranar Talata a nan Kano.
Mista Wambai ya ce Hukumar sa na iya kokarinta wajen ganin ta wadata al’ummar jihar Kano da ruwan sha, amma Hukumar ta KEDCO na dakile kokarin nata.
“Basa bamu lantarki yadda ya kamata, kuma idan wani al’amari ya faru da za su janye lantarki basa gayamana da gaggawa domin musan abun yi sai dai kawai muga babu.
“Duk da cewa muna daya daga cikin manyan abokanan huldar su amma basa yimana abin da ya kamata.” A cewar Mista Wambai.
Sai dai yayin da Kano Focus ta tuntubi Kamfanin na KEDCO kan wannan zargi da ake yi masa, Kamfanin ya musanta zargin.
A cewar jami’in hulda da jama’a na Kamfani Sani Ibrahim Shawai, ko kadan matsalar rashi ruwa a jihar Kano bata da alaka da KEDCO.
Mista Shawai ya ce Hukumar na son daura musu jakar tsaba ne kawai domin sun gaza fahintar da al’umma dalilan su na hana su ruwan sha.
“Wannnan ma ai ba abin da hakali zai dauka ba ne, Hukumar Water Board tana kan tsarin bangarorin da suke samun wuta sama da ta awa ashirin a rana.
“Idan suna da wata matsala da suke ganin ta hana su samar da ruwa ga al’umma to su nemota amma ba batun wutar lantar ki ba.” Shawai ya ce.
Haka zakila Mista Shawai ya kara da cewa ba wannan ne karo na farko da Hukumar ke alakanta mtsalar da kamfanin na KEDCO ba.
Kimanin marasa lafiya masu rauni 18,000 da ke fama da cututtukan ido daban-daban a jihar Katsina sun amfana da ayyukan kulawar ido da tiyata kyauta da Gidauniyar Mangal ta dauki nauyi tun bayan kafuwarta a shekarar 2016.
Wani mamba na kwamitin amintattu (Board of Trustees) na gidauniyar, Malam Hussaini Kabir, ne ya bayyana hakan a ranar Juma’a yayin kaddamar da aikin tiyatar ido na zangon karshe na shekarar 2025 a Cibiyar Ido ta Katsina.
Kabir ya bayyana cewa kimanin mutane 7,000 ne suka amfana a shekarar 2025 kadai, daga sassan jihar Katsina, jihohin makwabta, har ma da wasu yankuna na Jamhuriyar Nijar.
A cewarsa, gidauniyar ta fara tantance wadanda za su amfana kimanin makonni biyu da suka gabata, inda marasa lafiya da dama suka samu magunguna kyauta da tabarau na likita.
Kabir ya kara da cewa wadanda ke bukatar tiyata an dauki nauyin dukkan zaman asibitinsu gaba daya, yana mai cewa kimanin marasa lafiya 2,000 aka tantance a yayin aikin zangon karshe da ake ci gaba da yi.
Ya sake jaddada kudirin gidauniyar na inganta samun kulawar lafiya, yana bayyana shirin a matsayin wani bangare na nauyin alhakin zamantakewar kamfanoni (corporate social responsibility).
“Manufarmu ita ce tallafa wa kokarin gwamnati tare da rage nauyin kudin kula da lafiya ga mafi rauni, musamman wadanda ke fama da matsalar biyan bukatun rayuwa,” in ji shi.
Wani likitan ido a cibiyar, Dokta Ahmad Hamza, ya bayyana cewa an gano marasa lafiya da dama na fama da cutar idon toka (cataract) da glaucoma, cututtuka da galibi ke bukatar tiyata.
Ya jaddada muhimmancin duba ido akai-akai, yana mai cewa gano cuta da wuri na taimakawa wajen hana asarar gani ta dindindin da cututtukan ido masu zuwa a boye ke haifarwa, kamar glaucoma, cataract da lalacewar macula (macular degeneration).
Daya daga cikin wadanda suka amfana, Malam Yusufa Usman, ya ce ya shafe sama da shekaru biyu yana fama da matsalar gani amma ba shi da ikon biyan kudin tiyata.
“Tsawon shekaru biyu ban iya gani sosai ba, amma yau na yi tiyata kuma ina da fatan ganina zai dawo.
Ina rokon Allah Madaukakin Sarki ya saka wa Gidauniyar Mangal da alheri bisa wannan kyakkyawan aiki.
“Ina fatan sauran masu kudi za su yi koyi da wannan abin a yaba,” in ji Usman.
Wata mai amfana, Aisha Muntari daga kauyen Bakuru, ta bayyana kwarewarta yayin da take jiran a kai ta dakin tiyata.
Muntari ta ce ta kamu da matsalar ido kimanin shekara guda da ta wuce kuma ta kusa yanke tsammani kafin ta samu labarin shigar gidauniyar, tana mai bayyana kwarin gwiwar cewa nan ba da dadewa ba ganinta zai dawo.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
BUK probes student over alleged Facebook fraud
Gov. Yusuf relieves Kano Head of Service of appointment
Disabled student seeks urgent fix for faulty elevator at Northwest University Kano
Resident raises concern over rising lawlessness, poor urban planning in Kano
Kwaru Foundation Provides Free Eye Care to Over 1,100 Residents in Kano
Lami Maccido, first person to appear on screens of NTA Kano, CTV 67, dies at 72
Kwaru Foundation Provides Free Eye Care to Over 1,100 Residents in Kano
K-SAFE commends Kano for timely school census, inclusion of non-formal education data
Kano to distribute 16,906 desks to primary schools in 13 LGAs
