KANUN LABARAI
Kalaman batsa: An kama masu tallan maganin gargajiya 13 a Kano
Mukhtar Yahya Usman
Gwamnatin jihar Kano ta kama masu sayarda maganin gargajiya 13 da ke amfani da kalaman ‘batsa’ wajen tallata hajarsu.
Kano Focus ta ruwaito shugaban hukumar kula da asibitoci masu zaman kansu na jihar Kano Usman Tijjani Aliyu ne ya sanar da hakan ga manema labarai ranar Asabar a nan Kano.
Ya ce galibin su an kama su a masallatan juma’a ne da suka hadar da na Alfurqan dana Fagge sai na Sharada da kuma na Ja’en.
Ya kuma ce sauran an kama su ne a kan manyan hanyoyi da suka hadar da sabon titi zuwa Madobi sai unguwar Guringawa, da kuma titin zuwa gidan zoo.
Ya ce manufar kama wadannan mutane shi ne a tsaftace sana’ar ta su don su daina amfani da kalaman batsa wajen tallata hajarsu.
Ya kuma ce gwamnati ta kafa kwamitin kartakwana da zai dinga kama masu tallan maganin gargajiya da ke amfani da kalaman batsa.
Kwamitin ya kunshi kwamishinan lafiya na jihar Kano Aminu Ibrahim Tsanyawa a matsayin shugaba, sai kuma wakilai daga hukumomin KAROTA da HISBA, sai kuma rundunar ‘yan sanda da sauran jami’an tsaro.
Nasiru Yusuf Ibrahim
Gwamnatin Jihar Kano ta sanar maidawa Jami’ar Northwest sunanta na asali, dogaro da dalilin da yasa aka kafata a shekara 2012.
KANO FOCUS ta samo wannan sanarwa ne daga Keamishinan Ma’aikatar ilimi mai zurfi Dr Yusuf Ibrahim Ko far mata, a wani rubutu da ya wallafa a shafinsa na Facebook.
Dr Kofar Mata ya ce “A zaman majalisar zartarwar ta gwamnatin Kano ƙarƙashin jagorancin Alhaji Abba Kabir Yusuf na 21 yau Juma’a 29th November 2024 (27th Jumada Awwal 1446) ta amince da maidawa ta Jami’ar Northwest sunanta na baya, dogaro da dalilin da yasa aka kafata a shekara 2012.
“Sannan kuma don girmamawa ga Marigayi Dattijo uban ƙasa Dr. Yusuf Maitama Sule, an sawa sabuwar kolejin ilimi ta ƙaramar hukumar Ghari da cigaba da karatu sunansa.
“Sabuwar makarantar Yusuf Maitama Sule College of Education and Advanced Studies, Ghari, wacce aka amince da dokar gudanarwarta a zaman yau, babbar makarantace daidai da kolejin ilimi ta Rabiu Musa Kwankwaso dake Tudun Wada.
“Haka zalika makarantar Audu Bako Dambatta da kuma makarantar malam Aminu Kano mai laƙabin Legal. Dukkaninsu manyan makarantune don girmamawa da tunawa da manyan mutanen jihar Kano.
“Tuni majalisar zartarwar ta bada umarnin tura waɗannan dokoi zuwa majalisar dokoki ta jihar Kano, harda gyaran shekarun aiki na manyan makarantu daga shekaru 65 zuwa 70 ga farfesoshi na jami’a, da kuma 60 zuwa 65 na sauran manyan makarantu. Allah Ya taimakemu.”
Nasiru Yusuf Ibrahim
Ɗan Takarar Shugabancin Ƙaramar Hukumar Nassarawa a jam’iyyar NNPP Amb. Yusuf Imam Ogan Ɓoye ya yiwa jama’arsa godiya kan goyon bayan da suke nuna masa.
Ogan Ɓoye ya ce yayi farin ciki matuƙa da irin goyon bayan da ya samu a lokacin da yake yaƙin neman zaɓe.
Ya yi alƙawarin cewa zai yi iya ƙoƙarinsa idan ya yi nasara a zaɓe wajen ciyar da ƙaramar hukumar gaba.
Ya ce, zai ɗora ƙaramar hukumar kan manufofin jagoran Kwankwasiyya Engr. Rabi’u Musa Kwankwaso na gina rayuwar talakawa ta hanyar inganta ilimi lafiya da tattalin arziki.
A ƙarshe Ogan Ɓoye ya yi kira ga jama’ar ƙaramar hukumar su fito ƙwansu da kwarkwata ranar zaɓe don kaɗa masa ƙuri’a.
Ogan Ɓoye dai na cikin fitattun jagororin matasan Kwankwasiyya da suka yi suna wajen tallafawa matasa ƙarfi.
Nasiru Yusuf Ibrahim
Mamakon ruwan saman da ake yi a ‘yan kwanakin nan na barazanar raba hanyar da ta tashi daga Dawakin kudu zuwa garin Tsakuwa.
Wani mazaunin yankin Malam Umar Musa Aliyu Dukawa ya ce zaizayar ta shafi gadar fansallah ne dake Maishudi kan hanyar zuwa garin Tsakuwa.
Malam Musa ya ce a baya ma wurin ya taba riftawa, mutanen garin Tsakuwa suka yi gangami suka gyara.
Ya kara da cewa tsohon dan majalisar Tarayya mai wakiltar Kananan Hukumomin Dawakin kudu da Warawa Hon. Mustapha Bala Dawaki ya taba gyara hanyar.
A don haka ya ce akwai bukatar hukumomi su kawo dauki don gyara hanyar kafin ruwan sama ya raba ta biyu.
Governor Yusuf Bags Vanguard’s 2024 Good Governance Award
Kano Tops Nigeria’s Zero-Dose Immunization List as Boost Project Targets Urgent Action
Kano, 12 others prone to meningitis
Uromi killings: Kano deputy Governor leads fact-finding team to Edo state
Support for President Tinubu’s Policies and Call for the Appointment of Hisham Habib as Political Adviser
Book Review: Quintessential Elegance in Islamic Scholarship, Sheikh Ibrahim Khaleel
Emir Sanusi II Calls for Justice Over Killing of Kano Indigenes in Edo
Emir Sanusi II Warns Against Internal Betrayal and External Meddling in Kano
IGP Orders Kano Police to Investigate Emir Sanusi, Withdraws Invitation from Force HQ
