KANUN LABARAI
Zaman lafiya ke kawo ci gaban kowacce al’umma- Danbatta
Nasiru Yusuf
Shugaban hukumar sadarwa ta kasa NCC Umar Garba Danbatta ya bukaci al’ummar jihar Kano da su ci gaba da baiwa gwamnatin tarayya hadin kai a yunkurinta na wanzar da zaman lafiya a kasa.
Kano Focus ta ruwaito Danbatta na wannan roko ne lokacin da ya kai ziyara fadar mai martaba sarkin Kano Alhaji Aminu Ado Bayero ranar Asabar a fadarsa.
Farfesa Danbatta ya yaba kokarin masarautar Kano dama al’ummar jihar kan irin zage dantse da suke yi wajen taimakawa ci gaban kasa.
Ya ce kasar nan na bukatar zaman lafiya mai dorewa kafin ta cimma burinkanta na ciyar da al’umma gaba.
Danbatta ya ce gwamnatin tarayya ta fito da wasu tsaruka da za su taimakawa matasa damar samun ayyukan yi musamman ma basu horo a bagaren al’amuran da suka shafi sadarwa.
Da ya ke nasa jawabin mai martaba Sarkin Kano Alhaji Aminu Ado Bayero ya yabawa hukumar sadarwar da kuma gwamnatin tarayya kan irin rawar da suke takawa wajen ciyar da bangaren sadarwa gaba a kasar nan.
Sarkin ya kuma sha alwashin bada hadin kai ga dukkanin kudirorin gwamnatin tarayya, inda ya buka ci shugabanni da su ci gaba da kiran jama’arsu domin wanzar da zaman lafiya a kasa.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
FCCPC, NCC sign MoU to protect consumers’ right
Kano govt reintroduces waste bins in public transport
Why Does Nigeria’s Economy Slow Down in Q1?
Gov Yusuf to distribute free uniform to primary school pupils
A Cry for Help: Saving the Life of Nura Zakaria Gwarzo
Transfers Gone Missing: Nigeria’s frustrating digital bank transactions
Gov. Yusuf send additional commissioner-nominee Nura Iro Ma’aji to Assembly
Counting the gains of President Tinubu’s economic renewal
Juma’a Sermon: How to spoil Sihr or black magic in your house, shop, office
