Mauludi: Gwamnatin tarayya ta ayyana ranar Alhamis amatsayin ranar hutu

Published

4 years ago

October 28, 2020

Mukhtar Yahya Usman

Gwamnatin tarayya ta ayyana ranar Alhamis 29 ga Oktobar, 2020 amatsayin ranar hutu domin murnar bikin mauludin Annabi Muhammadu (SAW).

Kano Focus ta ruwaito wannan na kunshe cikin wata sanarwa da jami’in hulda da jama’a na ma’aikatar cikin gida Muhammad Manga ya fitar a ranar Laraba.

Sanarwar ta ruwaito ministan harkokin cikin gida Rauf Aregbesola

Na kiran daukacin al’ummar musulmi da su yi amfani da hutun wajen yiwa kasa addu’o’i.

Ministan ya kuma yi kira ga jama’a da su rungumi koyarwar annabin Muhammad SAW na hakuri da juriya.

A cewar sa hakan zai taimaka wajen wanzar da zaman lafiya a kasa da kuma a tsakanin al’umma

Aregbesola ya kuma bukaci al’ummar musulin maksar nan da su zama ‘yan kasa na gari su kauracewa dukkanin wasu tashin hankula.

Jami’ar Yusuf Maitama Sule ta koma Northwest University, Kano

Published

2 months ago

November 29, 2024

Kano Focus

Nasiru Yusuf Ibrahim

Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.

KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.

Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.

“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.

“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.

“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.

“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”

Hausa

Zan ɗora ƙaramar hukumar Nassarawa kan manufofin jagoran Kwankwasiyya – Ogan Ɓoye

Published

3 months ago

October 23, 2024

Kano Focus

Nasiru Yusuf Ibrahim

Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.

Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.

Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.

Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.

A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.

Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.