KANUN LABARAI
Rundunar ‘yan sandan Kano ta kama wani ‘boka’ da ke shirin kwakule idanun jariri
Mukhtar Yahya Usman
Rundunar ‘yan sandan jihar Kano ta kama wani mutum mai suna Yahya Shehu da ake zargin ‘bokane’ da ya nemi kwakule idon jariri domin hada layar zana.
Kano Focus ta ruwaito kakakin rundunar ‘yan sanda ta jihar Kano Abdullahi Haruna Kiyawa ne ya yi holinsa a shalkwatar rundunar a ranar Litinin.
Kiyawa mai mukamin mataimakin sufurtandan ‘yan sanda ya ce sun kamo bokanne bayan da wani matashi mai suna Kabiru Sani ya shigar da korafi gaban ‘yan sanda.
Ya ce ba su yi wata-wata ba suka mamaye shi suka kuma damke shi.
Kiyawa ya ce sun samu kayan tsafi a tare da shi da suka hadar da layu da kyallen likkafani dawata kasa, sai kwarya da aka yi mata rubutun ‘dalasimai a ciki.
Da ya ke bada bayanin yadda al’amarin ya faru matashi Kabiru Sani ya ce ya je gurin bokan ne domin neman maganin rashin lafiyar da ke damun sa.
A cewarsa ya bashi magani da wani ruwa ya ce ya gauraya da fitsarinsa har tsahon kwana uku.
“Naje gurin Malam Yahya saboda bani da lafiya sai ya bani magani da wani ruwa ya ce na hada da fitsari na na kuma dawo bayan kwana uku.
“Na dawo bayan kwana uku sai ya kuma bani wani rubutu ya ce naje na yi amfani da shi.
“Ina yin amfani da shi ne kuma sai kaina ya juye daga nan duk abinda ya ce na yi sai na yi masa.
“Haka ya yi ta yi min romon baka da kudi, zai bani miliya daya miliyan biyu.
“Kwatsam sai rannan ya ce naje na kawo jariri za a cire idonsa za a yiwa soja aiki, za a yi masa layar zana.
“Da na tafi sai jikina ya yi sanyi na je na gayawa yayata halin da ake ciki shi ne fa hankalin ta ya tashi.
“Saura kiris mu dauko yaron dan gidan Samira yayata uwarmu daya ubanmu daya amma Allah ya kwacemu shi ne muka kai kara ofishin yan sanda.
Mista Kiywa ya ce a yanzu haka rundunar yan sanda ta fara bincike kuma da zarar ta kammala za ta gurfanar da shi gaba kuliya domin ya girbi abinda ya shuka.
Kimanin marasa lafiya masu rauni 18,000 da ke fama da cututtukan ido daban-daban a jihar Katsina sun amfana da ayyukan kulawar ido da tiyata kyauta da Gidauniyar Mangal ta dauki nauyi tun bayan kafuwarta a shekarar 2016.
Wani mamba na kwamitin amintattu (Board of Trustees) na gidauniyar, Malam Hussaini Kabir, ne ya bayyana hakan a ranar Juma’a yayin kaddamar da aikin tiyatar ido na zangon karshe na shekarar 2025 a Cibiyar Ido ta Katsina.
Kabir ya bayyana cewa kimanin mutane 7,000 ne suka amfana a shekarar 2025 kadai, daga sassan jihar Katsina, jihohin makwabta, har ma da wasu yankuna na Jamhuriyar Nijar.
A cewarsa, gidauniyar ta fara tantance wadanda za su amfana kimanin makonni biyu da suka gabata, inda marasa lafiya da dama suka samu magunguna kyauta da tabarau na likita.
Kabir ya kara da cewa wadanda ke bukatar tiyata an dauki nauyin dukkan zaman asibitinsu gaba daya, yana mai cewa kimanin marasa lafiya 2,000 aka tantance a yayin aikin zangon karshe da ake ci gaba da yi.
Ya sake jaddada kudirin gidauniyar na inganta samun kulawar lafiya, yana bayyana shirin a matsayin wani bangare na nauyin alhakin zamantakewar kamfanoni (corporate social responsibility).
“Manufarmu ita ce tallafa wa kokarin gwamnati tare da rage nauyin kudin kula da lafiya ga mafi rauni, musamman wadanda ke fama da matsalar biyan bukatun rayuwa,” in ji shi.
Wani likitan ido a cibiyar, Dokta Ahmad Hamza, ya bayyana cewa an gano marasa lafiya da dama na fama da cutar idon toka (cataract) da glaucoma, cututtuka da galibi ke bukatar tiyata.
Ya jaddada muhimmancin duba ido akai-akai, yana mai cewa gano cuta da wuri na taimakawa wajen hana asarar gani ta dindindin da cututtukan ido masu zuwa a boye ke haifarwa, kamar glaucoma, cataract da lalacewar macula (macular degeneration).
Daya daga cikin wadanda suka amfana, Malam Yusufa Usman, ya ce ya shafe sama da shekaru biyu yana fama da matsalar gani amma ba shi da ikon biyan kudin tiyata.
“Tsawon shekaru biyu ban iya gani sosai ba, amma yau na yi tiyata kuma ina da fatan ganina zai dawo.
Ina rokon Allah Madaukakin Sarki ya saka wa Gidauniyar Mangal da alheri bisa wannan kyakkyawan aiki.
“Ina fatan sauran masu kudi za su yi koyi da wannan abin a yaba,” in ji Usman.
Wata mai amfana, Aisha Muntari daga kauyen Bakuru, ta bayyana kwarewarta yayin da take jiran a kai ta dakin tiyata.
Muntari ta ce ta kamu da matsalar ido kimanin shekara guda da ta wuce kuma ta kusa yanke tsammani kafin ta samu labarin shigar gidauniyar, tana mai bayyana kwarin gwiwar cewa nan ba da dadewa ba ganinta zai dawo.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Cameroon telecom regulator visits NCC for benchmarking exercise
Dangote Refinery maintains ex-depot price of PMS
Tinubu congratulates Garo on appointment as Kano deputy governor
Ganduje acknowledges Sanusi II as Emir of Kano, 6 years after dethroning him
Gov. Yusuf to swear in Murtala Garo as Kano deputy governor Tuesday
Kano SUBEB disowns fake teachers’ recruitment results
Sarkin Fulanin Jaidinawa Abubakar Gwadabe Buhari dies, funeral set for Wednesday
Kano Judicial Commission sanctions Shariah Court Judges, other staff over misconduct
Tinubu nominates Kano’s Rabiu Umar as new NMDPRA chief
